ଶୋଷିଲା କୋବ୍ରା ମୁହଁରେ ବୋତଲ ଦେଖାଇଦେଲେ ଅଧିକାରୀ: ତାପରେ ଦେଖନ୍ତୁ କ’ଣ ହେଲା…….

ଆଜିକାଲିର ଏ ସ୍ୱାର୍ଥପର ଦୁନିଆରେ ବହୁତ କମ ଜାଗାରେ ଦେଖିବାକୁ ମିଳୁଛି ମାନବିକତା । ଦିନକୁ ଦିନ ମଣିଷପଣିଆ ହଜିବାରେ ଲାଗିଲାଣି । ମଣିଷ ମଣିଷକୁ ବି ସାହାଯ୍ୟ କରିବାକୁ କୁଣ୍ଠାବୋଧ କରୁଛି । ଆଉ ଏମିତି ପରିସ୍ଥିତିରେ ପଶୁପକ୍ଷୀଙ୍କୁ ସାହାଯ୍ୟ କରିବା କି ସେମାନଙ୍କ କଥା ବୁଝିବା ପାଇଁ ସମୟ କାହିଁ? କିନ୍ତୁ ଜଣେ ପୋଲିସ କର୍ମଚାରୀ ଏମିତି କାମ କରିଛନ୍ତି ଯାହା ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।

ଏହି ଭିଡିଓ ସୋସିଆଲ ମିଡିଆରେ ଟ୍ୱିଟ କରିଛନ୍ତି ଆଇଏଫଏସ ଅଧିକାରୀ ସୁଶାନ୍ତ ନନ୍ଦ । ଏଥିରେ କ୍ୟାପ୍ସନ ଦେଇ ଲେଖିଛନ୍ତି, ଦୟାଳୁ ହୁଅଏବଂ ବିନମ୍ର ହୁଅ, ଆମର ମଧ୍ୟ କେବେ ଏମିତି ପରିସ୍ଥିତି ଆସିପାରେ । ଭିଡିଓରେ ଏକ ବିଶାଳକାୟ କିଙ୍ଗ କୋବ୍ରା ଦେଖାଯାଇଛି । କୋବ୍ରା ଖୁବ ଶୋଷିଲା ଥିବା ଜଣପଡୁଥିଲା । ତେଣୁ ଅଧିକାରୀ ଜଣକ ବୋତଲ ସାହାଯ୍ୟରେ ସାପକୁ ପିଇବା ପାଇଁ ପାଣି ଦେଇଥିଲେ । ପ୍ରଥମେ କିଙ୍ଗ କୋବ୍ରାର ମୁଣ୍ଡ ଉପରେ ଟିକିଏ ପାଣି ପକାଇ ତାକୁ ଶାନ୍ତ କରିଥିଲେ ଅଧିକାରୀ । ଏହାପରେ ବୋତଲରୁ ପାଣି ପିଇଥଲା କିଙ୍ଗ କୋବ୍ରା । ତେବେ ସବୁଠୁ ଆଶ୍ଚର୍ଯ୍ୟ ଘଟଣା ଥିଲା ଯେ, କୋବ୍ରା ଆଯାକ କରିବା ବଦଳରେ ଶାନ୍ତ ରହି ବୋତଲରୁ ପାଣି ପିଇଥିଲା ।

ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଟ୍ୱିଟରରେ ଏହି ଭିଡିଓ ଅପଲୋଡ ହେବା କ୍ଷଣି ନିଆଁ ପରି ବ୍ୟାପି ଯାଇଥିଲା । ଅଧିକାରୀଙ୍କ ଏମିତି କାର୍ଯ୍ୟକୁ ଅନେକ ଲୋକ ପସନ୍ଦ କରିବା ସହ ପ୍ରଶଂସା ମଧ୍ୟ କରୁଛନ୍ତି । ଅନେକ ଲୋକ ଅଧିକାରୀଙ୍କୁ ଏଥିପାଇଁ ସାଲ୍ୟୁଟ ଜଣାଇଛନ୍ତି । ଭିଡିଓରେ ୟୁଜର୍ସମାନେ ଖୁବ କମେଣ୍ଟ କରି ପ୍ରଶଂସା କରିଛନ୍ତି ।