Breaking: ଭୁବନେଶ୍ବରରେ ହିଟ୍ ଆଣ୍ଡ ରନ, 7 ଜଣ ଗୁରୁତର

ଭୁବନେଶ୍ବର: ଭୁବନେଶ୍ବରରେ ଭୟଙ୍କର ସଡକ ଦୁର୍ଘଟଣା । ରାଜଧାନୀରୁ ସାମ୍ନାକୁ ଆସିଲା ହିଟ୍ ଆଣ୍ଡ ରନ୍ ମାମଲା । ଭୁବନେଶ୍ବର କେଶୁରା ଜଗନ୍ନାଥ ମନ୍ଦିର ନିକଟରେ ଏହି ଦୁର୍ଘଟଣା ହୋଇଥିବା ଜଣାପଡିଛି । କାର୍ ଧକ୍କାରେ 7ଜଣ ଗୁରୁତର ହୋଇଥିବା ବେଳେ ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ କେଉଁ ପରିସ୍ଥିତିରେ ଦୁର୍ଘଟଣା ଘଟିଲା ତାହା ଜଣାପଡିନଥିବା ବେଳେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏହାର ସିସିଟିଭି ଭିଡିଓ ମଧ୍ୟ ସାମ୍ନାକୁ ଆସିଛି ।

ଗୋଟିଏ ବାଇକ ରାସ୍ତାକଡରେ ଛିଡା ହୋଇଥିବା ବେଳେ ଅନ୍ୟ ଏକ ବାଇକ ଆସୁଥିବା ବେଳେ ଗୋଟିଏ ପରେ ଗୋଟିଏ ବାଇକକୁ ଧକ୍କା ଦେଇଛି । ଫଳରେ ବାଇକ ଚାଳକ ଛିଟିକି ହୋଇ ଦୂରରେ ପଡିଥିବା ଦେଖାଯାଇଛି । କାରଟି ଅତି ଦ୍ରୁତ ବେଗରେ ଆସୁଥିବା ବେଳେ ନିୟନ୍ତ୍ରଣ ହରାଇ ଦୁର୍ଘଟଣା ଘଟାଇଥିବା କୁହାଯାଇଛି । ତେବେ ଦୁର୍ଘଟଣା ସମୟରେ କେହି କିଛି ବୁଝିପାରିନଥିଲେ । ଏହି ଦୁର୍ଘଟଣାରେ 7ଜଣ ଗୁରୁତର ହୋଇଥିବା ଜଣାପଡିିଛି । ତେବେ ଆହତମାନଙ୍କର ସ୍ବାସ୍ଥ୍ୟବସ୍ଥା ସ୍ଥିର ରହିଥିବା ବେଳେ ବର୍ତ୍ତମାନ ସୁଦ୍ଧା ଡ୍ରାଇଭରଙ୍କୁ କିମ୍ବା କାରକୁ ଜବତ କରାଯାଇ ନାହିଁ । ଦିନକୁ ଦିନ ରାଜଧାନୀରେ ଦୁର୍ଘଟଣା ମାମଲା ବୃଦ୍ଧି ପାଉଥିବା ବେଳେ ଏହା ଏକ ପ୍ରକାର ଚିନ୍ତାର କାରଣ ସାଜିଛି । ଏନେଇ ପୋଲିସ ପକ୍ଷରୁ କୌଣସି ସୂଚନା ଦିଆଯାଇ ନାହିଁ ।