ଓଡ଼ିଶା ପୋଲିସ୍ SI ପାଇଁ ଆବେଦନ କରିଛନ୍ତି କି ? ତେବେ ଏପରି ଡାଉନ୍ଲୋଡ୍ କରନ୍ତୁ ଆଡ୍ମିଟ୍ କାର୍ଡ
ଭୁବନେଶ୍ୱର: ମାର୍ଚ୍ଚ ୮ରୁ ପୋଲିସ ଏସ୍ଆଇ ପରୀକ୍ଷା ଆରମ୍ଭ । ଓଡ଼ିଶା ପୋଲିସ ରିକ୍ରୁଟମେଣ୍ଟ ବୋର୍ଡ ଦ୍ୱାରା ପରିଚାଳିତ ପୋଲିସ ଏସଆଇ ଆସନ୍ତା ମାର୍ଚ୍ଚ ୮ ଓ ୯ ତାରିଖ ଦୁଇ ଦିନ ଧରି ଅନୁଷ୍ଠିତ ହେବ । ରାଜ୍ୟର ବିଭିନ୍ନ ଜିଲ୍ଲାରେ ପୋଲିସ ଏସଆଇ ପଦବୀ ନିମନ୍ତେ ଏହି ପରୀକ୍ଷା ଓଏମଆର୍ ସିଟ୍ ମାଧ୍ୟମରେ ପୂରଣ କରାଯିବ । ମୋଟ ୯୩୩ ପଦବୀ ପାଇଁ ହେବ ପରୀକ୍ଷା।
ଏହାରି ମଧ୍ୟରେ ଓଡ଼ିଶା ପୋଲିସ୍ ଏସଆଇ ଆଡମିଟ୍ କାର୍ଡ ୨୦୨୫ ଜାରି ହୋଇଛି। ଓଡିଶା ପୋଲିସ୍ ନିଯୁକ୍ତି ବୋର୍ଡ (OPRB) ଦ୍ୱାରା ଏହାକୁ ଜାରି କରାଯାଇଛି। ଏହାର ଅଫିସିଆଲ୍ ୱେବସାଇଟ୍ odishapolice.gov.in ଏବଂ opsi.onlineregistrationforms.com ଏହା ପ୍ରକାଶ ପାଇଛି। ପ୍ରାର୍ଥୀମାନେ ଏହି ସାଇଟ୍ ଯାଇ ସିଧାସଳଖ ସେମାନଙ୍କ ହଲ୍ ଟିକେଟ୍ ଡାଉନ୍ଲୋଡ୍ କରିପାରିବେ।
ଏହା ସହିତ SI ରାଙ୍କର ଅନ୍ୟ ସବୁ ପଦବୀ ପାଇଁ ବି ହେବ ପରୀକ୍ଷା। ବିଭିନ୍ନ ଜିଲ୍ଲା କେନ୍ଦ୍ରରେ OMR ସିଟ୍ରେ ହେବ ଏହି ପରୀକ୍ଷା।
ଆବେଦନ ପ୍ରକ୍ରିୟା ୨୦ ଜାନୁୟାରୀ ୨୦୨୫ ରେ ଆରମ୍ଭ ହୋଇ ୧୦ ଫେବୃଆରୀ ୨୦୨୫ ରେ ଶେଷ ହୋଇଥିଲା। ବହୁ ସଂଖ୍ୟକ ପ୍ରାର୍ଥୀ ସଫଳତାର ସହ ପଞ୍ଜୀକୃତ ହୋଇଛନ୍ତି ଏବଂ ବର୍ତ୍ତମାନ ଆଗାମୀ ଲିଖିତ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି। ଓଡ଼ିଶା ପୋଲିସ ରିକ୍ରୁଟମେଣ୍ଟ ବୋର୍ଡ ଏହି ପରୀକ୍ଷା ପରିଚାଳନା କରିବ।
ଯୋଗ୍ୟତା:
ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟ କିମ୍ବା ଅନୁଷ୍ଠାନରୁ ପ୍ରାର୍ଥୀ ପ୍ରାସଙ୍ଗିକ ବିଷୟରେ ସ୍ନାତକ ଡିଗ୍ରୀ ହାସଲ କରିବା ଜରୁରୀ ।
ବୟସ ସୀମା:
ସର୍ବନିମ୍ନ ବୟସ – ୨୧ ବର୍ଷ
ସର୍ବାଧିକ ବୟସ – ୨୫ ବର୍ଷ
ଦରମା:
ସର୍ବନିମ୍ନ ଦରମା – ୩୫,୪୦୦ ଟଙ୍କା
ସର୍ବାଧିକ ଦରମା – ୧,୧୨,୪୦୦ ଟଙ୍କା
ପରୀକ୍ଷାରେ ଯୋଗଦେବା ପାଇଁ ଆଡମିଟ୍ କାର୍ଡ ଏକ ବାଧ୍ୟତାମୂଳକ ଡକ୍ୟୁମେଣ୍ଟ। OPRB SI ଆଡମିଟ୍ କାର୍ଡ କେବଳ ଅନଲାଇନ୍ରେ ଉପଲବ୍ଧ ହେବ ଏବଂ ପ୍ରାର୍ଥୀମାନେ ଏହାକୁ ଓଡିଶା ପୋଲିସର ଅଫିସିଆଲ୍ ୱେବ୍ସାଇଟକୁ ଯାଇ ଡାଉନଲୋଡ୍ କରି ପ୍ରିଣ୍ଟ କରିବାକୁ ପଡିବ।
କିପରି କରିବେ ଆଡମିଟ୍ କାର୍ଡ ଡାଉନଲୋଡ:
ଅଫିସିଆଲ୍ ୱେବସାଇଟ୍ odishapolice.gov.in କୁ ଯାଆନ୍ତୁ ।
ହୋମ୍ପେଜ୍ରେ ସମ୍ପୃକ୍ତ ଆଡମିଟ୍ କାର୍ଡ ଲିଙ୍କ୍ ଦେଖନ୍ତୁ ।
ଲିଙ୍କରେ କ୍ଲିକ୍ କରନ୍ତୁ ଏବଂ ଆପଣଙ୍କର ପଞ୍ଜୀକରଣ ନମ୍ବର ଏବଂ ଜନ୍ମ ତାରିଖ ଏଣ୍ଟ୍ରୀ କରନ୍ତୁ ।
ସ୍କ୍ରିନ୍ରେ ଆଡମିଟ୍ କାର୍ଡ ପ୍ରଦର୍ଶିତ ହେବ ।
ଡାଉନଲୋଡ୍ ବଟନ୍ ଉପରେ କ୍ଲିକ୍ କରନ୍ତୁ ଏବଂ ଆପଣଙ୍କ ଡିଭାଇସରେ ଆଡମିଟ୍ କାର୍ଡ ସେଭ୍ କରନ୍ତୁ ।
ଏହାର ଏକ ପ୍ରିଣ୍ଟଆଉଟ୍ କାଢନ୍ତି ଏବଂ ଏହାକୁ ସୁରକ୍ଷିତ ରଖନ୍ତୁ ।