ବାଂଲାଦେଶୀ ହିନ୍ଦୁଙ୍କ ଉପରେ ଆକ୍ରମଣ ନେଇ ମୁହଁ ଖୋଲିଲେ ଖାଲିଦା ଜିଆଙ୍କ ଦଳୀୟ ନେତା; ‘ଶେଖ ହସିନାଙ୍କୁ ଆଶ୍ରୟ ଦିଆଯାଇଛି, ତେଣୁ…’
ନୂଆଦିଲ୍ଲୀ: ନୋବେଲ ବିଜେତା ମହମ୍ମଦ ୟୁନୁସଙ୍କୁ ବାଂଲାଦେଶର ଅନ୍ତରୀଣ ସରକାରର ମୁଖ୍ୟ କରାଯାଇଛି। ବାଂଲାଦେଶରେ ସ୍ଥିତି ଖରାପ ହେବା ପରେ ଶେଖ୍ ହସିନା ଇସ୍ତଫା ଦେଇ ଭାରତ ଆସିଥିଲେ। ପୂର୍ବତନ ପ୍ରଧାନମନ୍ତ୍ରୀ ଖାଲିଦା ଜିଆଙ୍କ ବାଂଲାଦେଶ ନ୍ୟାସନାଲିଷ୍ଟ ପାର୍ଟିର ନେତା ଖଣ୍ଡକର ମୋଶରଫ ହୁସେନ କହିଛନ୍ତି, ଭାରତ-ବାଂଲାଦେଶ ଦ୍ୱିପାକ୍ଷିକ ସମ୍ପର୍କ କେବଳ ଆୱାମୀ ଲିଗ୍ ଉପରେ ନିର୍ଭରଶୀଳ ନୁହେଁ।
ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଆଶ୍ରୟ ଦେଇଛି ଭାରତ, ବାଂଲାଦେଶରେ ସ୍ଥିତି ଖରାପ ହେବା ସ୍ୱାଭାବିକ । ବାଂଲାଦେଶ ପାଇଁ ଭାରତ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଦ୍ୱିପାକ୍ଷିକ ସମ୍ପର୍କରେ ଏକ ନୂତନ ଅଧ୍ୟାୟ ଆରମ୍ଭ କରିବା ପାଇଁ ଏହା ଉପଯୁକ୍ତ ସମୟ ବୋଲି ବିଏନପି ନେତା ଖଣ୍ଡାକର ମୋଶରଫ ହୁସେନ କହିଛନ୍ତି। ବାଂଲାଦେଶର ଅନ୍ତରୀଣ ସରକାରଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଭିନନ୍ଦନ ବାର୍ତ୍ତାକୁ ସେ ସ୍ୱାଗତ କରିବା ସହ ବଡ଼ ଧରଣର ବିଦ୍ରୋହ ପରେ ଦେଶ ଛାଡ଼ି ପଳାଇଥିବା ଆୱାମୀ ଲିଗ୍ ଏବଂ ଶେଖ୍ ହସିନାଙ୍କୁ ଭାରତ ସମର୍ଥନ କରିବା ବନ୍ଦ କରିବ ବୋଲି ଆଶା ବ୍ୟକ୍ତ କରିଥିଲେ।
ଅନ୍ୟ ଜଣେ ବିଏନପି ନେତା ଅବଦୁଲ ଅୱାଲ ମିଣ୍ଟୁ କହିଛନ୍ତି ଯେ ଯଦି ଶେଖ୍ ହସିନା ଭାରତ ଯାଇ ନଥାନ୍ତେ ତେବେ ଭଲ ହୋଇଥାନ୍ତା କାରଣ ବାଂଲାଦେଶର ଲୋକମାନେ ଭାରତ ସହିତ ଉତ୍ତମ ସମ୍ପର୍କ ବଜାୟ ରଖିବାକୁ ଆଗ୍ରହୀ । ସେ କହିଛନ୍ତି ଯେ ବାଂଲାଦେଶ ଏବଂ ଏହାର ଲୋକମାନେ ଭାରତକୁ ବନ୍ଧୁ ଭାବରେ ଗ୍ରହଣ କରନ୍ତି । ମୋଶରଫ ହୁସେନ କହିଛନ୍ତି ଯେ ଯେତେବେଳେ ବିଏନପି କ୍ଷମତାରେ ଥିଲା ସେତେବେଳେ ସେ ବାଂଲାଦେଶ ସରକାରରେ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ ଏବଂ ଦୁଇ ଦେଶ (ଭାରତ ଏବଂ ବାଂଲାଦେଶ) ମଧ୍ୟରେ ସମ୍ପର୍କ ସର୍ବୋତ୍ତମ ଥିଲା ।
ବିଏନପି ନେତା ମୋଶରଫ ହୁସେନ କହିଛନ୍ତି, ବାଂଲାଦେଶ ପାଇଁ ଭାରତ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା କ୍ରମାଗତ ଭାବରେ ନିଜ ଲୋକଙ୍କୁ ସମର୍ଥନ କରି ଆସୁଛି ଏବଂ ଦୁଇ ଦେଶ ମଧ୍ୟରେ ଉତ୍ତମ ଦ୍ୱିପାକ୍ଷିକ ସମ୍ପର୍କ ରହିଛି ବୋଲି ବିଶ୍ୱାସ ବ୍ୟକ୍ତ କରିଛି। ବିଏନପି ନେତା କହିଛନ୍ତି ଯେ ବାଂଲାଦେଶର ଲୋକମାନେ ଆଶା କରନ୍ତି ଯେ ଭାରତ ସରକାର ସର୍ବଦା ଆୱାମୀ ଲିଗ୍ ଭଳି ଦୁର୍ନୀତିଗ୍ରସ୍ତ ଏବଂ ଏକଛତ୍ରବାଦୀ ଶାସନକୁ ସମର୍ଥନ କରିବେ ନାହିଁ। ନୋବେଲ ବିଜେତା ମହମ୍ମଦ ୟୁନୁସଙ୍କ ନେତୃତ୍ୱରେ ଅନ୍ତରୀଣ ସରକାର ଖୁବଶୀଘ୍ର ଲୋକଙ୍କ ପାଇଁ ସ୍ୱାଭାବିକ ସ୍ଥିତି ଏବଂ ଗଣତାନ୍ତ୍ରିକ ଅଧିକାର ଫେରାଇ ଆଣିବ ବୋଲି ସେ ଆଶା ବ୍ୟକ୍ତ କରିଛନ୍ତି।
