ଭାରତ-ପାକିସ୍ତାନ ଉତ୍ତେଜନା ଭିତରେ ବଳି ପଡିବ କି Karachi Bakery? ହାଇଦ୍ରାବାଦରେ ବିରୋଧ ପ୍ରଦର୍ଶନ

ନୂଆଦିଲ୍ଲୀ: ଭାରତୀୟ ସଶସ୍ତ୍ର ବାହିନୀ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀରରେ ଅପରେସନ୍ ସିନ୍ଦୂର ଅଧୀନରେ ନଅଟି ଆତଙ୍କବାଦୀ ସଂଗଠନ ଶିବିରକୁ ଧ୍ୱଂସ କରିବାର ଗୋଟିଏ ଦିନ ପରେ, ତେଲେଙ୍ଗାନାର ବିଭିନ୍ନ ସହରରେ ଥିବା କରାଚୀ ବେକେରୀକୁ ଟାର୍ଗେଟ କରାଯାଇଛି ।

ଅନେକ କର୍ମୀ ଗୋଷ୍ଠୀ ନାମ ପରିବର୍ତ୍ତନ କରିବାକୁ ମଧ୍ୟ ଦାବି କରିଛନ୍ତି, କାରଣ ‘କରାଚୀ’ ପାକିସ୍ତାନର ଏକ ପ୍ରମୁଖ ସହର ଏବଂ ଯୁକ୍ତି ଦେଇଛନ୍ତି ଯେ ଭାରତରେ ବ୍ୟବସାୟଗୁଡ଼ିକର ନାମ ପାକିସ୍ତାନୀ ସହର ସହିତ ଜଡିତ ହେବା ଉଚିତ୍ ନୁହେଁ ।

ବୁଧବାର ଦିନ ବେଗମପେଟ୍, ମୋଆଜ୍ଜାମ ଜାହି ମାର୍କେଟ ଏବଂ ଅନ୍ୟାନ୍ୟ ସ୍ଥାନରେ ଥିବା କରାଚି ବେକେରୀ ଦୋକାନଗୁଡ଼ିକ ଅସନ୍ତୋଷର ସମ୍ମୁଖୀନ ହୋଇ ସେମାନଙ୍କ ସାଇନ୍ ବୋର୍ଡ ଉପରେ ଭାରତୀୟ ଜାତୀୟ ପତାକା ପ୍ରଦର୍ଶନ କରିଥିଲେ ।

କରାଚି ବେକେରୀର ମାଲିକ ରାଜେଶ ଏବଂ ହରିଶ ରାମନାନି ଜାତୀୟ ଗଣମାଧ୍ୟମକୁ ପ୍ରତିକ୍ରିୟା ଦେଇ ସ୍ପଷ୍ଟ କରିଥିଲେ ଯେ କରାଚି ବେକେରୀ ୧୯୫୩ ମସିହାରେ ହାଇଦ୍ରାବାଦରେ ଖାନଚାନ୍ଦ ରାମନାନିଙ୍କ ଦ୍ୱାରା ପ୍ରତିଷ୍ଠିତ ହୋଇଥିଲା । ଏହାକୁ ୭୩ ବର୍ଷ ବିତିଗଲାଣି ।

କରାଚୀ ବେକେରୀ ମାଲିକ କହିଛନ୍ତି, “୧୯୫୩ ମସିହାରେ ହାଇଦ୍ରାବାଦରେ କରାଚି ବେକେରୀ ଖାନଚାନ୍ଦ ରାମନାନିଙ୍କ ଦ୍ୱାରା ପ୍ରତିଷ୍ଠା କରାଯାଇଥିଲା, ଯିଏ ବିଭାଜନ ସମୟରେ ଭାରତକୁ ଚାଲି ଆସିଥିଲେ। ଏହାକୁ ୭୩ ବର୍ଷ ବିତିଗଲାଣି। ଆମର ଜେଜେବାପା ବିଭାଜନ ପରେ ଭାରତ ଆସିଥିବାରୁ ଏହାର ନାମ କରାଚି ରଖିଥିଲେ।

ଆମେ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ଏବଂ ପ୍ରଶାସନର ବରିଷ୍ଠ ଅଧିକାରୀମାନଙ୍କୁ ନାମ ପରିବର୍ତ୍ତନକୁ ରୋକିବା ପାଇଁ ସମର୍ଥନ କରିବାକୁ ଅନୁରୋଧ କରୁଛୁ। ଲୋକମାନେ ସହର ସାରା ବେକେରୀର ଆଉଟଲେଟରେ ତ୍ରିରଙ୍ଗା ଲଗାଉଛନ୍ତି। ଦୟାକରି ଆମକୁ ସମର୍ଥନ କରନ୍ତୁ କାରଣ ଆମେ ଏକ ଭାରତୀୟ ବ୍ରାଣ୍ଡ, ପାକିସ୍ତାନୀ ବ୍ରାଣ୍ଡ ନୁହେଁ ।”