ଖୁସି ଖବର: ଶସ୍ତା ହୋଇଯିବ ଖାଇବା ତେଲ! ମୋଦୀ କ୍ୟାବିନେଟ୍ ଏହି ଯୋଜନାକୁ ମିଳିଲା ମଞ୍ଜୁରୀ

ନୂଆଦିଲ୍ଲୀ : ସାଧାରଣ ଲୋକଙ୍କୁ ବଡ଼ ଖୁସିଖବର ମିଳିବାକୁ ଯାଉଛି । କେନ୍ଦ୍ର ସରକାର ଗୁରୁବାର (ଅକ୍ଟୋବର ୩) ଖାଇବା ତେଲ ମାମଲାରେ ଭାରତକୁ ଆତ୍ମନିର୍ଭରଶୀଳ କରିବା ପାଇଁ ୧୦,୧୦୩ କୋଟି ଟଙ୍କା ବ୍ୟୟବରାଦ ସହିତ ଖାଇବା ତେଲ-ତେଲ ବିହନ ଉପରେ ଜାତୀୟ ମିଶନକୁ ମଞ୍ଜୁର କରିଛନ୍ତି ।

ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି । କହିବାକୁ ଗଲେ ଭାରତ ବାର୍ଷିକ ତେଲର ବାର୍ଷିକ ଆବଶ୍ୟକତାର ୫୦ ପ୍ରତିଶତରୁ ଅଧିକ ଆମଦାନୀ କରିଥାଏ ।

ପ୍ରଧାନମନ୍ତ୍ରୀ ରାଷ୍ଟ୍ର କୃଷି ବିକାଶ ଯୋଜନା ଏବଂ କୃଷି ଉନ୍ନତି ଯୋଜନାକୁ ମଧ୍ୟ ମଞ୍ଜୁରୀ :-
ଏହା ବ୍ୟତୀତ ଗୁରୁବାର ମୋଦୀଙ୍କ ଅଧ୍ୟକ୍ଷତାରେ ଏକ କ୍ୟାବିନେଟ ବୈଠକ ଅନୁଷ୍ଠିତ ହୋଇଥିଲା । ପ୍ରଧାନମନ୍ତ୍ରୀ ରାଷ୍ଟ୍ର କୃଷି ବିକାଶ ଯୋଜନା ଏବଂ କୃଷି ଉନ୍ନତି ଯୋଜନାକୁ ସରକାର ଅନୁମୋଦନ କରିଛନ୍ତି । ଏହି ୨ ଟି ଯୋଜନାରେ ସରକାର ୧.୦୧ ଲକ୍ଷ କୋଟି ଟଙ୍କା ଖର୍ଚ୍ଚ କରିବେ ।