ଛାଡ଼ଖାଇରେ ବଡ଼ ଅଘଟଣ; ମାଛ ବେପାରୀଙ୍କ ଉପରେ ମାଡ଼ିଗଲା ଟ୍ରକ୍
ପାରାଦୀପ: ସକାଳୁ ସକାଳୁ ଅଘଟଣ। ମାଛ ବେପାରୀଙ୍କ ଉପରେ ଚଢିଗଲା ଟ୍ରକ୍। କାର୍ତ୍ତିକ ମାସ ପରେ ଆଜି ଲୋକେ ଛାଡଖାଇ ପାଳନ କରୁଛନ୍ତି। ଶନିବାରରେ ବିଛା ସଂକ୍ରାନ୍ତି ପଡିଥିବାରୁ ଲୋକେ ଛାଡଖାଇରେ ଆମିଷ ଖାଇପାରିନଥିଲେ। ତେବେ ଆଜି ରବିବାର ଦିନ ଛାଡଖାଇ ପାଳନ କରିବାକୁ ଲୋକଙ୍କର ଆମିଷ ବଜାରରେ ଭିଡ ଜମିଛି। ଏହାରି ମଧ୍ୟରେ ପାରାଦୀପରେ ଅଘଟଣ ଘଟିଛି।
ସୂଚନାନୁଯାୟୀ, ମାଛ ବେପାରୀ ଜଣକ ସାଇକେଲରେ ଯିବା ବେଳେ ଅଠରବାଙ୍କୀ ନିକଟରେ ଟ୍ରକଟି ଚଢିଯାଇଛି। ଏହି ମୃତ ମାଛ ବେପାରୀ ଜଣକ ବାଲିଝର ବସ୍ତିର ବୋଲି ଜଣାପଡିଛି। ଟ୍ରକ୍ ଚଢିଯିବା ପରେ ଘଟଣାସ୍ଥଳରେ ସ୍ଥାନୀୟ ଲୋକଙ୍କର ଉତ୍ତେଜନା ଦେଖିବାକୁ ମିଳିଛି।
