(VIDEO)ପାକ୍ ଖେଳାଳିଙ୍କ ନକଲ କରି ଖେଳାଳି ଦେଲେ କଡ଼ା ଜବାବ, ପାକିସ୍ତାନର ଅହଂକାର ଭାଙ୍ଗିଦେଲା ଭାରତ
ଖେଳାଳିମାନଙ୍କ ଭିଡିଓ ଏବେ ଇଣ୍ଟରନେଟରେ ଭାଇରାଲ
ଓଡ଼ିଶାଭାସ୍କର:ଭାରତ ଏବଂ ପାକିସ୍ତାନ ମଧ୍ୟରେ ଏସିଆ କପ୍ ଫାଇନାଲ୍ ମନୋରଞ୍ଜନ ଏବଂ ନାଟକୀୟତାରେ ପରିପୂର୍ଣ୍ଣ ଥିଲା। ପ୍ରଥମେ ବ୍ୟାଟିଂ କରି ପାକିସ୍ତାନ ୧୦ ୱିକେଟ୍ ହରାଇ ୧୪୬ ରନ୍ କରିଥିଲା। କିନ୍ତୁ ଭାରତ ୨୦ତମ ଓଭରରେ ମ୍ୟାଚ୍ ଜିତିଥିଲା।
ଭାରତୀୟ ଦଳ ପାକିସ୍ତାନର ACC ମୁଖ୍ୟଙ୍କ ଦ୍ୱାରା ପ୍ରଦାନ କରାଯାଇଥିବା ଟ୍ରଫିକୁ ଗ୍ରହଣ କରିବାକୁ ମନା କରିଦେଇଥିଲା, ଟ୍ରଫି ଏବଂ ପଦକ ପାକିସ୍ତାନକୁ ଫେରାଇ ଆଣିଥିଲା।
ମ୍ୟାଚ୍ ପରେ ଖେଳାଳିମାନଙ୍କ ମଜାର ଭିଡିଓ ଏବେ ଇଣ୍ଟରନେଟରେ ଭାଇରାଲ ହେଉଛି, ପାକିସ୍ତାନ ଖେଳାଳିଙ୍କ ନକଲ କରି ଦେଇଥିଲେ କଡ଼ା ଜବାବ।
View this post on Instagram
ଭାରତୀୟ ଦ୍ରୁତ ବୋଲର ଅର୍ଶଦୀପ ସିଂହ ଫାଇନାଲ୍ ବିଜୟର ଷ୍ଟାର ତିଲକ ବର୍ମାଙ୍କ ସହିତ ଏକ ଭିଡିଓ କରିଥିଲେ, ଯେଉଁଥିରେ ସେ ପାକିସ୍ତାନୀ ଖେଳାଳିଙ୍କ ନକଲ କରୁଥିବାର ଦେଖାଯାଇଥିଲା। ଏହି ଭିଡିଓ ଇଣ୍ଟରନେଟରେ ଭାଇରାଲ ହେଉଛି।
ଅର୍ଶଦୀପ ଏବଂ ତିଲକ ବର୍ମା ମ୍ୟାଚ୍ ପରେ ଏହି ମଜାଦାର ଭିଡିଓ ରେକର୍ଡ କରିଥିଲେ। ଯେଉଁଥିରେ ଅର୍ଶଦୀପ ତିଲକଙ୍କୁ ପଚାରନ୍ତି, ଫାଇନାଲ ମ୍ୟାଚ୍ ପ୍ରଦର୍ଶନ ପରେ କ’ଣ ହେଉଛି? ଯାହାର ଉତ୍ତରରେ ତିଲକ କୁହନ୍ତି, “କିଛି ହେଉନାହିଁ, ପଡ଼ିଆ ଖାଲି ଅଛି।”
ଦୁହେଁ ଖଣ୍ଡି ଇଂରାଜୀରେ କଥାବାର୍ତ୍ତା କରିବା ସମୟରେ କାହାର ନାମ ନନେଇ ପ୍ରତିପକ୍ଷକୁ କଡ଼ା ସମାଲୋଚନା କରିଥିଲେ। କିନ୍ତୁ ଫ୍ୟାନ୍ସ କିନ୍ତୁ ଦୁଇ ଖେଳାଳି କାହାକୁ ଦେଖାେଇ ଏସବୁ କହିଥିଲେ ତାହା ଜାଣି ପ୍ରଶଂସକମାନେ ଶୀଘ୍ର ଅନୁମାନ କରିସାରିଥିଲେ।