ଲଞ୍ଚ ହେଲା ନୂଆ Aadhaar app, ଆଉ କେଉଁ ସ୍ଥାନରେ ଦେବାକୁ ପଡିବନି ଫଟୋ କପି

ନୂଆଦିଲ୍ଲୀ: ମୋଦୀ ସରକାର ଏକ ନୂତନ ଆଧାର ଆପ୍ ଲଞ୍ଚ କରିଛନ୍ତି । ଏହା ସହିତ ବ୍ୟବହାରକାରୀଙ୍କୁ ସେମାନଙ୍କର ଆଧାର ସମ୍ପର୍କିତ ସୂଚନା ଯାଞ୍ଚ କରିବା ପାଇଁ କୌଣସି ଭିଜିକାଲ କାର୍ଡ କିମ୍ବା ଫଟୋ କପିର ଆବଶ୍ୟକତା ପଡ଼ିବ ନାହିଁ । ଏନେଇ ସୂଚନା ଦେଇଛନ୍ତି ସୂଚନା ଏବଂ ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ । ସେ ନିଜେ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ଭିଡିଓ ଜାରି କରିଛନ୍ତି ।

X ରେ ପ୍ରକାଶିତ ଭିଡିଓ ଦର୍ଶାଉଛି ଯେ, ଏହି ଆପ୍ ମାଧ୍ୟମରେ ଫେସ୍ ଆଇଡି ପ୍ରମାଣୀକରଣ ସମ୍ଭବ ହେବ ଏବଂ ବ୍ୟବହାରକାରୀଙ୍କ ସମ୍ମତିରେ ତଥ୍ୟ ସୁରକ୍ଷିତ ଭାବରେ ସେୟାର କରାଯିବ । ବର୍ତ୍ତମାନ ଏହି ଆପ୍ ବିଟା ଟେଷ୍ଟିଂ ପର୍ଯ୍ୟାୟରେ ଅଛି । ଯାହା ଆଧାର ଯାଞ୍ଚକୁ ଉନ୍ନତ କରିବା ପାଇଁ କାର୍ଯ୍ୟ କରୁଛି । ଏହା ବ୍ୟବହାରକାରୀଙ୍କ ଗୋପନୀୟତା ବୃଦ୍ଧି କରିବ ଏବଂ ଆଧାରର ଅପବ୍ୟବହାରକୁ ମଧ୍ୟ ରୋକିବା ନେଇ ମଧ୍ୟ କୁହାଯାଉଛି ।

ନୂଆ ଆଧାର ଆପର 10 ଫିଚର-

୧- ବ୍ୟବହାରକାରୀମାନେ ଏବେ କେବଳ ଆବଶ୍ୟକୀୟ ସୂଚନା ନିଜ ଇଚ୍ଛା ଅନୁଯାୟୀ ସେୟାର କରିପାରିବେ, ଯାହା ଦ୍ଵାରା ସେମାନଙ୍କର ବ୍ୟକ୍ତିଗତ ସୂଚନା ସୁରକ୍ଷିତ ରହିବ ।

୨- ଯେପରି UPI ପେମେଣ୍ଟରେ QR କୋଡ୍ ସ୍କାନ କରାଯାଏ, ସେହିପରି ଆଧାର ଯାଞ୍ଚ ମଧ୍ୟ ଏବେ ସମାନ ସହଜ ହେବ ।

୩- ଏବେ ଆଧାରର ଫଟୋକପି କିମ୍ବା ସ୍କାନ କରିବାର ଆବଶ୍ୟକତା ରହିବ ନାହିଁ, ସବୁକିଛି ଆପ୍ ମାଧ୍ୟମରେ ହିଁ କରାଯିବ ।

୪- ମୋବାଇଲ୍ ଆପ୍‌ରେ ଫେସ ରିକୋଗନାଇଜ ମାଧ୍ୟମରେ ଲଗଇନ୍ ଏବଂ ଯାଞ୍ଚର ସୁବିଧା ଅଛି, ଯାହା ସୁରକ୍ଷାକୁ ଆହୁରି ବୃଦ୍ଧି କରେ ।

୫- ଏବେ ହୋଟେଲ, ଦୋକାନ କିମ୍ବା ଯାତ୍ରା ଚେକପୋଷ୍ଟରେ ଆଧାରର କପି ପ୍ରଦାନ କରିବାର ଆବଶ୍ୟକତା ରହିବ ନାହିଁ ।

୬- ୧୦୦% ପ୍ରକ୍ରିୟା ଡିଜିଟାଲ୍ ଏବଂ ଆପଣଙ୍କର ପରିଚୟ ସମ୍ପୂର୍ଣ୍ଣ ସୁରକ୍ଷିତ ରହିବ ।

୭- ଏହି ଆପ୍ ସାହାଯ୍ୟରେ, ଆଧାର କାର୍ଡ ସମ୍ବନ୍ଧୀୟ ତଥ୍ୟର ଅପବ୍ୟବହାର କିମ୍ବା ଲିକ୍ ହେବାର ଆଶଙ୍କା ମଧ୍ୟ ହ୍ରାସ ପାଇବ ।

୮- ଆଧାର ସୂଚନା ସହିତ କୌଣସି ପ୍ରକାରର ହେରଫେର କିମ୍ବା କୌଣସି ପ୍ରକାରର ଠକେଇ ଏବେ ସମ୍ଭବ ହେବ ନାହିଁ।

୯- ଆଧାର ଯାଞ୍ଚ ବହୁତ କମ ସମୟ ଏବଂ ସହଜ ଉପାୟରେ କରାଯାଇପାରିବ ।

୧୦- ପୁରୁଣା ପଦ୍ଧତି ତୁଳନାରେ, ଏଥିରେ ଉପଭୋକ୍ତା ଗୋପନୀୟତା ଅଧିକ ମଜବୁତ ହେବ ।

New Aadhaar App
Face ID authentication via mobile app

❌ No physical card
❌ No photocopies

🧵Features👇 pic.twitter.com/xc6cr6grL0

— Ashwini Vaishnaw (@AshwiniVaishnaw) April 8, 2025