ରାସ୍ତାରେ ସରକାରୀ ବସ୍ ରେ ଭୟଙ୍କର ଅଗ୍ନିକାଣ୍ଡ, ଆଖି ପିଛୁଳାକେ ପାଉଁଶ ହୋଇଗଲା ବସ୍, ଯାତ୍ରୀ…
ପଶ୍ଚିମବଙ୍ଗ: ରାସ୍ତା ଉପରେ ହୁତୁହୁତୁ ହୋଇ ଜଲୁଛି ବସ୍। ତାହା ପୁଣି ଘରୋଇ ବସ୍ ନୁହେଁ ସରକାରୀ ବସ୍। ପଶ୍ଚିମବଙ୍ଗର ମୁର୍ଶିଦାବାଦରେ ଏକ ସରକାରୀ ବସ୍ରେ ନିଆଁ ଲାଗି ଯାଇଥିବା ସୂଚନା ମିଳିଛି।
କିଛି ସମୟ ମଧ୍ୟରେ ନିଆଁ ଭୟଙ୍କର ରୂପ ନେଇଥିଲା ଏବଂ ସମ୍ପୂର୍ଣ୍ଣ ବସ୍ଟି ପାଉଁଶ ହୋଇଯାଇଥିଲା। ସୌଭାଗ୍ୟବଶତଃ, ଏହି ଦୁର୍ଘଟଣାରେ କେହି ମୃତ୍ୟୁବରଣ କରି ନାହାନ୍ତି।
ବସ୍ରେ ଥିବା ଯାତ୍ରୀମାନଙ୍କୁ ଶୀଘ୍ର ବାହାରକୁ ବାହାର କରାଯାଇଥିଲା। ଯାତ୍ରୀମାନେ ନିଆଁରେ ମୃତ୍ୟୁବରଣ କରିବାରୁ ଅଳ୍ପକେ ବଞ୍ଚି ଯାଇଥିଲେ। ଘଟଣାଟି ସକାଳ ପ୍ରାୟ ୧୧ଟାରେ ସାଗରଦିଘିରେ ଘଟିଥିଲା।
ଏଠାରେ ମୋରଗ୍ରାମ ନିକଟ ଦୋହଲମୋରରେ ଏକ ଚଳନ୍ତା ବସ୍ରେ ନିଆଁ ଲାଗିଯାଇଥିଲା। ବ୍ରହ୍ମପୁରରୁ ଫରକ୍କା ଯାଉଥିବା ସରକାରୀ ବସରେ ହଠାତ୍ ନିଆଁ ଲାଗିଯିବାରୁ ସବୁ ଲୋକ ଭୟଭୀତ ହୋଇ ବସ୍ରୁ ବାହାରକୁ ବାହାରି ଆସିଥିଲେ।
ଅଗ୍ନିକାଣ୍ଡର ସଠିକ୍ କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି। ସାଗରଦିଘି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଯାତ୍ରୀମାନଙ୍କୁ ସାହାଯ୍ୟ କରିଥିଲା। ଏହି ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଥିଲା।