ରାଜଧାନୀର ସମସ୍ତ ସରକାରୀ ସ୍କୁଲ ୧ରୁ ୧୫ ଜାନୁଆରୀ ପର୍ଯ୍ୟନ୍ତ ବନ୍ଦ ରହିବ: ମୁଖ୍ୟମନ୍ତ୍ରୀ କଲେ ଘୋଷଣା
ନୂଆଦିଲ୍ଲୀ: ପାରଦ କମିବା ସହ ଶୀତ ବଢ଼ିବାରେ ଲାଗିଛି । ଦେଶର ରାଜଧାନୀ ଦିଲ୍ଲୀ ସମେତ ସମସ୍ତ ଅଞ୍ଚଳରେ ଲୋକମାନେ ଅସହ୍ୟ ଶୀତର ସାମ୍ନା କରୁଛନ୍ତି । ଏହାରି ମଧ୍ୟରେ ଦିଲ୍ଲୀ ସରକାର ଏକ ଆଦେଶ ଜାରି କରିଛନ୍ତି, ଯେଉଁଥିରେ ସମସ୍ତ ସରକାରୀ ସ୍କୁଲ ୧ ଜାନୁଆରୀରୁ ୧୫ ଜାନୁଆରୀ ପର୍ଯ୍ୟନ୍ତ ବନ୍ଦ ରହିବ ବୋଲି କୁହାଯାଇଛି । ବଢ଼ୁଥିବା ଶୀତକୁ ଦୃଷ୍ଟିରେ ରଖି ଦିଲ୍ଲୀ ସରକାର ଏହି ନିଷ୍ପତ୍ତି ନେଇଛନ୍ତି ।
ତେବେ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ଏହି ନିର୍ଦ୍ଦେଶ ଜାରି କରାଯାଇଛି । ଏହା ସହ ନବମରୁ ଦ୍ୱାଦଶ ପର୍ଯ୍ୟନ୍ତ ଶ୍ରେଣୀ ପିଲାଙ୍କ ପାଇଁ ୨ ଜାନୁଆରୀରୁ ୧୪ ଜାନୁଆରୀ ୨୦୨୩ ପର୍ଯ୍ୟନ୍ତ ‘Remedial classes’ ଆୟୋଜିତ କରାଯିବ ।
All government schools under the Directorate of Education will remain closed during winter vacation from 1st January to 15th January 2023. 'Remedial classes' will be held for classes IX to XII from 2nd January to 14th January 2023: Delhi govt pic.twitter.com/9StwLsZtQH
— ANI (@ANI) December 22, 2022
ନିକଟରେ ଶୀତ ଲହରୀକୁ ଦୃଷ୍ଟିରେ ରଖି ଉତ୍ତରପ୍ରଦେଶର ଲଖନଉ ଜିଲ୍ଲା ପ୍ରଶାସନ ଅଷ୍ଟମ ପର୍ଯ୍ୟନ୍ତ ସମସ୍ତ ସ୍କୁଲକୁ ପୂର୍ବହ୍ନ ୧୦ରୁ ଅପରାହ୍ନ ୩ଟା ପର୍ଯ୍ୟନ୍ତ ଖୋଲିବାକୁ ନିର୍ଦ୍ଦେଶ କରିଥିଲେ । ଲଖନଉର ଜିଲ୍ଲାଧିକାରୀ ସୂର୍ଯ୍ୟପାଳ ଗଙ୍ଗୱାର ଶୀତ ଲହରୀକୁ ଦୃଷ୍ଟିରେ ରଖି ରାଜ୍ୟରେ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପରିଷଦ, ସହାୟକ ତଥା ସ୍ୱୀକୃତିପ୍ରାପ୍ତ ବିଦ୍ୟାଳୟ ସମେତ ସମସ୍ତ ବୋର୍ଡ ସ୍କୁଲ ପୂର୍ବାହ୍ନ ୧୦ରୁ ଅପରାହ୍ନ ୩ଟା ପର୍ଯ୍ୟନ୍ତ ଖୋଲିବାକୁ ନିର୍ଦ୍ଦେଶ ଦେଇଥିଲେ । ରାଜ୍ୟର ମହାରାଜଗଞ୍ଜ, ସିଦ୍ଧାର୍ଥନଗର, ଗୋରଖପୁର, କୁସିନାଗର, ଦେଓରିଆ, ସାନ୍ତକବୀରନଗର, ସାହାରନପୁର, ମୁଜାଫରନଗର, ଆମ୍ରୋହା ଏବଂ ବିଜନୋରରେ ପ୍ରବଳ ଶୀତ ଅନୁଭବ ହେଉଥିବା ରେକର୍ଡ କରାଯାଇଛି ।