ଚିନ୍ତାରେ ପାକିସ୍ତାନ, ନା ପାଣି, ନା ଔଷଧ, ଭାରତରୁ କିଛି ମିଳିବନି, ଏବେ କ’ଣ କରିବ !

ନୂଆଦିଲ୍ଲୀ: ପାକିସ୍ତାନ ମୁଣ୍ଡରେ ପଡିଲାଣି ଚଡ଼କ। କ’ଣ କରିବ, କେମିତି ବଞ୍ଚିବ। ଗୋଟେ ପରେ ଗୋଟେ ଆକ୍ସନ ନେଉଛି ଭାରତ। ପହଲଗାମ ଆତଙ୍କୀ ଆକ୍ରମଣ ପରେ ପ୍ରଥମେ ସିନ୍ଧୁ ନଦୀ ଚୁକ୍ତିକୁ ରଦ୍ଦ କରିଥିଲା ଭାରତ।

ଯାହା ଫଳରେ ପାଣି ସମସ୍ୟା ଦେଖା ଦେଇଛି ପାକିସ୍ତାନରେ। ସେପଟେ ପାକିସ୍ତାନ ବି ଭାରତର ଆକ୍ସନ ଉପରେ ବେଶୀ ବଡ଼ ନହେଲେ ବି ଛୋଟମୋଟ ଆକ୍ସନ ନେଉଛି। ଆଉ ନୂଆଦିଲ୍ଲୀ ସହ ସମସ୍ତ ବ୍ୟାପାରକୁ ନିଲମ୍ୱନ କରିଛି।

ନା ପାଣି ନା ଔଷଧ: ଦେଖିବାକୁ ଗଲେ ଔଷଧ ଆଉ ସ୍ୱାସ୍ଥ୍ୟକ୍ଷେତ୍ରରେ ପାକିସ୍ତାନ ଭାରତ ଉପରେ ହିଁ ନିର୍ଭର କରିଥାଏ। ଆଉ ଏବେ ଯେତେବେଳେ ନୂଆଦିଲ୍ଲୀ ସହ ସମସ୍ତ ବ୍ୟାପାରକୁ ନିଲମ୍ୱନ କରିଛି ପାକିସ୍ତାନ। ତେଣୁ ପାକିସ୍ତାନକୁ ଔଷଧର ଆବଶ୍ୟକତା ରହିଛି।

ସେଥିପାଇଁ ପାକିସ୍ତାନ ଏବେ ଜରୁରୀକାଳୀନ ଭାବେ ଔଷଧ ମହଜୁଦ କରିବାରେ ଲାଗିପଡିଛି। ସୂଚନା ଅନୁସାରେ ବ୍ୟାପାର ନିଲମ୍ୱିତ ହେବା ପରେ ପାକିସ୍ତାନ ଔଷଧର ଆବଶ୍ୟକତାକୁ ପୂରା କରିବା ପାଇଁ ତତ୍କାଳ ଉପାୟ ଖୋଜିବାରେ ଲାଗିପଡ଼ିଛି।

କ’ଣ କରିବ ପାକିସ୍ତାନ: ପହଲଗାମରେ ଆତଙ୍କବାଦୀ ଆକ୍ରମଣ ପରେ, ଭାରତ ଏବଂ ପାକିସ୍ତାନ ମଧ୍ୟରେ ସମ୍ପର୍କ ଏକ ଅତ୍ୟନ୍ତ ନାଜୁକ ପର୍ଯ୍ୟାୟ ଦେଇ ଗତି କରୁଛି। ୧୯୬୦ ମସିହାରେ ଦୁଇ ଦେଶ ମଧ୍ୟରେ ସ୍ୱାକ୍ଷରିତ ସିନ୍ଧୁ ଜଳ ଚୁକ୍ତିନାମା ବନ୍ଦ ହୋଇଯାଇଛି।

ଏହା ଯୋଗୁଁ ପଡ଼ୋଶୀ ଦେଶକୁ ଗମ୍ଭୀର ଜଳ ସଙ୍କଟର ସମ୍ମୁଖୀନ ହେବାକୁ ପଡିବ। ଭାରତର ଏହି ନିଷ୍ପତ୍ତି ସମଗ୍ର ପାକିସ୍ତାନରେ ହଇଚଇ ସୃଷ୍ଟି କରିଛି। ପାକିସ୍ତାନ ପ୍ରତିଟି ପାଣି ବୁନ୍ଦା ପାଇଁ ଲୋଭ କରିବାକୁ ବାଧ୍ୟ ହେବ।

ସେହି ସମୟରେ, ପାକିସ୍ତାନକୁ ଔଷଧର ଘୋର ଅଭାବର ମଧ୍ୟ ସମ୍ମୁଖୀନ ହେବାକୁ ପଡ଼ିପାରେ। ପାକିସ୍ତାନର ଔଷଧ ଶିଳ୍ପ ଏହାର ୩୦ ରୁ ୪୦ ପ୍ରତିଶତ କଞ୍ଚାମାଲ ପାଇଁ ସମ୍ପୂର୍ଣ୍ଣ ଭାବରେ ଭାରତ ଉପରେ ନିର୍ଭରଶୀଳ, ଯେଉଁଥିରେ ସକ୍ରିୟ ଔଷଧ ଉପାଦାନ (API) ଏବଂ ବିଭିନ୍ନ ଉନ୍ନତ ଚିକିତ୍ସା ଉତ୍ପାଦ ଅନ୍ତର୍ଭୁକ୍ତ।

ତେବେ ପାକିସ୍ତାନ ମେଡିସିନ୍ ଆବଶ୍ୟକତା ପୂରଣ ନେଇ ଔଷଧ ବିନିୟାମକ ପ୍ରାଧିକରଣ ପୃଷ୍ଟି କରିଛି। ହେଲେ ଔଷଧ କ୍ଷେତ୍ରରେ ପ୍ରତିବନ୍ଧକ ପ୍ରଭାବ ନେଇ କୌଣସି ଔପଚାରିକ ଅଧିସୂଚନା ଦିଆଯାଇନାହିଁ। ହେଲେ ପାକିସ୍ତାନ ଆକସ୍ମିକ ଭାବେ ସମସ୍ତ ପ୍ରସ୍ତୁତି ଆରମ୍ଭ କରିଛି।