Big Breaking: ଗାଧୋଇବାକୁ ଯାଇ ପୋଖରୀରେ ବୁଡ଼ି ୨ ସାଙ୍ଗଙ୍କ ମୃତ୍ୟୁ

ଭବାନୀପାଟଣା: ପୋଖରୀରେ ବୁଡ଼ିଯାଇ ୨ଜଣ ନାବାଳକ ସାଙ୍ଗଙ୍କର ମୃତ୍ୟୁ ଘଟିଥିବା ଘଟଣା ସାମ୍ନାକୁ ଆସିଛି । ଥୁ.ରାମପୁର ବ୍ଲକ ଦୁରେସପଦର ଗାଁରେ ଏପରି ଅଭାବନୀୟ ଘଟଣା ଘଟିଛି ।

ସୂଚନା ଅନୁଯାୟୀ, ଭବାନୀପାଟଣାର ଥୁ.ରାମପୁର ବ୍ଲକ ଦୁରେସପଦର ଗାଁରେ ଦୁଇ ସାଙ୍ଗ ପୋଖରୀକୁ ଗାଧୋଇବା ପାଇଁ ଯାଇଥିଲେ । ପୋଖରୀର ଗଭୀର ଜଳ ଭିତରକୁ ଯାଇ ପହଁରା ନ ଶିଖିଥିବା ହେତୁ ଦୁଇ ସାଙ୍ଗଙ୍କର ମୃତ୍ୟୁ ଘଟିଛି । ମୃତକ ନାବାଳକଙ୍କ ବୟସ ୭ ବର୍ଷ ବୋଲି ଜଣାପଡିଛି ।

ଘଟଣାସ୍ଥଳରେ ଏହି ଦୁଇ ଜଣ ସାଙ୍ଗ ବହୁ ବିଳମ୍ବ ପର୍ଯ୍ୟନ୍ତ ଘରକୁ ନ ଫେରିବାରୁ ପରିବାର ଲୋକଙ୍କର ସନ୍ଦହ ଉପୁଜିଲା । ଏହାପରେ ତାଙ୍କୁ ପୋଖରୀ ଆଡେ ଖୋଜିବାରୁ ଦୁଇଜଣଙ୍କ ମୃତଦେହ ସେଠାରେ ଉଦ୍ଧାର କରାଯାଇଥିଲା ।