Delhi Air Pollution: ସ୍ୱଚ୍ଛ ବାୟୁର ବ୍ୟବସାୟ, ଷ୍ଟାର ହୋଟେଲ୍ରେ ଟଙ୍କା ଦେଲେ ମିଳୁଛି ବିଶୁଦ୍ଧ ବାୟୁ!
ନୂଆଦିଲ୍ଲୀ: ଭାରତର ମେଟ୍ରୋ ସହରଗୁଡିକରେ ପ୍ରଦୂଷଣ ମାତ୍ରା ଦିନକୁ ଦିନ ବୃଦ୍ଧି ହେଉଛି । ଏହି କାରଣ ଯୋଗୁଁ ବିଭିନ୍ନ ହୋଟେଲ ଯାତ୍ରୀଙ୍କୁ ସମସ୍ତ ପ୍ରକାର ସୁବିଧା ପ୍ରଦାନ କରୁଛନ୍ତି । ବିଳାସପୂର୍ଣ୍ଣ ରହଣୀ ପାଇଁ ହୋଟେଲ ଗୁଡିକ ଚେଷ୍ଟା କରୁଥିବା ବେଳେ ବର୍ତ୍ତମାନ ଶୁଦ୍ଧ ବାୟୁ ବିକ୍ରି କରୁଛନ୍ତି ଷ୍ଟାର ହୋଟେଲ । କଥାଟି ଶୁଣିବା ପାଇଁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସମ୍ପୁର୍ଣ୍ଣ ସତ୍ୟ । ଦିଲ୍ଲୀରୁ ବେଙ୍ଗାଲୁରୁ ପର୍ଯ୍ୟନ୍ତ ଅନେକ ତାରକା ହୋଟେଲ ବର୍ତ୍ତମାନ ସ୍ୱଚ୍ଛ ବାୟୁକୁ ସେମାନଙ୍କ ସୁବିଧାଗୁଡ଼ିକର ଏକ ଅଂଶ କରିପାରିଛନ୍ତି । ଏହି ଧାରା ବର୍ତ୍ତମାନ ସୋସିଆଲ ମିଡିଆରେ ଆଲୋଚନାର ବିଷୟ ପାଲଟିଛି ଏବଂ ଉପଭୋକ୍ତାମାନେ ଏହା ଉପରେ ତୀବ୍ର ପ୍ରତିକ୍ରିୟା ଦେଉଛନ୍ତି ।
ନିକଟରେ ଜଣେ ଏକ୍ସ ୟୁଜର୍ସ ବେଙ୍ଗାଲୁରୁର ଏକ ହୋଟେଲର ଫଟୋ ସେୟାର କରି ଲେଖିଛନ୍ତି, ଦୂଷିତ ବାୟୁ ପାଇଁ ଯାତ୍ରୀମାନେ କଲବଲ ହେଉଥିବା ବେଳେ ଏଠାରେ ବିଶୁଦ୍ଧ ବାୟୁ ଉପରେ ଗୁରୁତ୍ବପ୍ରଦାନ କରାଯାଉଛି । ଦିଲ୍ଲୀର ପ୍ରଦୂଷଣ ସତ୍ତ୍ୱେ ହୋଟେଲ ଭିତରେ ବାୟୁ ଗୁଣବତ୍ତା ବିଷୟରେ ସୂଚନା ଦିଆଯାଇଥିଲା । ଆମେରିକୀୟ ବିଲିୟନେୟାର ବ୍ରାଏନ ଜନସନ ଦି ଓବରୋଇର ଏକ ସାଇନ୍ ବୋର୍ଡର ଫଟୋ ସେୟାର କରି ଏହା ଉଲ୍ଲେଖ କରିଛନ୍ତି । ଶୁଦ୍ଧ ବାୟୁ ଲୋକଙ୍କର ଆବଶ୍ୟକତା ପାଲଟିଥିବା ବେଳେ ଏକ ତାରକା ହୋଟେଲ ନିଜ ସେବାରେ ଶୁଦ୍ଧ ବାୟୁକୁ ଅନ୍ତର୍ଭୁକ୍ତ କରିଛି ।
ଏହାକୁ ନେଇ ସୋସିଆଲ ମିଡିଆରେ ୟୁଜର୍ସ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି । କିଛି ଜଣ ଏହାକୁ ଉତ୍ତମ ପଦକ୍ଷେପ ବୋଲି କହୁଥିବା ବେଳେ ଆଉ କିଛି ଜଣ କହିଛନ୍ତି, ବାହାରେ ଯଦି ଦୂଷିତ ବାୟୁ ରହିଛି ହୋଟେଲରେ କଣ ସମ୍ପୁର୍ଣ୍ଣ ବିଶୁଦ୍ଧ ବାୟୁ ମିଳିପାରିବ ।
