ଏ କି ବିଚିତ୍ର ବିଧି… ବାହାଘରରେ କନିଆ ବେଲିଲେ ରୁଟି, ଆଉ ବର ସେକିଲେ
ନୂଆଦିଲ୍ଲୀ: ଦିନ ପ୍ରତିଦିନ ସୋସିଆଲ ମିଡିଆରେ ଅନେକ ରୋଚକ ଭିଡିଓ ଏବଂ ଫଟୋ ଭାଇରାଲ ହେଉଛି । ଯାହା ଲୋକଙ୍କୁୂ ମନୋରଞ୍ଜନର ଖୋରାକ ମଧ୍ୟ ଯୋଗାଉଛି । ଏପରି ଏକ ବିଚିତ୍ର ବିବାହ ଭିଡିଓ ଏବେ ଭାଇରାଲ ହେଉଛି ଯାହାକୁ ଦେଖିଲେ ଆପଣ ମଧ୍ୟ ନ ହସି ରହିପାରିବେ ନାହିଁ । ଭିଡିଓରେ ନବ ବିବାହିତ ବର-କନିଆଁ ଦେଖାଯାଉଛନ୍ତି । କନିଆଁ ରୁଟି ବେଲି ସାରି ତାକୁ ତାୱା ଉପରେ ରଖୁଛି ଏବଂ ବର ତାକୁ ସେକୁଛନ୍ତି । ଏହାପରେ କନିଆଁ ଆଉ ଏକ ରୁଟି ତିଆରି କରିବାରେ ଲାଗୁଛନ୍ତି । ସେଠାରେ ଉପସ୍ଥିତ ଲୋକେ ସେମାନଙ୍କ ରୁଟି ତିଆରି ଦେଖି ହସୁଥିବାର ମଧ୍ୟ ଭିଡିଓରେ ଦେଖିବାକୁ ମିଳୁଛି ।
ହୁଏତ କୌଣସି ବାହାଘରରେ ଏପରି ବର କନିଆଁ ମିଶି ରୁଟି କରୁଥିବାର କେବେ କେହି ଦେଖି ନ ଥିଲେ । ସୁପରଓଭର୍ ନାମକ ଏକ୍ସ ଆକାଉଣ୍ଟରୁ ଏହି ଭିଡିଓଟି ଶେୟାର କରାଯାଇଥିବାବେଳେ କ୍ୟାପସନରେ ‘ଏହା କେଉଁ ପ୍ରକାର ବିଧି’ ବୋଲି ଲେଖାଯାଇଛି । ଭିଡିଓକୁ ୧୮ ହଜାରରୁ ଉଦ୍ଧ୍ୱର୍ ଲୋକ ଦେଖିସାରିଲେଣି । ଆନେକ ୟୁଜର୍ସ ଭିଡିଓରେ ମଜାଳିଆ କମେଣ୍ଟ ମଧ୍ୟ ଦେଇଛନ୍ତି । ଜଣେ ୟୁଜର ଲେଖିଛନ୍ତି, ମୁଁ ପ୍ରଥମ ଥର ଏ ପ୍ରକାର ବାହାଘର ବିଧି ଦେଖୁଛି । ସେହିପରି ନିଜ ବାହାଘରରେ କିଏ ନିଜେ ରୋଷେଇ କେରେ ବୋଲି ପ୍ରଶ୍ନ କରିଛନ୍ତି ।
Ye konsi rasam hai 😭 pic.twitter.com/eakvBTNyve
— Ayush 🚩 (@Superoverr) November 5, 2024
