ଏହି ଭିଟାମିନର ଅଭାବ ହେଇପାରେ ଡିପ୍ରେସନର କାରଣ, ଜାଣନ୍ତୁ ଏହି ଏହାକୁ କିପରି ଦୂର କରିବେ

ଓଡ଼ିଶା ଭାସ୍କର: ଆଜିର ଆଧୁନିକ ଜୀବନଶୈଳୀ ଅଧିକାଂଶ ଲୋକଙ୍କୁ ଡିପ୍ରେସନ ଆଡ଼କୁ ଟାଣି ନେଉଛି । ଆମ ଆଜାଣତରେ ଏହି ଭୟଙ୍କର ରୋଗ କେତେବେଳେ ଆମ ଭିତରେ ସୃଷ୍ଟି ହୋଇ ସାରିଥାଏ, ତାହା ଆମକୁ ଜଣାନଥାଏ ।

କ’ଣ ଆପଣ ଜାଣନ୍ତି, କିଛି ପୋଷକ ତତ୍ତ୍ବର ଅଭାବ କେବଳ ଶରୀର ଉପରେ ନୁହେଁ ବରଂ ମାନସିକ ସ୍ତରରେ ମଧ୍ୟ ପ୍ରଭାବ ପକାଇଥାଏ । ତେବେ ଆସନ୍ତୁ ଜାଣିବା ଏହି ଭିଟାମିନର ଅଭାବ ଏବଂ ସେଗୁଡ଼ିକୁ କିପରି ଦୂର କରିପାରିବା ।

ଭିଟାମିନ ବି-12ର ଅଭାବ

ଭିଟାମିନ ବି-12 ଅଭାବ ଆପଣଙ୍କ ସ୍ୱାସ୍ଥ୍ୟକୁ ଏକଦମ୍ ଡ୍ୟାମେଜ କରିପାରେ । ଯଦି ଆପଣ ଭିଟାମିନ ବି-12 ଅଭାବ ଯୋଗୁଁ ହେଉଥିବା ପାର୍ଶ୍ୱ ପ୍ରତିକ୍ରିୟାକୁ ଏଡାଇବାକୁ ଚାହାଁନ୍ତି, ତେବେ ଯଥାଶୀଘ୍ର ଏହି  ଭିଟାମିନର ଅଭାବକୁ ଦୂର କରିବାକୁ ଚେଷ୍ଟା କରନ୍ତୁ। ଆପଣ ଆପଣଙ୍କ ଡାଏଟ୍ ପ୍ଲାନରେ ଭିଟାମିନ ବି-12 ଯୁକ୍ତ ଖାଦ୍ୟ ସାମଗ୍ରୀ ଅନ୍ତର୍ଭୁକ୍ତ କରିପାରିବେ।

ଭିଟାମିନ –D ର ଅଭାବ

ଭିଟାମିନ-ଡି ଅଭାବ ଆପଣଙ୍କ ମାନସିକ ସ୍ୱାସ୍ଥ୍ୟ ଉପରେ ମଧ୍ୟ ନକାରାତ୍ମକ ପ୍ରଭାବ ପକାଇଥାଏ। ଯଦି ଆପଣ ଡିପ୍ରେସନ ଭଳି ଗମ୍ଭୀର ରୋଗର ଶିକାର ହେବାରୁ ବଞ୍ଚିବାକୁ ଚାହାଁନ୍ତି, ତେବେ ଆପଣଙ୍କୁ ଶରୀରରେ ସୃଷ୍ଟି ହେଉଥିବା ଭିଟାମିନ ବି୧୨ ଅଭାବ କିମ୍ବା ଭିଟାମିନ ଡି ଅଭାବକୁ ଦୂର କରିବାକୁ ପଡ଼ିବ। ଆସନ୍ତୁ ଏହି ଭିଟାମିନର ଅଭାବକୁ କିପରି ଦୂର କରିବା ସେ ବିଷୟରେ ଜାଣିବା ।

ଡାଏଟ୍ ପ୍ଲାନରେ କ’ଣ ସାମିଲ କରିବେ ?

ଭିଟାମିନ୍ ବି-12 ଅଭାବକୁ ଦୂର କରିବା ପାଇଁ ଚିକେନ, ମାଛ, ଅଣ୍ଡା ଆଦି ଖାଇବା ଦରକାର। ଏହା ବ୍ୟତୀତ ଛତୁ ଏବଂ କ୍ଷୀର ଜାତୀୟ ଜିନିଷ ବା ଡାଏରି ପ୍ରଡକ୍ଟରୁ ମଧ୍ୟ ପ୍ରଚୁର ପରିମାଣରେ ଭିଟାମିନ୍ ବି-12 ମିଳିଥାଏ। ସେହି ସମୟରେ, ଯଦି ଆପଣ ଭିଟାମିନ-ଡି ଅଭାବକୁ ଦୂର କରିବାକୁ ଚାହାଁନ୍ତି, ତେବେ କ୍ଷୀର ସହିତ ବାଦାମ ଏବଂ କମଳା ରସ ମଧ୍ୟ ଲାଭଦାୟକ ସାବ୍ୟସ୍ତ ହୋଇପାରେ।

ତେବେ ଏହାର ସୁଫଳ ପାଇବା ପାଇଁ ହେଲେ ଏହି ଜିନିଶଗୁଡ଼ିକି ସଠିକ ମାତ୍ରାରେ ଏବଂ ସଠିକ ଉପାୟରେ ଖାଇବା ଅତ୍ୟନ୍ତ ଗୁରୁତ୍ତ୍ବପୂର୍ଣ୍ଣ ।