ଅହମଦାବାଦ-ବାରଣାସୀ ଗସ୍ତରେ ପ୍ରଧାନମନ୍ତ୍ରୀ ମୋଦୀ; ଦେଶକୁ ଉପହାର ଦେବେ ୨ଟି ନ୍ୟୁକ୍ଲିୟର ପାୱାର ପ୍ଲାଣ୍ଟ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସୁରଟ ଜିଲ୍କାର କାକରାପାର ପରମାଣୁ ଶକ୍ତି କେନ୍ଦ୍ରରେ ସମୁଦାୟ ୧୪୦୦ ମେଗାୱାଟ କ୍ଷମତା ବିଶିଷ୍ଟ ଦୁଇଟି ନୂତନ ପ୍ରେସରାଇଜଡ୍ ହେଭି ୱାଟର ରିଆକ୍ଟର ଦେଶ ପାଇଁ ଉତ୍ସର୍ଗ କରିବେ । ଏଥିସହ ସେ ଗୁଜରାଟରେ ତାଙ୍କର ଦିନିକିଆ ଗସ୍ତରେ ଅନେକ ପ୍ରକଳ୍ପର ମୂଳଦୁଆ ସ୍ଥାପନ କରିବେ । ଅଧିକାରୀମାନେ ବୁଧବାର ଦିନ ଏହି ସୂଚନା ଦେଇଛନ୍ତି ।
ସୂଚନା ଅନୁଯାୟୀ, ପ୍ରଧାନମନ୍ତ୍ରୀ କାକରାପାର ପରମାଣୁ ଶକ୍ତି ଷ୍ଟେସନରେ ଦୁଇଟି ନୂଆ ୟୁନିଟ୍ ଉତ୍ସର୍ଗ କରିବେ । ଭାରତୀୟ ପରମାଣୁ ଶକ୍ତି ନିୟମ ଲିମିଟେଡ ପକ୍ଷରୁ ୨୨,୫୦୦ କୋଟି ଟଙ୍କାରୁ ଅଧିକ ମୂଲ୍ୟରେ ନିର୍ମିତ କିଏପିଏସ-୩ ଏବଂ କେଏପିଏସ-୪ ପ୍ରକଳ୍ପଗୁଡ଼ିକର ସଞ୍ଚୟ କ୍ଷମତା ୧୪୦୦ ମେଗାୱାଟ ତଥା ଏହା ସବୁଠାରୁ ବଡ଼ ସ୍ୱଦେଶୀ ପିଏଚଡବ୍ଲୁଆର ଅଟେ ।
ମିଳିଥିବା ସୂଚନାରେ କୁହାଯାଇଛି ଯେ, ଏହା ଦୁନିଆର ସର୍ବୋତ୍ତମ ରିଆକ୍ଟର ତୁଳନାରେ ଉନ୍ନତ ସୁରକ୍ଷା ଫିଚର ସହିତ ଏଗୁଡ଼ିକ ହେଉଛି ପ୍ରଥମ ପ୍ରକାରର ରିଆକ୍ଟର । ଏହି ଦୁଇଟି ରିଆକ୍ଟର ପ୍ରତି ବର୍ଷ ହାରାହାରି ୧୦.୪ ଆରବ ୟୁନିଟ ସ୍ୱଚ୍ଛ ବିଜୁଳିର ଉତ୍ପାଦନ କରିବ ଏବଂ ଗୁଜରାଟ, ମହାରାଷ୍ଟ୍ର, ମଧ୍ୟପ୍ରଦେଶ, ଛତିଶଗଡ଼, ଗୋଆ ଏବଂ ଦାଦରା ଏବଂ ନଗର ହବେଲୀ ତଥା ଦମନ ଏବଂ ଦିବ ପରି ବହୁ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳର ଉପଭୋକ୍ତାମାନେ ଉପକୃତ ହେବେ ।