Box Officeରେ ରାଜ୍ କରୁଛି ‘ପୁଷ୍ପାରାଜ୍’: Super Sundayରେ ରେକର୍ଡ ଭାଙ୍ଗିଲେ ଅଲ୍ଲୁ ଅର୍ଜୁନ

ମୁମ୍ବାଇ: ରିଲିଜ ହେବା ଦିନରୁ ବକ୍ସ ଅଫିସରେ ଦମଦାର ଇନକମ୍ କରିବାରେ ଲାଗିଛି ‘ପୁଷ୍ପା-୨’ । ସାଉଥ ଆଇକନ୍ ଷ୍ଟାର ଅଲ୍ଲୁ ଅର୍ଜୁନଙ୍କ ନୂଆ ଫିଲ୍ମ ପୁଷ୍ପା-୨ ସମସ୍ତଙ୍କୁ ପସନ୍ଦ ଆସିଛି । ସିନେମା ହଲରେ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗି ଚାଲିଛି ‘ପୁଷ୍ପାରାଜ’ । ଅନେକ ଦିନରୁ ଏହି ସିନେମାକୁ ଲୋକେ ଅପେକ୍ଷା କରି ରହିଥିବା ବେଳେ ଏବେ ସେମାନଙ୍କ ଇଚ୍ଛା ପୂରଣ ହୋଇଛି । ସିନେମା ହଲରେ ଧମାକାଦାର ଏଣ୍ଟ୍ରି କରିଛି ପୁଷ୍ପା-୨ । ରିଲିଜର ଚତୁର୍ଥ ଦିନରେ ମଧ୍ୟ ଏକ ମାଇଲଷ୍ଟୋନ ଅତିକ୍ରମ କରିଛି ଏହି ଫିଲ୍ମ । ୱିକେଣ୍ଡ କୁ ସୁପର ସନ୍ ଡେ’ କରି ପୁଷ୍ପା-୨ ଦମଦାର ଇନକମ୍ କରିଛି । ରିଲିଜର ମାତ୍ର ୪ ଦିନ ଭିତରେ ୫୦୦ କୋଟି ଇନକମ୍ କରିବାରେ ସଫଳ ହୋଇଛି ପୁଷ୍ପା-୨ ।

ସୁପର ସନ୍ ଡେ’ରେ ପୁଷ୍ପା-୨ ଅନେକ ବଡ଼ ବଡ଼ ଫିଲ୍ମର ରେକର୍ଡକୁ ଭାଙ୍ଗି ନୂଆ ଇତିହାସ ସୃଷ୍ଟି କରିଛି । ରିଲିଜ ହେବାର ମାତ୍ର ୪ ଦିନ ଭିତରେ ଏହି ଫିଲ୍ମ ୫୦୦ କୋଟି ଆୟ କ୍ଲବରେ ସାମିଲ ହୋଇଛି । ତେବେ ଅଲ୍ଲୁ ଅର୍ଜୁନଙ୍କ ଏହି ସିନେମାକୁ ସାଉଥ ଅପେକ୍ଷା ହିନ୍ଦୀ ବେଲ୍ଟରେ ଦେଖୁଛନ୍ତି ଦର୍ଶକ । ହିନ୍ଦୀ ଭାଷାରେ ରିଲିଜ ହୋଇଥିବା ପୁଷ୍ପା-୨ ସବୁଠାରୁ ଅଧିକ ଆୟ କରିଛି । ରିଲିଜ ହେବାର ପ୍ରଥମ ୱିକେଣ୍ଡ (ରବିବାର)ରେ ବିଶାଳ ରେକର୍ଡ ଭାଙ୍ଗିଛି ପୁଷ୍ପା-୨ । ରିଲିଜ ହେବା ପୂର୍ବରୁ ଆଡଭାନ୍ସ ବୁକିଙ୍ଗରେ କୋଟି କୋଟି ଟଙ୍କା ଇନକମ୍ କରିଥିବା ପୁଷ୍ପା-୨ ରବିବାର ଦିନ ପ୍ରାୟ ୧୪୧.୫ କୋଟି ଟଙ୍କା ଇନକମ୍ କରିଛି । ତେବେ ହିନ୍ଦୀ ଭାଷାରେ ଏହାର ଇନକମ୍ ରହିଛି ୮୫ କୋଟି ।

‘ପୁଷ୍ପା-୨: ଦ ରୁଲ’ ପେଡ ପ୍ରିଭ୍ୟୁ ରେ ୧୦.୬୫ କୋଟି ଟଙ୍କା ଆୟ କରିଥିଲା । ଅଲ୍ଲୁ ଅର୍ଜୁନଙ୍କ ଏହି ଫିଲ୍ମ ଓପନିଙ୍ଗ ଡେ’ରେ ହିଁ ୧୬୪.୨୫ କୋଟି ଟଙ୍କା କଲେକ୍ସନ କରିବା ସହ ରେକର୍ଡ ସୃଷ୍ଟି କରିଛି । ଏହାପରେ ଦ୍ୱିତୀୟ ଦିନ ଶୁକ୍ରବାର ମୋଟ ୯୩.୮ କୋଟି ଆୟ କରିଥିବା ବେଳେ ୱିକେଣ୍ଡରେ କମାଲ କରିଛି ପୁଷ୍ପା-୨ । ରିଲିଜର ତୃତୀୟ ଦିନ ଶନିବାରରେ ଏହି ଫିଲ୍ମ ୧୧୯.୨୫ କୋଟି କଲେକ୍ସନ କରିଥିବା ବେଳେ ସୁନ୍ ଡେ’କୁ ସୁପର ସନ୍ ଡେ’ କରିଛି ପୁଷ୍ପା-୨ । ରବିବାର ଦିନ ୧୪୧.୫ କୋଟି ଆୟ କରି ଇତିହାସ ସୃଷ୍ଟି କରିଛି ପୁଷ୍ପା-୨: ଦ ରୁଲ । ତେବେ ରିଲିଜର ୪ ଦିନରେ ପୁଷ୍ପା-୨ ବକ୍ସ ଅଫିସରେ ମୋଟ ୫୨୯.୪୫ କୋଟି ଆୟ କରିସାରିଛି ।