ପ୍ରତିଦିନ ଖାଲି ପେଟରେ କେବଳ ଗୋଟିଏ, ମିଳିବ ଜବରଦସ୍ତ ଫାଇଦା

ଓଡିଶାଭାସ୍କର: ଅଁଳା ଆମ ସ୍ୱାସ୍ଥ୍ୟ ପାଇଁ ବେଶ ହିତକର ହୋଇଥାଏ। ତେଣୁ ସ୍ୱାସ୍ଥ୍ୟ ବିଶେଷଜ୍ଞମାନେ ପ୍ରତିଦିନ ଗୋଟିଏ ଲେଖାଏଁ ଅଁଳା ଖାଇବାକୁ ପରାମର୍ଶ ଦେଇଥାନ୍ତି। ଏହାକୁ ଖାଇବା ଦ୍ୱାରା 6ଟି ଜବରଦସ୍ତ ଲାଭ ମିଳିଥାଏ। ତେବେ ଆସନ୍ତୁ ଜାଣିବା ସେସବୁ କଣ।

ବିଶେଷଜ୍ଞମାନଙ୍କ ମତାମତ: ପ୍ରସିଦ୍ଧ ପୁଷ୍ଟିସାର ବିଶେଷଜ୍ଞ ସୋନିଆ ନାରଙ୍ଗଙ୍କ ମତରେ, ଯଦି ଆପଣ ପ୍ରତିଦିନ କେବଳ ଗୋଟିଏ ଅଁଳା ଖାଉଛନ୍ତି, ତେବେ ଦୁଇ ସପ୍ତାହ ମଧ୍ୟରେ ଆପଣଙ୍କ ଶରୀରରେ ଅନେକ ବଡ଼ ପରିବର୍ତ୍ତନ ଆସିପାରେ। ଯେପରିକି-

ଚୁଟି ଝଡ଼ିବା କମିଯିବ: ଅଁଳାରେ ଭିଟାମିନ୍ ସି ଭରପୂର ହୋଇ ଥାଏ, ଯାହା ଶରୀରରେ କୋଲାଜେନ୍ ଉତ୍ପାଦନ ବୃଦ୍ଧି କରେ। ପୁଷ୍ଟିସାର ବିଶେଷଜ୍ଞ କୁହନ୍ତି, କୋଲାଜେନ୍ ଆମ କେଶର ମୂଳକୁ ମଜବୁତ କରେ, ଯାହା ଯୋଗୁଁ କେଶ ଝଡ଼ିବାର ସମସ୍ୟା ଧୀରେ ଧୀରେ କମିବାକୁ ଲାଗେ।

ତ୍ୱଚାରେ ଚମକ:କୋଲାଜେନ ବୃଦ୍ଧି ପାଇଲେ ତ୍ୱଚା ମଧ୍ୟ ଟାଇଟ୍ ଏବଂ ହେଲଦି ଦେଖାଯାଏ। ଅଁଳା ତ୍ୱଚାକୁ ଭିତରରୁ ସଫା କରେ, ଯାହା ମୁହଁକୁ ଏକ ପ୍ରାକୃତିକ ଚମକ ଦିଏ।

ଓଜନ ହ୍ରାସ: ଯଦି ଆପଣ ଓଜନ ହ୍ରାସ କରିବାକୁ ଚାହାଁନ୍ତି ତେବେ ଅଁଳା ଆପଣଙ୍କୁ ସାହାଯ୍ୟ କରିପାରିବ। ଅଁଳା ମେଟାବୋଲିଜିମ୍ ତ୍ୱରାନ୍ୱିତ କରେ ଏବଂ ଇନସୁଲିନ୍ ସ୍ପାଇକ୍ ନିୟନ୍ତ୍ରଣ କରେ। ଏହା ଚର୍ବି ଜମା କରେ ନାହିଁ ବରଂ ଏହା କହିବା ଦ୍ୱାରା ପେଟର ଚର୍ବି ଧୀରେ ଧୀରେ ହ୍ରାସ ପାଇବାକୁ ଲାଗେ।

ବ୍ରଣରୁ ମୁକ୍ତି: ଯେଉଁମାନଙ୍କର ମୁହଁରେ ବ୍ରଣ ଅଛି ସେମାନଙ୍କ ପାଇଁ ଏହି ଅଁଳା ବେଶ ଲାଭଦାୟକ। ଏହାର ଡିଟକ୍ସ ଗୁଣ ଚର୍ମକୁ ସଫା କରେ ଏବଂ ବ୍ୟାକ୍ଟେରିଆ ସହିତ ଲଢ଼ିଥାଏ, ଯାହା ବ୍ରଣର ସମସ୍ୟାକୁ କମ କରିଥାଏ।

ଆଣ୍ଠୁ ଯନ୍ତ୍ରଣାରୁ ମୁକ୍ତି: ଅଁଳାରେ ପ୍ରଚୁର ପରିମାଣରେ ଆଣ୍ଟି-ଇମ୍ଫ୍ଲେମାଟୋରୀ ଉପାଦାନ ଏବଂ ଭିଟାମିନ୍ ସି ଥାଏ। ଯାହା ଆଣ୍ଠୁ ଯନ୍ତ୍ରଣାରୁ ଆରାମ ଦିଏ।

ରୋଗ ପ୍ରତିରୋଧକ ଶକ୍ତି ବୃଦ୍ଧି: ଏହା ବ୍ୟତୀତ, ଅଁଳା ଶରୀରର ରୋଗ ପ୍ରତିରୋଧକ ଶକ୍ତିକୁ ମଜବୁତ କରେ। ଏହାକୁ ପ୍ରତିଦିନ ସେବନ କରିବା ଦ୍ୱାରା ଋତୁକାଳୀନ ଜ୍ୱର, ଥଣ୍ଡା ଏବଂ କାଶରୁ ମଧ୍ୟ ରକ୍ଷା ମିଳିଥାଏ।

କିପରି ଖାଇବେ? ଆପଣ ଏହାକୁ କଞ୍ଚା ଖାଇପାରିବେ କିମ୍ବା ଏହାର ରସ ପିଇପାରିବେ। ସକାଳେ ଖାଲି ପେଟରେ ଏହାକୁ ନେବାକୁ ଚେଷ୍ଟା କରନ୍ତୁ, ଯାହା ଦ୍ଵାରା ଏହାର ପ୍ରଭାବ ଅଧିକ ପଡିବ।