ଫିଲ୍ମ ‘ଅନ୍ନପୂର୍ଣ୍ଣି’ ବିବାଦକୁ ନେଇ ମୁହଁ ଖୋଲିଲେ ଅଭିନେତ୍ରୀ ନୟନତାରା
ଭୁବନେଶ୍ଵର: ଫିଲ୍ମ ଅନ୍ନପୂର୍ଣ୍ଣିକୁ ନେଇ ବିବାଦ ଏବଂ ଏହାକୁ ନେଟଫ୍ଲିକ୍ସରୁ ହଟାଇବା ପରେ ଫିଲ୍ମର ଅଭିନେତ୍ରୀ ନୟନତାରା ଫିଲ୍ମକୁ ନେଇ ପ୍ରତିକ୍ରିୟା ରଖିଛନ୍ତି ଏବଂ ଫିଲ୍ମକୁ ନେଇ ଲୋକଙ୍କ ଆପତ୍ତି ଉଠାଇଛନ୍ତି । ଫିଲ୍ମ ଅନ୍ନପୂର୍ଣ୍ଣି ଜରିଆରେ ଆମେ ଲୋକଙ୍କୁ ଏକ ସକାରାତ୍ମକ ବାର୍ତ୍ତା ଦେବାକୁ ଚାହୁଁଥିଲୁ, ଏହି ଫିଲ୍ମ ଲୋକଙ୍କୁ ପ୍ରେରଣା ଦେବା ପାଇଁ ତିଆରି କରାଯାଇଥିଲା ଏବଂ ଆମର ଉଦ୍ଦେଶ୍ୟ କାହାର ଭାବନାକୁ ଆଘାତ ଦେବା ନୁହେଁ ବୋଲି ସେ କହିଛନ୍ତି ।
ଆମେ ଏକ ସକାରାତ୍ମକ ବାର୍ତ୍ତା ଦେବା ପାଇଁ ଏକ ସଚ୍ଚୋଟ ପ୍ରୟାସ କରୁଥିଲୁ ଯାହା ଅଜାଣତରେ ଲୋକଙ୍କ ଭାବନାକୁ ଆଘାତ ଦେଇଥିଲା । ଆମେ ଆଶା କରିନଥିଲୁ ଯେ ସେନ୍ସର ବୋର୍ଡ ଦ୍ୱାରା ପାସ୍ ହୋଇଥିବା ଏବଂ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ଚଳଚ୍ଚିତ୍ରକୁ ଓଟିଟିରୁ ହଟାଇ ଦିଆଯିବ ।
ମୁଁ ଏବଂ ମୋ ଟିମ୍ କାହାର ଭାବନାକୁ ଆଘାତ ଦେବାକୁ ଚାହୁଁନଥିଲୁ ଏବଂ ଆମେ ଘଟଣାର ଗମ୍ଭୀରତାକୁ ଅନୁଭବ କରିଥିଲୁ। ମୁଁ ନିଜେ ଭଗବାନଙ୍କ ଉପରେ ବିଶ୍ୱାସ କରେ ଏବଂ ମୁଁ ପ୍ରାୟତଃ ମନ୍ଦିର କୁ ଯାଇଥାଏ, ତେଣୁ ମୁଁ ଲୋକଙ୍କ ଭାବନାକୁ ଆଘାତ ଦେବା ବିଷୟରେ ମଧ୍ୟ ଚିନ୍ତା କରିପାରିବି ନାହିଁ । ଯିଏ ଆମ ଫିଲ୍ମରେ ଆଘାତ ପାଇଛନ୍ତି ସେମାନଙ୍କୁ ମୁଁ କ୍ଷମା ପ୍ରାର୍ଥନା କରୁଛି।
ତାମିଲ ଚଳଚ୍ଚିତ୍ର ‘ଅନ୍ନପୂର୍ଣ୍ଣି ଦ ଗଡେସ୍ ଅଫ୍ ଫୁଡ୍’ରେ ନୟନତାରା ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏହି ଚଳଚ୍ଚିତ୍ରରେ ଏକ ରକ୍ଷଣଶୀଳ ହିନ୍ଦୁ ବ୍ରାହ୍ମଣ ପରିବାରର ଜଣେ ଝିଅର କାହାଣୀ କୁହାଯାଇଛି ଯିଏ କଷ୍ଟସାମ୍ନାରେ ସେଫ୍ ହେବାର ସ୍ୱପ୍ନ ଦେଖନ୍ତି।
ଫିଲ୍ମଟି ଡିସେମ୍ବର ୧ ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ଏବଂ ଡିସେମ୍ବର ୨୯ ରେ ଏହା ନେଟଫ୍ଲିକ୍ସରେ ମୁକ୍ତିଲାଭ କରିଥିଲା । କିନ୍ତୁ ଓଏଟିଟି ଆସିବା ମାତ୍ରେ ଏହାକୁ ନେଇ ବିବାଦ ଆରମ୍ଭ ହୋଇଥିଲା। ଫିଲ୍ମ ବିରୋଧରେ ଏଫଆଇଆର ଜାରି କରାଯାଇଥିଲା ଏବଂ ଏହା ପରେ ଏହାକୁ ନେଟଫ୍ଲିକ୍ସରୁ ହଟାଇ ଦିଆଯାଇଥିଲା ।
