ରେଳ ଷ୍ଟେସନରୁ ୫୮କେଜି ରୁପା ଜବତ, ଚାଲାଣକାରୀଙ୍କୁ ଧରିଲା ପୋଲିସ

ରାଉରକେଲା: ଦିନକୁ ଦିନ ସୁନା, ରୂପା ଅଳଙ୍କାର ଚୋରୀ, ଛିନତାଇ ଭଳି ଘଟଣା ସାମ୍ନାକୁ ଆସୁଛି । ଗୋଟିଏ ପଟେ ଚୋର ଓ ଲୁଟେରାମାନେ ପୋଲିସର ନିଦ ହଜାଇଥିବା ବେଳେ ଅନ୍ୟପଟେ ପୋଲିସ ସବୁବେଳେ ସଜାଗ ରହି ଆସୁଛି । ଏଥିମଧ୍ୟରେ ରାଉରକେଲା ଜିଆରପି ପୋଲିସକୁ ମିିଳିଛି ବଡ଼ ସଫଳତା । ରାଉରକେଲା ଷ୍ଟେସନରୁ ପ୍ରାୟ ୫୮ କେଜି ରୂପା ଜବତ କରିଛି ପୋଲିସ । ରାଉରକେଲାରୁ ରାଞ୍ଚି ଅଭିମୁଖେ ଯାଉଥିବା ସମୟରେ ଧରାପଡ଼ିଥିଲେ ବ୍ୟବସାୟୀ । ତେବେ ପୋଲିସ ଜବତ ହୋଇଥିବା ରୂପା ଜିଏସଟି ବିଭାଗକୁ ହସ୍ତାନ୍ତର କରିବା ପରେ ଅଧିକ ତଦନ୍ତ ଜାରି ରଖିଛି ।