ପୁତ୍ର ସନ୍ତାନ ଜନ୍ମ ଦେଇଛନ୍ତି ଅକ୍ଷରଙ୍କ ପତ୍ନୀ ମେହା, ସୋସିଆଲ ମିଡିଆ ପୋଷ୍ଟ ଜରିଆରେ ଦେଲେ ଖୁସି ଖବର

ନୂଆଦିଲ୍ଲୀ: ବାପା ହେଲେ ଇଣ୍ଡିଆନ୍ କ୍ରିକେଟ୍ ଟିମର ମଲ୍ଟି ଟ୍ୟାଲେଣ୍ଟେଡ୍ କ୍ରିକେଟର ଅକ୍ଷର ପଟେଲ । ଏନେଇ ଅକ୍ଷର ଏବଂ ପତ୍ନୀ ମେହା ଇନଷ୍ଟାଗ୍ରାମରେ ବେବୀର ଫେଟୋ ଶେୟାର କରିଛନ୍ତି । ଯେଉଁଥିରେ ଅକ୍ଷରଙ୍କ ପୁଅ ୧୯ ତାରିଖରେ ଜନ୍ମ ହୋଇଥିବା ଲେଖିଛନ୍ତି । ଅକ୍ଷର ଶେୟାର କରିଥିବା ଫଟୋରେ ପୁଅ ହକ୍ସର ପଟେଲଙ୍କୁ ଇଣ୍ଡିଆନ୍ ଜର୍ସି ପିନ୍ଧାଯାଇଥିବା ଦେଖିବାକୁ ମିଳିଛି । ଅକ୍ଷର ଏବଂ ତାଙ୍କ ସ୍ତ୍ରୀ ମେହା ୨୦୨୩ରେ ବିବାହ କରିଥିଲେ । ଗତ ଅକ୍ଟୋବରରେ ମେହା ଗର୍ଭବତୀ ଥିବାନେଇ ଇନଷ୍ଟାଗ୍ରାମରେ ଏକ ପୋଷ୍ଟ ଶେୟାର କରିଥିଲେ ।

ଅଷ୍ଟ୍ରେଲିଆ ବିପକ୍ଷରେ ବକ୍ସିଂ ଡେ ଟେଷ୍ଟ ପୂର୍ବରୁ ଭାରତୀୟ କ୍ରିକେଟ ଟିମ୍ ଅଧିନାୟକ ରୋହିତ ଶର୍ମା କହିଥିଲେ ଯେ, ଅକ୍ଷରଙ୍କ ସଦ୍ୟ ବାପା ହେବା ଯୋଗୁ ସେ ପାର୍ଟନିଟି ଲିଭରେ ଅଛନ୍ତି । ରବିନ୍ଦ୍ର ଅଶ୍ୱିନୀ କ୍ରିକେଟରୁ ହଠାତ୍ ସନ୍ୟାସ ଘୋଷଣା କରିବା ପରେ ମୁମ୍ବାଇର ଅଫ୍ ସ୍ପିନ୍ ଅଲରାଉଣ୍ଡର ତନୁଶ କୋଟିୟାନ ବାକି ଦୁଇଟି ଟେଷ୍ଟ ମ୍ୟାଚ୍ ପାଇଁ ଭାରତୀୟ ଟିମ୍ରେ ସ୍ଥାନ ଦିଆଯାଇଛି । ଟିମରେ ଅକ୍ଷର ପଟେଲ ଓ କୂଳଦୀପ ଯାଦବଙ୍କ ସ୍ଥାନରେ ତନୁଶ କୋଟିୟାନଙ୍କୁ ବଛାଯିବା କଥା ରୋହିତ ଶର୍ମାଙ୍କୁ ଗଣମାଧ୍ୟମ ପଚାରିବାରୁ ସେ କହିଥିଲେ ଯେ, କୂଳଦୀପଙ୍କ ପାଖରେ ଭିସା ନାହିଁ । ସେ ଏ ପର୍ଯ୍ୟନ୍ତ ସମ୍ପୂର୍ଣ୍ଣ ଭାବେ ସୁସ୍ଥ ହୋଇନାହାନ୍ତି । ଅକ୍ଷର ସଦ୍ୟ ବାପା ହୋଇଥିବା କାରଣରୁ ମ୍ୟାଚ୍ ଖେଳିପାରିବେ ନାହିଁ । ତନୁଷ ବି ଜଣେ ଭଲ ବୋଲର । ଟିମ ତାଶଙ୍କୁ ବିକଳ୍ପ ଭାବେ ନେଇଛି ।