ଏହି ସବୁ ଅଭ୍ୟାସ କିଡ଼ନୀ ରୋଗୀଙ୍କ ପାଇଁ ହୋଇପାରେ ବିପଜ୍ଜନକ, ହୁଅନ୍ତୁ ସତର୍କ

ଆଜିକାଲିର ବ୍ୟସ୍ତବହୁଳ ଜୀବନଶୈଳୀ କାରଣରୁ ଆମେ ଠିକ୍ ଭାବରେ ସ୍ୱାସ୍ଥ୍ୟର ଯତ୍ନ ପ୍ରତି ଅଣଦେଖା କରୁଛୁ । ଫଳରେ ଏହା ପରବର୍ତ୍ତୀ ସମୟରେ ଆମ ଶରୀର ପାଇଁ ବିପଦ ସୃଷ୍ଟି କରୁଛି । ଯାହାଫଳରେ ଆମେ ବିଭିନ୍ନ ପ୍ରକାର ରୋଗର ସମ୍ମୁଖୀନ ହୋଇଥାଉ । କିଡନୀ ହେଉଛି ଆମ ଶରୀର ସବୁଠାରୁ ଗରୁତ୍ୱପୂର୍ଣ୍ଣ ଅଙ୍ଗ । ଏହା ମୁତ୍ର ଜରୀଆରେ ଆମ ଶରୀରରେ ଥିବା ବର୍ଜ୍ୟବସ୍ତୁକୁ ବାହର କରି ଶରୀରକୁ ସୁସ୍ଥ ରଖିଥାଏ । ତେବେ ଆପଣଙ୍କର ଯଦି କିଛି କିଡନୀ ଜନିତ ସମସ୍ୟା ରହିଛି ତେବେ ଆପଣ କିଛି କଥା ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ । ନଚେତ୍ ଏହା ଆପଣଙ୍କ କିଡନୀ ଉପରେ ବିଶେଷ ପ୍ରଭାବ ପକାଇଥାଏ । ବିଶେଷ କରି ଏପରି କିଛି ଅଭ୍ୟାସ ଅଛି ଯାହା କିଡନୀ ରୋଗୀଙ୍କ ପାଇଁ ବିପଦ ସୃଷ୍ଟି କରିଥାଏ । ବର୍ତ୍ତମାନ ଆସନ୍ତୁ ଜାଣିବା ଏହି ଅଭ୍ୟାସ ବିଷୟରେ…

କିଡନୀ ରୋଗୀଙ୍କ ପାଇଁ ବିପଦ ଏହି ଅଭ୍ୟାସ:

ଅଧିକ ଶୋଇବା: ଶରୀରକୁ ସୁସ୍ଥ ରଖିବାକୁ ହେଲେ ଖାଦ୍ୟପେୟ ସହିତ ସଠିକ୍ ଏବଂ ପ୍ରଚୁର ପରିମାଣରେ ଶୋଇବା ନିତ୍ୟାନ୍ତ ଆବଶ୍ୟକ । କିନ୍ତୁ କିଡନୀ ରୋଗୀମମାନଙ୍କ କ୍ଷେତ୍ରରେ ଅଧିକ ସମୟ ଶୋଇବା ଉଚିତ୍ ନୁହେଁ । ଖାସ କରି ସକାଳ ସମୟରେ ଅଧିକ ଶୋଇବା ଅଭ୍ୟାସ ଏମାନଙ୍କ ପାଇଁ ବିପଦର କାରଣ ହୋଇଥାଏ । କାରଣ ସକାଳେ ଅଧିକ ସମୟ ଶୋଇବା ଦ୍ୱାରା ଅଧିକ ମୂତ୍ର ଜମାହୋଇ ରହିବାର ସମ୍ଭାବନା ଥାଏ । ଯାହାକି କିଡନୀ ଉପରେ ଖରାପ ପ୍ରଭାବ ପକାଇବା ସହ କିଡନୀ ରୋଗୀଙ୍କ ପାଇଁ ବିପଦ ସୃଷ୍ଟି କରିଥାଏ । ତେଣୁ ଏହି ରୋଗୀମାନେ ଅଧିକ ସମୟ ଶୋଇବା ଉଚିତ୍ ନୁହେଁ ।

