ୱାଶିଂଟନ ଡିସିରେ ପହଞ୍ଚିଲେ ମୋଦୀ; ଉପରାଷ୍ଟ୍ରପତି କମଲା ହ୍ୟାରିସଙ୍କୁ ଆଜି ଭେଟିବେ
ନୂଆଦିଲ୍ଲୀ: ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୩ ଦିନିଆ ଆମେରିକା ଗସ୍ତରେ ଯାଇ ୱାଶିଂଟନରେ ପହଞ୍ଚିଛନ୍ତି । ଗୁରୁବାର ଭୋର ୩.୩୦ ମିନିଟରେ ମୋଦୀ ୱାଶିଂଟନରେ ପହଞ୍ଚିଥିଲେ । ଜଏଣ୍ଟ ବେସ ଆଣ୍ଡ୍ର୍ୟୁସ ଏୟାରବେସରେ ମୋଦୀଙ୍କ ବିମାନ ଅବତରଣ କରିଥିଲା । ୱାଶିଂଟନ ଡିସିରେ ମୋଦୀ ଅବତରଣ କରିବା ପରେ ତାଙ୍କୁ ଭବ୍ୟ ସ୍ୱାଗତ ପ୍ରଦାନ କରାଯାଇଥିଲା । ମୋଦୀ ଅବତରଣ କରିବା ପରେ ତାଙ୍କୁ ସ୍ୱାଗତ କରିବା ପାଇଁ ଶତାଧିକ ଭାରତୀୟ ଉପସ୍ଥିତ ରହିଥିଲେ । ଭାରତୀୟ ଜାତୀୟ ପତାକା ସହିତ ମୋଦୀଙ୍କୁ ଭବ୍ୟ ସ୍ୱାଗତ ପ୍ରଦାନ କରାଯାଇଥିଲା । ବିମାନ ବନ୍ଦରରୁ ମୋଦୀଙ୍କ କାରକେଡ୍ ପେନସିଲଭାନିଆର ହୋଟେଲ ୱିଲାର୍ଡକୁ ଯାଇଥିଲା । ବିମାନ ବନ୍ଦରରେ ମୋଦୀଙ୍କୁ ମିଳିଥିବା ସ୍ୱାଗତର ଫଟୋକୁ ମୋଦୀ ନିଜ ଟ୍ୱିଟ୍ଟର ଆକାଉଣ୍ଟରେ ଶେୟାର କରିବା ସହିତ ସମସ୍ତଙ୍କୁ ଧନ୍ୟବାଦ ଜଣାଇଥିଲେ । ୱାଶିଂଟନରେ ରହିଥିବା ଭାରତୀୟ ବଂଶୋଦ୍ଭବଙ୍କୁ ମୋର ଧନ୍ୟବାଦ ।
Grateful to the Indian community in Washington DC for the warm welcome. Our diaspora is our strength. It is commendable how the Indian diaspora has distinguished itself across the world. pic.twitter.com/6cw2UR2uLH
— Narendra Modi (@narendramodi) September 22, 2021
ବିଗତ ଦୁଇ ବର୍ଷ ମଧ୍ୟରେ ଏହା ମୋଦୀଙ୍କ ପ୍ରଥମ ଆମେରିକା ଗସ୍ତ । ଏହି ଗସ୍ତ ସମୟରେ ମୋଦୀ କ୍ୱାଡ ସମ୍ମିଳନୀରେ ଅଂଶଗ୍ରହଣ କରିବେ । ଗୁରୁବାର ଦିନ ୧୨.୩୦ ମିନିଟରେ ମୋଦୀ ଆମେରିକାର ଉପ ରାଷ୍ଟ୍ରପତି କମଲା ହ୍ୟାରିସଙ୍କୁ ଭେଟିବାର କାର୍ଯ୍ୟକ୍ରମ ରହିଛି । କମଲା ହ୍ୟାରିସଙ୍କୁ ଏଜିନଆୱର ଅଫିସରେ ଭେଟିବାର କାର୍ଯ୍ୟକ୍ରମ ରହିଛି । ଗୁରୁବାର ଦିନ ୧୧ଟାରେ ମୋଦୀ ୫ଟି କମ୍ପାନୀର ସିଇଓଙ୍କୁ ଭେଟିବେ । ନିଜ ହୋଟେଲ ରୁମରେ ମୋଦୀ ଆଡୋବ, କ୍ୱାଲକମ, ଫାଷ୍ଟ ସୋଲାର, ଜେନେରାଲ ଆଟୋମିକସ ଏବଂ ବ୍ଲାକ ଷ୍ଟୋନର ସିଇଓଙ୍କୁ ଭେଟିବେ ମୋଦୀ ।
