ଏସିଆ କପରେ ଏହି ଖେଳାଳି ପାଲଟିଛନ୍ତି ଟିମ୍ ଇଣ୍ଡିଆର ମୁଣ୍ଡ ବିନ୍ଧାର କାରଣ …
ନୂଆଦିଲ୍ଲୀ: ଏସିଆ କପରେ ଟିମ୍ ଇଣ୍ଡିଆ ବହୁତ ଭଲ ଫର୍ମରେ ଚାଲିଛି | ଏସିଆ କପ୍ର ପ୍ରଥମ ମ୍ୟାଚରେ ଭାରତ ପାକିସ୍ତାନକୁ ପରାଜୟର ସ୍ୱାଦ ଚଖାଇଛି। ଏଥି ସହିତ ଦ୍ୱିତୀୟ ମ୍ୟାଚ୍ରେ ହଂକଂ ଦଳକୁ ୪୦ ରନ୍ରେ ପରାସ୍ତ ମଧ୍ୟ କରିଛି। ଏହି ମ୍ୟାଚ୍ ପରେ ଭାରତ ସୁପର-4 ପାଇଁ ଯୋଗ୍ୟତା ଅର୍ଜନ କରିଛି। ରୋହିତ ଶର୍ମାଙ୍କ ସଫଳ ଅଧିନାୟକତ୍ୱରେ ଟିମ୍ ଇଣ୍ଡିଆ ଏସିଆ କପରେ ଚମତ୍କାର ପ୍ରଦର୍ଶନ କରିଛି। କିନ୍ତୁ ଭାରତୀୟ ଦଳର ଏହି କ୍ରମାଗତ ପରାଜୟ ମଧ୍ୟରେ ଜଣେ ଖେଳାଳିଙ୍କ ପ୍ରଦର୍ଶନ ସବୁଠାରୁ ଦୁର୍ବଳ ରହିଛି | ଯାହାକି ଟିମ୍ ଇଣ୍ଡିଆର ମୁଣ୍ଡ ବିନ୍ଧାର କାରଣ ପାଲଟିଛି |
• ଭାରତୀୟ ଦଳର ସବୁଠାରୁ ଅଧିକ ଦୁର୍ବଳ ବୋଲର
ଯଦି ଟିମ୍ ଇଣ୍ଡିଆର କୌଣସି ବୋଲର ଏସିଆ କପରେ ସବୁଠାରୁ ଖରାପ ପ୍ରଦର୍ଶନ କରିଛନ୍ତି, ସେ ହେଉଛନ୍ତି ଆଭେଶ ଖାନ | ଆଭେଶଙ୍କ ଦ୍ରୁତ ବୋଲିଂ କୌଣସି ଦଳ ଉପରେ କିଛି ଖାସ୍ ପ୍ରଭାବ ପକାଇ ପାରି ନାହିଁ। ଅନ୍ୟପକ୍ଷେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ଏହିକି ଯେ, ଆଭେଶଙ୍କ ବଲରେ ବିପକ୍ଷ ଦଳର ବ୍ୟାଟ୍ସମ୍ୟାନ୍ ମାନେ ଆରାମରେ ରନ୍ ନେବାରେ ସଫଳ ହେଉଛନ୍ତି। ଯାହାକି ଏବେ ଭାରତୀୟ ଦଳ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି | ପାକିସ୍ତାନ ବିପକ୍ଷ ମ୍ୟାଚ୍ ପରେ ହଂକଂ ବିପକ୍ଷ ମ୍ୟାଚରେ ଆଭେଶଙ୍କ 4 ଓଭରରେ ଆରାମରେ ରନ୍ ନେବାରେ ସଫଳ ହୋଇଥିଲେ ବିପକ୍ଷ ଦଳର ବ୍ୟାଟ୍ସମ୍ୟାନ୍ ।ଆଭେଶ ଖାନଙ୍କ ନୈରାଶ୍ୟଜନକ ପ୍ରଦର୍ଶନ ଭାରତୀୟ ଦଳ ପାଇଁ ବଡ଼ ବିପଦ ସାବ୍ୟସ୍ତ ହୋଇପାରେ |
ସେହିଭଳି ପାକିସ୍ତାନ ବିପକ୍ଷ ମ୍ୟାଚରେ ଆଭେଶ ଖାନ ୨ ଓଭରରେ ୧୯ ରନ ବ୍ୟୟ କରିବା ସହ ମାତ୍ର ୧ ୱିକେଟ୍ ହାସଲ କରିପାରିଥିଲେ | କିନ୍ତୁ ହଂକଂ ବିପକ୍ଷ ମ୍ୟାଚରେ ଏହା ୫୦ ରନ୍ ଅତିକ୍ରମ କରିଥିଲା। ଆଭେଶ ଖାନଙ୍କ ଏହି ଖରାପ ପ୍ରଦର୍ଶନ ଆଗାମୀ ମ୍ୟାଚରେ ଟିମ୍ ଇଣ୍ଡିଆ ପାଇଁ ଏକ ବଡ଼ ସମସ୍ୟା ଭାବେ ସାମ୍ନାକୁ ଆସୁଥିବା ଆକଳନ ପରେ, ଏହି ଖେଳାଳିଙ୍କୁ ଦଳରୁ ଆଉଟ କରିବା ନେଇ ଚର୍ଚ୍ଚା ହେଉଛି | କେବଳ ଏସିଆ କପରେ ନୁହେଁ ବରଂ ଏହା ପୂର୍ବରୁ ବିଭିନ୍ନ ସିରିଜରେ ମଧ୍ୟ ଆଭେଶଙ୍କ ପ୍ରଦର୍ଶନ ଖରାପ ରହିଛି।
• ଟିମ୍ ଇଣ୍ଡିଆର ନାମରେ ସର୍ବାଧିକ ଥର ଏସିଆର ରେକର୍ଡ
ଏସିଆ କପରେ ଭାରତୀୟ ଦଳ ସର୍ବାଧିକ ୭ଥର ଏହି ଟାଇଟଲ ଜିତିଛି। ସେହିଭଳି ଶ୍ରୀଲଙ୍କା ୫ ଥର ଏସିଆ କପ୍ ଜିତିଛି। ଏଥି ସହିତ ପାକିସ୍ତାନ ମାତ୍ର ଦୁଇଥର ଏହି ଟାଇଟଲ ହାସଲ କରିପାରିଛି। ଏଥର ରୋହିତ ଶର୍ମାଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଏସିଆ କପ୍ ଟାଇଟଲ୍ ଜିତିବା ଆଶା ବଢ଼ିଛି | ଯଦି ଦଳ ଚଳିତ ବର୍ଷ ମଧ୍ୟ ଏସିଆ କପ୍ ଜିତେ, ତେବେ ଏହା ଏସିଆ କପ୍ ବିଜୟ ଇତିହାସରେ ଭାରତର ଅଷ୍ଟମ ବିଜୟ ହେବ।