(Video) Picture Abhi Baki Hai… ରିଲିଜ ହେଲା ‘ପୁଷ୍ପା-୨’ର ଟ୍ରେଲର: ଏବେ ଫିଲ୍ମକୁ ଅପେକ୍ଷା
ମୁମ୍ବାଇ: ଅଲ୍ଲୁ ଅର୍ଜୁନଙ୍କ ଫ୍ୟାନ୍ ମାନଙ୍କ ପାଇଁ ଆସିଛି ଏକ ବଡ଼ ଖୁସି ଖବର । ବହୁ ପ୍ରତିକ୍ଷୀତ ମୋଭି ‘ପୁଷ୍ପା-୨’ର ଟ୍ରେଲର ରିଲିଜ ହୋଇଯାଇଛି । ପ୍ରଥମ ପାର୍ଟ ଭଳି ଦ୍ୱିତୀ ପାର୍ଟରେ ଦମଦାର ଲୁକରେ ନଜର ଆସିଛନ୍ତି ଷ୍ଟାଇଲିସ ଷ୍ଟାର ଅଲ୍ଲୁ ଅର୍ଜୁନ । ପାଟନାର ଏକ ସ୍ୱତନ୍ତ୍ର ଇଭେଣ୍ଟରେ ଏହାର ରିଲିଜ କରାଯାଇଛି । ସୁପର ଷ୍ଟାର ଅଲ୍ଲୁ ଅର୍ଜୁନ କାର୍ଯ୍ୟକ୍ରମରେ ଉପସ୍ଥିତ ରହି ଟ୍ରେଲର ଲଞ୍ଚ୍ କରିଛନ୍ତି । ପୁଷ୍ପା ଷ୍ଟାରଙ୍କ ସମେତ ସିନେମାର ଅନ୍ୟ ଗୁରୁତ୍ୱପୂର୍ଣ୍ଣ ସଦସ୍ୟ ମଧ୍ୟ ଏଠାରେ ଉପସ୍ଥିତ ରହିଥିଲେ । ପୁଷ୍ପାର ବମ୍ପର ଇନକମ୍ ପରେ ବ୍ଲକବଷ୍ଟର ଫିଲ୍ମର ସିକ୍ୱେଲକୁ ଫ୍ୟାନ୍ସ ଅପେକ୍ଷା କରି ରହିଥିଲେ । ଏବେ ଏହାର ଟ୍ରେଲର ରିଲିଜ ହୋଇଯାଇଛି ।
ଇଣ୍ଟରନେଟରେ ଏହି ଫିଲ୍ମର ଲାଇଭ ହେବା ପରେ ମଧ୍ୟ ଟ୍ରେଲର ଲଞ୍ଚ୍ ଇଭେଣ୍ଟ ଖୁବ ସଫଳତା ହାସଲ କରିଛି । ଏହି ଟ୍ରେଲର ଦେଖିବା ପରେ ସିନେପ୍ରେମୀଙ୍କ ମନରେ ଉତ୍ସାହ ଆହୁରି ବଢିଯାଇଛି । ପୁଷ୍ପା-୨(ପୁଷ୍ପା- ଦ ରୁଲ୍) ୬ଟି ଭାଷାରେ ସାରା ବିଶ୍ୱରେ ରିଲିଜ ହେବାକୁ ଯାଉଛି । ଏହାସହିତ ୧୧ ହଜାରରୁ ଅଧିକ ଥିଏଟ୍ରିକାଲ ସ୍କ୍ରିନରେ ଏହା ରିଲିଜ ହେବ । ତେବେ ଏହାର ଆଡଭାନ୍ସ ବୁକିଙ୍ଗ ମଧ୍ୟ ରେକର୍ଡ ସୃଷ୍ଟି କରୁଛି । ତେବେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା ଏବଂ ଫହାଦ ଫାସିଲଙ୍କ ଅଭିନୀତ ଏହି ସିନେମା ଆସନ୍ତା ଡିସେମ୍ବର ୫ ତାରିଖରେ ବଡ଼ ପରଦାକୁ ଆସିବ ।
ଏହି ସିନେମାରେ ଅଲ୍ଲୁ ଅର୍ଜୁନଙ୍କୁ ପୁଣିଥରେ ପୁଷ୍ପା ଲୁକରେ ଦେଖିବାକୁ ମିଳିବ । କିନ୍ତୁ ଏଥର ଏକ ନୂଆ ଅନ୍ଦାଜରେ ପେରିବେ ଅଲ୍ଲୁ ଅର୍ଜୁନ । ଚନ୍ଦନ କାଠ ତସ୍କରୀ ଦୁନିଆର ବାଦଶାହ ହେବାକୁ ଲଢେଇ କରୁଛନ୍ତି ପୁଷ୍ପାରାଜ ଔରଫ ଅଲ୍ଲୁ ଅର୍ଜୁନ । ବନୱର ସିଂହ ଶେଖାୱତ(ଫହାଦ ଫାସିଲ) ଚୋରାଚାଲାଣ ରୋକିବାକୁ ଚେଷ୍ଟା କରୁଥିବା ବେଳେ ସେ ପୁଷ୍ପା ଏବଂ ଶ୍ରୀବଲ୍ଲୀ(ରଶ୍ମିକା ମନ୍ଦାନା)ଙ୍କୁ ସାମନା କରିଛନ୍ତି । ତେବେ ପୁଷ୍ପା-୨ ସିନେମାରେ ପୁଷ୍ପାରାଜ ଏବଂ ବନୱର ସିଂହ ଶେଖାୱତଙ୍କ ମଧ୍ୟରେ ଯୁଦ୍ଧ ଦେଖିବାକୁ ମିଳିବ । ଡିସେମ୍ବର ୫ ତାରିଖରେ ରିଲିଜ ହେବ ଏହି ବହୁ ପ୍ରତିକ୍ଷୀତ ଫିଲ୍ମ ‘ପୁଷ୍ପା-୨’ ବା ‘ପୁଷ୍ପା- ଦ ରୁଲ୍’ ।
