ସୁପରସୋନିକ୍ ମିସାଇଲ୍ ଟରପିଡୋର ସଫଳ ପରୀକ୍ଷଣ, ଭାରତୀୟ ନୌସେନାକୁ ମିଳିଲା ଆଉ ଏକ ମହାଶକ୍ତି
ମୁମ୍ବାଇ: ଭାରତ ଦୀର୍ଘ ଦୂରଗାମୀ ସୁପରସୋନିକ୍ କ୍ଷେପଣାସ୍ତ୍ର ସହାୟକ ଟର୍ପେଡୋର ସଫଳ ପରୀକ୍ଷଣ କରିଛି । ଏହି କ୍ଷେପଣାସ୍ତ୍ର ଓଡିଶାର ବାଲେଶ୍ୱର ଉପକୂଳ ଉତକ୍ଷେପଣ କେନ୍ଦ୍ରରୁ ପରୀକ୍ଷା କରାଯାଇଛି । ଏନେଇ ସୂଚନା ଦେଇଛି ପ୍ରତିରକ୍ଷା ଗବେଷଣା ବିକାଶ ସଂଗଠନ ଡିଆରଡିଓ ।
ଭାରତୀୟ ନୌସେନାର ବୁଡ଼ାଜାହାଜ ଯୁଦ୍ଧକୁ ମଜବୁତ କରିବା ପାଇଁ ଏହି କ୍ଷେପଣାସ୍ତ୍ରର ପରିକଳ୍ପନା ଏବଂ ବିକଶିତ କରାଯାଇଛି । ପାରମ୍ପାରିକ ଟର୍ପେଡୋ ଅପେକ୍ଷା ଏହି କ୍ଷେପଣାସ୍ତ୍ର ଅଧିକ ଶକ୍ତିଶାଳୀ । ବୁଡ଼ାଜାହାଜର ଯୁଦ୍ଧ ଅପରେସନ୍ ସମୟରେ ଏହି ମିଶାଇଲ ବେଶ ସହାୟକ ହେବ । ଟର୍ପେଡୋ ସିଗାର ଆକୃତିର ଏକ ସ୍ୱୟଂଚାଳିତ ଅସ୍ତ୍ର ଯାହା ବୁଡ଼ାଜାହାଜରୁ ଉତକ୍ଷେପଣ କରାଯାଏ । ଟର୍ପେଡୋ ସମୁଦ୍ରର ଗଭୀରତାରେ ବିସ୍ଫୋରଣ କରି ଶତ୍ରୁକୁ ଟାର୍ଗଟ କରିପାରେ । ଭାରତର ପ୍ରଥମ ସ୍ୱଦେଶୀ ଟର୍ପେଡୋ ଥିଲା ବରୁଣାଷ୍ଟ୍ରା ଯାହା ଏକ ଆଣ୍ଟି-ବୁଡ଼ାଜାହାଜ ଇଲେକ୍ଟ୍ରିକ୍ ଟର୍ପେଡୋ ଭାବରେ ଉତକ୍ଷେପଣ କରାଯାଇଥିଲା । ହାଇଦ୍ରାବାଦର ଉଭୟ ଡିଆରଡିଓ ଏବଂ ଗବେଷଣା କେନ୍ଦ୍ର ଇମ୍ରାଟ, ଏରିଆଲ ରିସର୍ଚ୍ଚ ଆଣ୍ଡ ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟ, ଆଗ୍ରା ଏବଂ ନୌସେନା ବିଜ୍ଞାନ ଏବଂ ପ୍ରଯୁକ୍ତି ବିଦ୍ୟା ପରୀକ୍ଷାଗାର ବିଶାଖାପାଟନମ ଦ୍ୱାରା ଏହି ସ୍ମାର୍ଟ କ୍ଷେପଣାସ୍ତ୍ର ବିକଶିତ କରାଯାଇଛି । ଏହି କ୍ଷେପଣାସ୍ତ୍ରର ପରୀକ୍ଷଣ ଦେଶର ରଣନୈତିକ ଶକ୍ତିବୃଦ୍ଧି କରିବ ଏବଂ ନୌସେନାର ସାମର୍ଥ୍ୟ ବୃଦ୍ଧି କରିବ । ବୁଡ଼ାଜାହାଜ ବିରୋଧୀ ଯୁଦ୍ଧ ପାଇଁ ଏହା ଏକ ବଡ଼ ସଫଳତା ।
