ନାବାଳିକାକୁ ୬୦ ବର୍ଷ ବୁଢ଼ାର ଯୌନ ନିର୍ଯ୍ୟାତନା, ବଢ଼ିଲା ସାମ୍ପ୍ରଦାୟିକ ଉତ୍ତେଜନା

ଉତ୍ତରାଖଣ୍ଡ: ନୈନିତାଲରେ ଜଣେ ନାବାଳିକା ଝିଅ ଉପରେ ଯୌନ ନିର୍ଯାତନାର ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି। ଏହି ଘଟଣା ପରେ ନୈନିତାଲରେ ସାମ୍ପ୍ରଦାୟିକ ଉତ୍ତେଜନା ଦେଖାଦେଇଛି।

ହି ଘଟଣା ଯୋଗୁଁ କ୍ରୋଧିତ ଲୋକମାନେ ତୀବ୍ର ପ୍ରତିବାଦ କରିଛନ୍ତି ଏବଂ ଭଙ୍ଗାରୁଜା ମଧ୍ୟ କରିଛନ୍ତି। ଆଶ୍ଚର୍ଯ୍ୟଜନକ କଥା ହେଉଛି ଯେ ଜଣେ ନାବାଳିକା ଝିଅକୁ ଯୌନ ନିର୍ଯାତନା ଦେବା ଅଭିଯୋଗରେ ଗିରଫ ହୋଇଥିବା ଉସମାନ ନାମକ ବ୍ୟକ୍ତି ୬୦ ବର୍ଷ ବୟସର।

ପୂରା ଘଟଣା କ’ଣ: ପୋଲିସ କହିଛି ଯେ ଜଣେ ନାବାଳିକା ଝିଅ ଉପରେ ଯୌନ ନିର୍ଯାତନା ଅଭିଯୋଗକୁ ନେଇ ଲୋକମାନେ ଏକ ବିରାଟ ପ୍ରତିବାଦ କରିଛନ୍ତି। ଏହି ଘଟଣାରେ ପୋଲିସ ଅଭିଯୁକ୍ତ ଉସମାନ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି।

ଯିଏ ପେଶାରେ ଜଣେ ଠିକାଦାର। ପୋଲିସର କହିବା ଅନୁଯାୟୀ, ପ୍ରଦର୍ଶନକାରୀମାନେ ଭଙ୍ଗାରୁଜା କରିଥିଲେ ଏବଂ ମୁସଲିମ ସମ୍ପ୍ରଦାୟର କିଛି ଦୋକାନକୁ ଟାର୍ଗେଟ କରାଯାଇଥିଲା। ଏହା ସହିତ ଏକ ମସଜିଦ ଉପରେ ପଥର ଫିଙ୍ଗାଯାଇଛି।

ପାକିସ୍ତାନ ବିରୋଧରେ ସ୍ଲୋଗାନ: ପୋଲିସର ସୂଚନା ଅନୁଯାୟୀ, ବୁଧବାର ରାତିରେ ଖବର ପ୍ରସାରିତ ହୋଇଥିଲା ଯେ ଯୌନ ନିର୍ଯାତନାର ଶିକାର ହୋଇଥିବା ଝିଅଟିକୁ ଡାକ୍ତରୀ ପରୀକ୍ଷା ପାଇଁ ନିଆଯାଇଛି। ଏହା ପରେ ବିରୋଧ ପ୍ରଦର୍ଶନ ଆରମ୍ଭ ହୋଇଥିଲା।

ହିନ୍ଦୁ ସଂଗଠନଗୁଡ଼ିକ ଅଭିଯୁକ୍ତଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଥିଲେ ଏବଂ ପୋଲିସ ଷ୍ଟେସନ ବାହାରେ ପ୍ରଦର୍ଶନ ମଧ୍ୟ କରିଥିଲେ। ଉତ୍ତ୍ୟକ୍ତ ଜନତା ପାକିସ୍ତାନ ବିରୋଧରେ ସ୍ଲୋଗାନ ଦେଇଥିଲେ ଏବଂ ଅନେକ ଗାଡ଼ି ଭଙ୍ଗାରୁଜା କରିଥିଲେ। ଏହା ପରେ କିଛି ଘର ଉପରେ ପଥର ଫିଙ୍ଗି ଝରକା କାଚ ମଧ୍ୟ ଭାଙ୍ଗି ଦିଆଯାଇଥିଲା।

ପୋଲିସ ଫୋର୍ସ ମୁତୟନ: ନୈନିତାଲ ସହର ଏସପି ଅନ୍ୟ ଅଧିକାରୀମାନଙ୍କ ସହିତ ଘଟଣାସ୍ଥଳରେ ପହଞ୍ଚି ଲୋକଙ୍କୁ ଆଶ୍ୱାସନା ଦେଇଥିଲେ ଯେ ଅଭିଯୁକ୍ତଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ। ସେ ଲୋକଙ୍କୁ ଶାନ୍ତ କରିବାକୁ ଚେଷ୍ଟା କଲେ କିନ୍ତୁ ମଧ୍ୟରାତ୍ରି ପର୍ଯ୍ୟନ୍ତ ପ୍ରତିବାଦ ଜାରି ରହିଲା।

ଏହା ପରେ ପୋଲିସ ରାତି ୨ଟା ପର୍ଯ୍ୟନ୍ତ ପାଟ୍ରୋଲିଂ ଜାରି ରଖିଥିଲା। ଶାନ୍ତି ବଜାୟ ରଖିବା ପାଇଁ ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଛି।