Video; ରାଜଧାନୀରେ ଚାଞ୍ଚଲ୍ୟ, ପରିବା ବିକାଳିଙ୍କ ସହ ଏପରି କଲେ ଦୁର୍ବୃତ୍ତ, ସିସିଟିଭିରେ କଏଦ ହେଲା ଦୃଶ୍ୟ
ନୂଆଦିଲ୍ଲୀ: ଦିଲ୍ଲୀର ଭଜନପୁରା ଅଞ୍ଚଳରେ ଚାଞ୍ଚଲ୍ୟ । ଦିନ ଦ୍ୱିପ୍ରହରେ ଜଣେ ପରିବା ବିକାଳିଙ୍କ ଠାରୁ ଲୁଟ୍ । ଲୁଟ୍ ର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଜୁଲାଇ ୨୧ ତାରିଖ ମଙ୍ଗଳବାର ଦିନ ଏହି ଘଟଣା ଘଟିଥିଲା । ଭିଡିଓରେ ସ୍ପଷ୍ଟ ଦେଖାଯାଉଛି ଯେ ପରିବା ବିକ୍ରେତା ତାଙ୍କ ଠେଲା ଗାଡ଼ି ପାଖରେ ଛିଡ଼ା ହୋଇଛନ୍ତି । ତା’ପରେ ଦୁଇ ଜଣ ଲୋକ ତାଙ୍କ ପଛକୁ ଓ ସାମ୍ନାକୁ ଆସନ୍ତି । ଏହି ସମୟରେ ପଛପଟୁ ଆସିଥିବା ଯୁବକ ଜଣକ ହଠାତ୍ ପରିବା ବେପାରିଙ୍କ ବେକକୁ ଖୁବ୍ ଯୋରରେ ଧରି ମାଡ଼ିବସିଥିବା ବେଳେ ଅନ୍ୟ ଯୁବକ ତାଙ୍କ ପକେଟରେ ଥିବା ଟଙ୍କା ଲୁଟିବା ଆରମ୍ଭ କରିଥିଲେ ।
ଏହି ଘଟଣା ପରେ ଦୁହେଁ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଉତ୍ତର-ପୂର୍ବାଞ୍ଚଳ ଡିସିପି ଡ. ଜୟ ତିର୍କୀ କହିଛନ୍ତି ଯେ ଏହି ଘଟଣାର ତଦନ୍ତ ଚାଲିଛି । ଉଭୟ ଅଭିଯୁକ୍ତଙ୍କ ପରିଚୟ ମିଳିଛି । ତେବେ ସୋସିଆଲ ମିଡିଆରେ ଭିଡିଓକୁ ବହୁ ମାତ୍ରାରେ ସେୟାର କରାଯାଉଛି । ଲୋକଙ୍କ ଆଶା ଗରିବ ପରିବା ବିକାଳିକୁ ନ୍ୟାୟ ମିଳିବ । ଯାହାକୁ ନେଇ ଅନେକ ଲୋକ ସେମାଙ୍କ ଏକ୍ସ ଆକାଉଣ୍ଟରେ ସେୟାର କରୁଥିବା ବେଳେ ଦିଲ୍ଲୀ ପୋଲିସକୁ ଟ୍ୟାଗ୍ କରୁଛନ୍ତି । ସ୍ପଷ୍ଟ ଦିବା ଆଲୋକରେ ଏପରି ଅପରାଧ ଘଟାଇବାକୁ ପଛାଉନାହାନ୍ତି ଅପରାଧୀ । ଚିନ୍ତାରେ ରାଜଧାନୀ ବାସୀ । ସାଧାରଣ ଜନତାଙ୍କ ସୁରକ୍ଷାକୁ ନେଇ ଉଠିଲା ପ୍ରଶ୍ନ ।
दिल्ली के भजन पूरा का LAW & ORDER
एक ग़रीब सब्ज़ी वाले को देखिए कैसे लूट लिया गया। pic.twitter.com/m7OpRjTVPA
— Sagar Kumar “Sudarshan News” (@KumaarSaagar) July 24, 2024
