ରାସ୍ତାକଡରେ ତମ୍ବୁ ବାନ୍ଧି ଶୋଇଥିବା ବେଳେ ମାଡିଗଲା ଟ୍ରକ, ଲିଭିଗଲା 5 ଜୀବନ ଦୀପ

ନୂଆଦିଲ୍ଲୀ:  ସକାଳୁ ସକାଳୁ ଏକ ଭୟଙ୍କର ସଡକ ଦୁର୍ଘଟଣାର ଖବର ସାମ୍ନାକୁ ଆସୁଛି । ଶୋଇଥିବା ବେଳେ 5ଜଣଙ୍କ ଉପରେ ଟ୍ରକ ମାଡି ଯାଇଥିବା ଜଣାପଡିଛି । ଏହି ମର୍ମନ୍ତୁଦ ସଡକ ଦୁର୍ଘଟଣାରେ 5ଜଣଙ୍କ ମୃତ୍ୟୁ ହୋଇଛି । କେରଳର ତ୍ରିଶୁରର ମଧ୍ୟ ଜିଲ୍ଲାରୁ ଏହି ଖବର ସାମ୍ନାକୁ ଆସିଛି । ତେବା ଦୁର୍ଘଟଣା ଏତେ ଭୟଙ୍କର ରହିଥିଲା ଯେ, ସମସ୍ତେ ରାସ୍ତାରେ ଲିପି ହୋଇଯାଇଥିଲେ ।

ସୂଚନା ଅନୁସାରେ, କିଛି ଲୋକେ ରାସ୍ତା କଡରେ ତମ୍ବୁ ବାନ୍ଧି ଶୋଇଥିଲେ । ଏହି ସମୟରେ ଦ୍ରୁତ ଗତିରେ ଏକ ଟ୍ରକ ଆସି ଚାପି ଦେଇଥିଲା । ଫଳରେ 2 ଶିଶୁଙ୍କ ସମେତ 5 ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା ।ଏହାସହିତ 5ରୁ ଅଧିକ ଆହତ ହୋଇଥିବା ସୂଚନା ରହିଛି । ସମସ୍ତଙ୍କୁ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।ପୋଲିସର କହିବା ଅନୁସାରେ, ସମସ୍ତ ଲୋକେ ରାସ୍ତାକଡରେ ତମ୍ବୁ ବାନ୍ଧି ଶୋଇଥିଲେ । ସକାଳ 4ଟା 30 ମିନିଟ ସମୟରେ ଭାଲପ୍ୟାଡ ପୋଲିସ ଷ୍ଟେସନ ଅଧୀନରେ ଥିବା ନାଟିକା ଠାରେ ଏକ ଟ୍ରକ ତାଙ୍କୁ ଧକ୍କା ଦେଇଥିଲା। ତେବେ ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଥିଲେ ହେଁ ସେମାନଙ୍କ ମଧ୍ୟରୁ 2ଜଣ ଅବସ୍ଥା ଗୁରୁତର ରହିଛି ।ମୃତକଙ୍କ ମଧ୍ୟରେ ଜଣେ ଦେଢ ବର୍ଷ ଏବଂ ଅନ୍ୟ ଜଣେ 2 ବର୍ଷର ଛୁଆ ରହିଛନ୍ତି । ତେବେ ଟ୍ରକ ଚାଳକକୁ ଗିରଫ କରି ଅଧିକ ତଦନ୍ତ ଚଳାଇଛି ପୋଲିସ ।