ଅଧିକ ଲୁଣ ଖାଇବା: ଲୁଣ ଖାଦ୍ୟର ସ୍ୱାଦ ବଢାଇଥାଏ । ଏଥିସହିତ ଆୟୋଡିନର ଅବାକୁ ମଧ୍ୟ ଏହା ପୁରା କରିଥାଏ । କିନ୍ତୁ କିଡନୀ ରୋଗୀମାନେ ଅଧିକ ଲୁଣ ସେବନ କରିବା ଉଚିତ ନୁହେଁ । କାରଣ ଏଥିରେ ଥିବା ସୋଡିୟମ କିଡନୀ ଉପରେ ଖରାପ ପ୍ରଭାବ ପକାଇଥାଏ । ତେଣୁ ଆପଣଙ୍କର ଯଦି କିଡନୀ ଜନିତ କୌଣସି ସମସ୍ୟା ଅଛି ତେବେ ଆପଣ ଅଧିକ ଲୁଣ ଖାଇବା ଅଭ୍ୟାସକୁ ପରିବର୍ତ୍ତନ କରନ୍ତୁ ନଚେତ୍ ଏହା ଆପଣଙ୍କ ପାଇଁ ବିପଦର କାରଣ ହୋଇପାରେ ।

ମଦ୍ୟପାନ କରିବା: ମଦ୍ୟପାନ ସ୍ୱାସ୍ଥ୍ୟପକ୍ଷେ ବହୁତ କ୍ଷତିକାରକ ହୋଇଥାଏ । ଏହାକୁ ସେବନ କରିବା ଦ୍ୱାରା ବିଭିନ୍ନ ପ୍ରକାର ମାରାତ୍ମକ ରୋଗ ସୃଷ୍ଟି ହେବା ସହ ଏହା କିଡନୀ ଉପରେ ମଧ୍ୟ ବହୁତ ଖରାପ ପ୍ରଭାବ ପକାଇଥାଏ । ତେଣୁ କିଡନୀ ରୋଗୀମାନେ ମଦ୍ୟପାନ ଠାରୁ ଦୂରେଇ ରହିବା ନିତ୍ୟାନ୍ତ ଆବଶ୍ୟକ ।

ଶରୀରକୁ ସକ୍ରିୟ ନ ରଖିବା: କିଛି ଲୋକ ଅସୁସ୍ଥ ହେଲେ କେବଳ ବିଶ୍ରାମ ହିଁ କରିଥାନ୍ତି । କିନ୍ତୁ କିଡିନ ରୋଗୀଙ୍କ ପାଇଁ ଏହା ବିପଦର ଏକ କାରଣ ହୋଇଥାଏ । ତେବେ କିଡନୀରେ କିଛି ସମସ୍ୟା ଦେଖାଦେଲେ ଶରୀରକୁ ସକ୍ରିୟ ରଖିବା ଆବଶ୍ୟକ । ନଚେତ୍ ଏହା କିଡନୀ ପାଇଁ ବିପଦ ସୃଷ୍ଟି କରିପାରେ । ତେଣୁ ଆପଣଙ୍କ କିଡନୀରେ ଯଦି କୌଣସି ଅସୁବିଧା ଅଛି ତେବେ ଆପଣ ପ୍ରତ୍ୟେକ ଦିନ ହାଲୁକା ବ୍ୟାୟାମ କିମ୍ବା ଯୋଗ କରିବା ଆବଶ୍ୟକ ।

ଅଧିକ ପୋଟାସିୟମ୍ ଯୁକ୍ତ ଖାଦ୍ୟ ଖାଇବା: କିଡନୀ ରୋଗୀମାନେ ଅଧିକ ପୋଟାସିୟମ୍ ଥିବା ଖାଦ୍ୟ ଖାଇବା ଠାରୁ ଦୂରେଇ ରହିବା ଉଚିତ୍ । ତେଣୁ କିଡନୀରେ ସମସ୍ୟା ଥିଲେ ଆଳୁ, ମାଟି ଆଳୁ ଭଳି ଜିନିଷ ଖାଇବା ଠାରୁ ଦୂରେଇ ରୁହନ୍ତୁ । ଏଥିସହିତ ବନ୍ଧାକୋବି ଏବଂ ଆଭୋକାଡୋ ଖାଇବା କିଡନୀ ରୋଗୀଙ୍କୁ ମଧ୍ୟ ପ୍ରଭାବିତ କରିଥାଏ, କାରଣ ଏହି ଜିନିଷରେ ପୋଟାସିୟମ୍ ଅଧିକ ପରିମାଣରେ ମିଳିଥାଏ, ଯାହା କିଡନୀକୁ ନଷ୍ଟ କରିପାରେ । ତେଣୁ କିଡିନ ରୋଗୀମାନେ ଏହି ଖାଦ୍ୟଠାରୁ ଦୂରେଇ ରୁହନ୍ତୁ ।