Air Hostess ଚାକିରି ଛାଡ଼ି ଘୁଷୁରୀ ପାଳନ କଲେ ଯୁବତୀ, ମାସକୁ ରୋଜଗାର କରୁଛନ୍ତି ଏତିକି ଟଙ୍କା…

ଆଜିର ଯୁଗରେ ସମସ୍ତେ ନିଜର ବ୍ୟବସାୟ କରିବାକୁ ପସନ୍ଦ କରନ୍ତି। ଯୁବପିଢ଼ିଙ୍କ ମଧ୍ୟରେ ଷ୍ଟାର୍ଟଅପ୍ସର ଧାରା ଦ୍ରୁତ ଗତିରେ ବୃଦ୍ଧି ପାଉଛି। ଏହି ସମୟରେ ଏପରି ଜଣେ ଯୁବତୀଙ୍କ କାହାଣୀ ସୋସିଆଲ ମିଡିଆରେଖୁବ୍ ଭାଇରାଲ ହେଉଛି । ଯିଏ ଏୟାର ହୋଷ୍ଟେସ  ଚାକିରି ଛାଡି ଘୁଷୁରୀ ପାଳନ କରୁଛନ୍ତି । କେବଳ ଏତିକି ନୁହେଁ, ଏହି କାମ ଆରମ୍ଭ କରିବା ପରେ, ସେ ଦୁଇ ମାସ ମଧ୍ୟରେ ୨୨ ଲକ୍ଷ ଟଙ୍କା ରୋଜଗାର କରିଛନ୍ତି।

ବିମାନ ପରିଚାରିକାଙ୍କଠାରୁ ଘୁଷୁରୀ ଚାଷୀ ପର୍ଯ୍ୟନ୍ତ ତାଙ୍କର କାହାଣୀ ଏବେ ଯୁବପିଢ଼ିଙ୍କୁ ପ୍ରେରଣା ଦେଉଛି। ଏହି ସଫଳତାର କାହାଣୀ ପଡ଼ୋଶୀ ଦେଶ ଚୀନର, ଯେଉଁଠାରେ ହେଲଙ୍ଗଜିଆଙ୍ଗ ପ୍ରଦେଶର ବାସିନ୍ଦା ୟାଙ୍ଗ ୟାଞ୍ଜି ନାମକ ଜଣେ ୨୭ ବର୍ଷୀୟା ଝିଅ ପଶୁପାଳନରେ ନିଜ ପାଇଁ ଏକ ନୂତନ ପରିଚୟ ସୃଷ୍ଟି କରିଛନ୍ତି।

୨୭ ବର୍ଷୀୟା ଏୟାର ହୋଷ୍ଟେସ୍ ୨୨ ଲକ୍ଷ ଟଙ୍କା ରୋଜଗାର କରନ୍ତି।  ରିପୋର୍ଟ ଅନୁଯାୟୀ, ୨୭ ବର୍ଷୀୟା ପୂର୍ବତନ ଫ୍ଲାଇଟ୍ ଆଟେଣ୍ଡାଣ୍ଟ ୟାଙ୍ଗ୍ସି ମାତ୍ର ଦୁଇ ମାସରେ ପ୍ରାୟ ୨୨.୮ ଲକ୍ଷ ଟଙ୍କା ଅର୍ଥାତ୍ ୨୦୦,୦୦୦ ୟୁଆନ୍ ରୋଜଗାର କରିଛନ୍ତି। ହେଇଲୋଙ୍ଗଜିଆଙ୍ଗ ପ୍ରଦେଶର ଏକ ଗ୍ରାମୀଣ ପରିବାରରେ ଜନ୍ମଗ୍ରହଣ କରିଥିବା ୟାଙ୍ଗ ପାଞ୍ଚ ବର୍ଷ ପାଇଁ ସାଂଘାଇରେ ବିମାନ ପରିଚାରିକା ଭାବରେ କାର୍ଯ୍ୟ କରିଥିଲେ। ରିପୋର୍ଟ ଅନୁଯାୟୀ, ଏହି ଚ୍ୟାଲେଞ୍ଜିଂ ସମୟ ମଧ୍ୟରେ ତାଙ୍କର ଦରମା ପ୍ରାୟ ୩୨୦୦୦କୁ ହ୍ରାସ ପାଇଥିଲା। କଷ୍ଟକର ସମୟ ଏବଂ କମୁଥିବା ଦରମା ଯୋଗୁ, ତାଙ୍କୁ ତାଙ୍କ ଖର୍ଚ୍ଚ ପାଇଁ ତାଙ୍କ ପିତାମାତାଙ୍କଠାରୁ ସାହାଯ୍ୟ ନେବାକୁ ପଡିଲା। ୟାଙ୍ଗ ପରେ ଅନୁଭବ କଲେ ଯେ ତାଙ୍କ ପିତାମାତା ତାଙ୍କ ଆବଶ୍ୟକତା ପୂରଣ କରିବା ପାଇଁ ଋଣ ନେଇଥିଲେ ଏବଂ ନିଜର ଅନେକ ଆବଶ୍ୟକତାକୁ ମଧ୍ୟ ବଳିଦାନ ଦେଇଥିଲେ।

ପରବର୍ତ୍ତୀ ସମୟରେ, ଅକ୍ଟୋବର ୨୦୨୨ରେ ତାଙ୍କ ମାଆଙ୍କ ଗୁପ୍ତ ରୋଗ ଜଣାପଡିବା ପରେ, ୟାଙ୍ଗ ତାଙ୍କ ଚାକିରି ଛାଡି ଘରକୁ ଫେରିବାକୁ ନିଷ୍ପତ୍ତି ନେଇଥିଲେ। ସେ କହିଲେ, “ମୋ ବାପାମାଆ ସବୁବେଳେ ମୋତେ ଖୁସି ରଖିବାକୁ ଚେଷ୍ଟା କରୁଥିଲେ ଏବଂ ଖରାପ ଜିନିଷଗୁଡ଼ିକୁ ଲୁଚାଇ ରଖିଥିଲେ। ଏବେ ମୁଁ ସେମାନଙ୍କ ସହିତ ରହିବାକୁ ଚାହୁଁଥିଲି ଏବଂ ଘରୁ ଏତେ ଦୂରରେ ରହିବାକୁ ଚାହୁଁ ନଥିଲି।” ଯେଉଁଥିପାଇଁ ମୁଁ ଏହି ବୃତ୍ତକୁ ଆପଣାଇନେଲି ।