ରୁଷ ଗସ୍ତରେ ପ୍ରଧାନମନ୍ତ୍ରୀ ମୋଦୀ, BRICS ଶିଖର ସମ୍ମିଳନୀରେ ହେବେ ସାମିଲ, ଚୀନ ସହ ହେବ ଦ୍ୱିପାକ୍ଷିକ ଆଲୋଚନା
ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୬ତମ BRICS ଶିଖର ସମ୍ମିଳନୀରେ ସାମିଲ ହେବା ପାଇଁ ରୁଷ ଗସ୍ତରେ ଯାଇଛନ୍ତି । ଅକ୍ଟୋବର ୨୨ ଏବଂ ୨୩ରେ ରୁଷର କଜାନ୍(Kazan) ସହରରେ ଏହି ଶିଖର ସମ୍ମିଳନୀ ଆୟୋଜିତ ହେବ । ନିଜ ଗସ୍ତ ସମୟରେ ମୋଦୀ କଜାନରେ ସହସ୍ୟ ଦେଶର ପ୍ରତିପକ୍ଷ ଏବଂ ଆମନ୍ତ୍ରିତ ନେତାଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ ବୋଲି ଆଶା କରାଯାଉଛି ।
BRICS ଶିଖର ସମ୍ମିଳନୀର ମୁଖ୍ୟ ବିଷୟବସ୍ତୁ ହେଉଛି ‘ସମାନ ବିଶ୍ୱସ୍ତରୀୟ ବିକାଶ ଏବଂ ନିରାପତ୍ତା ପାଇଁ ବହୁପକ୍ଷୀୟତାକୁ ମଜବୁତ କରିବା । ପ୍ରମୁଖ ବିଶ୍ୱସ୍ତରୀୟ ପ୍ରସଙ୍ଗ ଉପରେ ଆଲୋଚନା କରିବା ପାଇଁ ଏହି ସମ୍ମିଳନୀ ନେତାଙ୍କୁ ଏକ ପ୍ଲାଟଫର୍ମ ପ୍ରଦାନ କରିବ ।’ ବିଦେଶ ସଚିବ ବିକ୍ରମ ମିଶ୍ରିଙ୍କ କହିବାନୁଯାୟୀ ଏହି କାର୍ଯ୍ୟକ୍ରମରେ ପ୍ରତିଷ୍ଠାତା ସଦସ୍ୟଙ୍କ ସହ ନୂତନ ସଦସ୍ୟ ମଧ୍ୟ ଅଂଶଗ୍ରହଣ କରିବେ । ଅକ୍ଟୋବର ୨୨ରେ ସନ୍ଧ୍ୟା ସମୟରେ ସମସ୍ତ ନେତାଙ୍କ ପାଇଁ ରାତ୍ରୀ ଭୋଜନ ଆୟୋଜନ ହେବ । ଅକ୍ଟୋବର ୨୩ରେ ଦୁଇଟି ପ୍ରମୁଖ ଅଧିବେଶନ ହେବ । ସକାଳେ ଏକ କ୍ଲୋଜ୍ କମ୍ପ୍ଲିଟ୍ ଅଧିବେଶନ ଏବଂ ଅପରାହ୍ନରେ ଓପନ୍ କମ୍ପ୍ଲିଟ୍ ଅଧିବେଶନ ହେବ । ଏହି BRICS ଶିଖର ସମ୍ମିଳନୀରେ ମୋଦୀଙ୍କ ଭବ୍ୟ ସ୍ୱାଗତ ପାଇଁ ସମସ୍ତ ପ୍ରସ୍ତୁତି କରାଯାଇଛି । କହିରଖୁଛୁ ୨୦୧୦ ମସିହାରୁ BRICS ସମୁହରେ ବ୍ରାଜିଲ, ରୁଷ, ଭାରତ, ଚୀନ ଏବଂ ଦକ୍ଷିଣ ଆଫ୍ରିକା ସାମିଲ ଅଛନ୍ତି । ବର୍ତ୍ତମାନ ଏଥିରେ ଇରାନ, ଇଜିପ୍ଟ, ଇଥିଓପିଆ, ୟୁଏଇ ସାମିଲ ହୋଇଛନ୍ତି ।
#WATCH | PM Narendra Modi leaves from Delhi for Russia to attend the 16th BRICS Summit, being held in Kazan, under the Chairmanship of Russia.
The Prime Minister is also expected to hold bilateral meetings with his counterparts from BRICS member countries
(Source – ANI/DD) pic.twitter.com/opQmNl6oPR
— ANI (@ANI) October 22, 2024
