PKL 2024: ବଡ଼ ବିଜୟ ସହ ସେମିଫାଇନାଲରେ ପହଞ୍ଚିଲା ଜୟପୁର ପିଙ୍କ ପାନ୍ଥର୍ସ
ନୂଆଦିଲ୍ଲୀ: ପ୍ରୋ କବାଡ଼ି ଲିଗ (ପିକେଏଲ) ୨୦୨୪କୁ ନେଇ ଆସିଛି ଏକ ବଡ଼ ଅପଡେଟ୍ । ଉତ୍ତରପ୍ରଦେଶ ଯୋଦ୍ଧା ବିପକ୍ଷରେ ୬୭-୩୦ ବ୍ୟବଧାନରେ ଏକ ବଡ଼ ବିଜୟ ହାସଲ କରିଛି ଜୟପୁର ପିଙ୍କ ପାନ୍ଥର୍ସ । ଅର୍ଜୁନ ଦେଶୱାଲ ପୁଣି ଥରେ ଶାନଦାର ପ୍ରଦର୍ଶନ କରିବା ଫଳରେ ଜୟପୁର ପିଙ୍କ ପାନ୍ଥର୍ସ ସେମିଫାଇନାଲରେ ପହଞ୍ଚିଛି । ୨୦ ରେଡ ଅଙ୍କ ସହିତ ଦେଶୱାଲ ଶୀର୍ଷ ସ୍କୋର କରିଥିଲେ । ଏଥିସହିତ ଡିଫେଣ୍ଡର ସୁନୀଲ କୁମାର ଓ ଅଙ୍କୁଶ ସର୍ବାଧିକ ୫ ଅଙ୍କ ଯୋଗଦାନ ଦେଇଥିଲେ ।
ସେହିପରି ସୋମବାର ଦିନ ୟୁ ମୁମ୍ବା ଓ ବଙ୍ଗାଲ ୱାରିୟର୍ସ ମଧ୍ୟରେ ଅନ୍ୟ ଏକ ମ୍ୟାଚ ଖେଳାଯାଇଥିଲା । ଉକ୍ତ କ୍ୱାଲିଫାଏ ମ୍ୟାଚରେ ବଙ୍ଗାଲ ୱାରିୟର୍ସ ପ୍ରତିପକ୍ଷ ୟୁ ମୁମ୍ବାକୁ ୪୬-୩୪ ବ୍ୟବଧାନରେ ପରାସ୍ତ କରିଥିଲା । ବଙ୍ଗାଲ ୱାରିୟର୍ସ ପକ୍ଷରୁ ରେଡର ମନିନ୍ଦର ସିଂହ ୧୦ ଅଙ୍କ, ନୀତିନ କୁମାର ୮ ଅଙ୍କ, ଏସ. ବିଶ୍ୱାସ ୮ ଅଙ୍କ ହାସଲ କରିଥିଲେ । ବର୍ତ୍ତମାନ ପଏଣ୍ଟସ ଟେବୁଲରେ ବଙ୍ଗାଲ ୱାରିୟର୍ସ ୭ମ ସ୍ଥାନରେ ରହିଥିବା ବେଳେ ଟପ-୬ଟି ଟିମ୍ କ୍ୱାଲିଫାଏ କରିବେ । ଜୟପୁର ପିଙ୍କ ପାନ୍ଥର୍ସ ପ୍ରଥମ ସ୍ଥାନରେ ଓ ପୁନେରୀ ପ୍ଲଟନ ଦ୍ୱିତୀୟ ସ୍ଥାନରେ ରହିଛନ୍ତି ।
We’re nearly there 🤏
Who are your picks for the remaining Qs?#ProKabaddiLeague #ProKabaddi #PKLSeason10 #PKL #HarSaansMeinKabaddi #UPvJPP #BENvMUM pic.twitter.com/pAohjzuNyS
— ProKabaddi (@ProKabaddi) February 12, 2024
