ସୂର୍ଯ୍ୟକୁମାର ଯାଦବଙ୍କ ହାତଘଡି଼ରେ ମର୍ଯ୍ୟାଦାପୁରୁଷ ରାମଚନ୍ଦ୍ର ଓ ପ୍ରଭୁ ହନୁମାନ, ଜାଣନ୍ତୁ କେତେ ଟଙ୍କା ଏହି କଷ୍ଟମାଇଜ୍ଡ ଘଣ୍ଟାର ମୂଲ୍ୟ

ନୂଆଦିଲ୍ଲୀ: ମଙ୍ଗଳବାର ଦିନ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ 2025 ଏସିଆ କପ୍ ପାଇଁ ଭାରତୀୟ ଦଳ ଘୋଷଣା କରାଯାଇଥିଲା। ଏହି ସାମ୍ବାଦିକ ସମ୍ମିଳନୀରେ ଦଳର ଅଧିନାୟକ ସୂର୍ଯ୍ୟକୁମାର ଯାଦବ ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକର ଉପସ୍ଥିତ ଥିଲେ।

ସୋସିଆଲ ମିଡିଆରେ ଦଳ ବିଷୟରେ ଆଲୋଚନା ହୋଇଥିଲା, କିନ୍ତୁ ସୂର୍ଯ୍ୟଙ୍କ ଘଣ୍ଟା ମଧ୍ୟ ଆଲୋଚନାର ବିଷୟ ପାଲଟିଥିଲା। ସୂର୍ଯ୍ୟଙ୍କ ଘଣ୍ଟାର ଏକ ବିଶେଷ ବୈଶିଷ୍ଟ୍ୟ ଥିଲା, ଏହି ଘଣ୍ଟାରେ ରାମ ମନ୍ଦିର, ଭଗବାନ ରାମ ଏବଂ ହନୁମାନଙ୍କ ଫଟୋ ଥିଲା। ସୂର୍ଯ୍ୟଙ୍କ ଏହି ଘଣ୍ଟା କଷ୍ଟମାଇଜଡ ଏବଂ ଦାମୀ ହୋଇଥିବା କୁହାଯାଉଛି ।

ଲିମିଟେଡ ଅଡିସନ ଘଣ୍ଟା

ସୂର୍ଯ୍ୟକୁମାରଙ୍କ ଏହି ଘଣ୍ଟାର ଫଟୋ ସୋସିଆଲ ମିଡିଆରେ ପ୍ରବଳ ଭାଇରାଲ ହେଉଛି। ଏହି ଘଣ୍ଟା ସ୍ୱିଜରଲ୍ୟାଣ୍ଡର ଜାକବ ଆଣ୍ଡ କୋ ଦ୍ୱାରା ତିଆରି କରାଯାଇଛି। ଏହି ଘଣ୍ଟାକୁ ଏପିକ୍ ଏକ୍ସ ସ୍କେଲେଟନ୍ ରାମ ଜନ୍ମଭୂମି ଟାଇଟାନିୟମ୍ ସଂସ୍କରଣ ନାମରେ ଲଞ୍ଚ କରାଯାଇଥିଲା।

ଏହି ଡିଜାଇନର ଘଣ୍ଟା କେବଳ 49 ଖଣ୍ଡ ତିଆରି କରାଯାଇଛି, ଯେଉଁଥିରୁ ଗୋଟିଏ ଭାରତର T20 ଅଧିନାୟକ ସୂର୍ଯ୍ୟକୁମାର ଯାଦବଙ୍କ ପାଖରେ ଅଛି।

ଏହି ଘଣ୍ଟାର ରଙ୍ଗ କମଳା। ସେହି ସମୟରେ, ଏହାର ପଟି କେଶରୀ ରଙ୍ଗର । ଘଣ୍ଟାରେ ରାମ ମନ୍ଦିର, ଭଗବାନ ରାମ ଏବଂ ହନୁମାନଙ୍କ ଚିତ୍ର ବେଶ ନୂପୁଣତାର ସହ ଅଙ୍କାଯାଏଛି । ଏହି ବିଶେଷ ପ୍ରକାର ହାତ ଘଡିର ଡାଏଲରେ ଜୟ ଶ୍ରୀ ରାମ ଲେଖାଯାଇଛି।

ଘଣ୍ଟାର ମୂଲ୍ୟ

ରିପୋର୍ଟ ଅନୁଯାୟୀ, ଏହି ଘଣ୍ଟାର ମୂଲ୍ୟ 34 ରୁ 65 ଲକ୍ଷ ଟଙ୍କା। ସମଗ୍ର ବିଶ୍ୱରେ ଏହାର କେବଳ 49 ଖଣ୍ଡ ତିଆରି ହୋଇଛି, ଯେଉଁଥିରୁ 35 ଖଣ୍ଡ ବିକ୍ରି ହୋଇଛି ବୋଲି କୁହାଯାଉଛି।

ସେପ୍ଟେମ୍ବରରୁ ମ୍ୟାଚ

ଏସିଆ କପ୍ 9 ସେପ୍ଟେମ୍ବରରୁ ଆରମ୍ଭ ହେବାକୁ ଯାଉଛି। ସେହି ସମୟରେ, ଭାରତୀୟ ଦଳ 10 ସେପ୍ଟେମ୍ବରରେ UAE ବିପକ୍ଷରେ ପ୍ରଥମ ମ୍ୟାଚ୍ ଖେଳିବ। ଯେଉଁଥିରେ ଏହା ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭେଟିବ।

ଉଭୟ ଦଳ ମଧ୍ୟରେ ବହୁ ଚର୍ଚିତ ମ୍ୟାଚ୍ 14 ସେପ୍ଟେମ୍ବରରେ ଖେଳାଯିବ । ଏହା ପରେ, ଭାରତୀୟ ଦଳ 19 ସେପ୍ଟେମ୍ବରରେ ଓମାନ ବିପକ୍ଷରେ ଗ୍ରୁପ ପର୍ଯ୍ୟାୟର ଶେଷ ମ୍ୟାଚ୍ ଖେଳିବ।

ଭାରତୀୟ ଦଳ

ସୂର୍ଯ୍ୟକୁମାର ଯାଦବ (କ୍ୟାପଟେନ), ଶୁଭମାନ ଗିଲ (ଭାଇସ କ୍ୟାପଟେନ), ଅଭିଷେକ ଶର୍ମା, ତିଲକ ଭର୍ମା, ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ଆକ୍ସାର ପଟେଲ, ଜିତେଶ ଶର୍ମା (ୱିକେଟ୍ କିପର), ଜସପ୍ରୀତ ବୁମ୍ରା, ଅର୍ଶଦୀପ ସିଂ, ବରୁଣ ଚକ୍ରବର୍ତ୍ତୀ, କୁଲଦୀପ ସିଂଙ୍କୁ ଦଳରେ ସ୍ତନ ମିଳିଛି ।