ପାକିସ୍ତାନ କ୍ରିକେଟ ଟିମର ଅଧିନାୟକ ପଦରୁ ଇସ୍ତଫା ଦେଲେ ବାବର ଆଜମ: ସୋସିଆଲ ମିଡ଼ିଆରେ କଲେ ଘୋଷଣା
ନୂଆଦିଲ୍ଲୀ: ପାକିସ୍ତାନ କ୍ରିକେଟ ଟିମର ଅଧିନାୟକ ପଦରୁ ଇସ୍ତଫା ଦେଇଛନ୍ତି ବାବର ଆଜମ । ଏନେଇ ବାବର ସୋସିଆଲ ମିଡ଼ିଆରେ ଘୋଷଣା କରିଛନ୍ତି । ଅଧିନାୟକ ଭାବେ ତାଙ୍କର ଏହି ଯାତ୍ରୀ ବେଶ୍ ଶାନଦାର ଥିଲା ବୋଲି ଏହି ଅବସରରେ ବାବର କହିଛନ୍ତି । ଏଥିସହିତ ଅଧିନାୟକ ପଦ ଛାଡ଼ିବା ଅବସରରେ ବାବର ତାଙ୍କର ଅଗଣିତ ପ୍ରଶଂସକଙ୍କୁ ସେମାନଙ୍କର ଅତୁଟ ଭଲ ପାଇବା ଓ ସମର୍ଥନ ପାଇଁ ଧନ୍ୟବାଦ ଅର୍ପଣ କରିଛନ୍ତି ।
ବାବର ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ’ରେ ଲେଖିଛନ୍ତି, ଡିୟର ଫ୍ୟାନ୍ସ, ମୁଁ ଆଜି ଆପଣଙ୍କ ସହିତ ଏକ ନ୍ୟୁଜ୍ ଶେୟାର କରିବାକୁ ଯାଉଛି । ମୁଁ ଗତ ମାସରେ ପାକିସ୍ତାନ କ୍ରିକେଟ ବୋର୍ଡ ଓ ଟିମ୍ ମ୍ୟାନେଜମେଣ୍ଟକୁ ସୂଚନା ଦେବା ପରେ ପାକିସ୍ତାନ ପୁରୁଷ କ୍ରିକେଟ ଟିମର ଅଧିନାୟକ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଛି । ଏହି ଟିମର ନେନୃତ୍ୱ ସମ୍ଭାଳିବା ପାଇଁ ପାଇଁ ସମ୍ମାନର କଥା ଅଟେ । ମାତ୍ର ଏବେ ପଦ ଛାଡ଼ିବାର ଆସିଯାଇଛି । ମୁଁ ଏବେ ନିଜର ଖେଳ ଭୂମିକା ଉପରେ ଧ୍ୟାନ କେନ୍ଦ୍ରିତ କରିବି ।
ସୂଚନାଯୋଗ୍ୟ ଯେ, ଏହା ପୂର୍ବରୁ ବାବର ଗତବର୍ଷ ଦିନିକିଆ ବିଶ୍ୱକପ ପରେ ଅଧିନାୟକ ପଦ ଛାଡ଼ିଥିଲେ । ଏବେ ଦ୍ୱିତୀୟ ଥର ପାଇଁ ବାବର ଏହି ପଦରୁ ଇସ୍ତଫା ଦେଇଛନ୍ତି । ଏବେ ବାବର ଦିନିକିଆ ଓ ଟି-୨୦ରେ ପାକିସ୍ତାନର ଅଧିନାୟକ ପଦ ସମ୍ଭାଳିବେ ନାହିଁ । ୨୯ ବର୍ଷୀୟ ବାବର ମୋଟ ୫୪ଟି ଟେଷ୍ଟ ଖେଳିବ ୩୯୬୨ ରନ୍ ସଂଗ୍ରହ କରିଛନ୍ତି । ସେଥିରେ ୯ଟି ଶତକ ଓ ୨୬ଟି ଅର୍ଦ୍ଧଶତକ ରହିଛି । ସେହିପରି ୧୧୭ଟି ଦିନିକିଆରେ ୧୯ଟି ଶତକ ଓ ୩୨ଟି ଅର୍ଦ୍ଧଶତକ ସହ ସେ ୫୭୨୯ ରନ୍ ସଂଗ୍ରହ କରିଛନ୍ତି । ଏଥିସହିତ ସେ ୧୨୩ ଟି-୨୦ ଅନ୍ତର୍ଜାତୀୟ ଖେଳି ୩ଟି ଶତକ ଓ ୩୬ଟି ଅର୍ଦ୍ଧଶତକ ସହାୟତାରେ ୪୧୪୫ ରନ୍ ସଂଗ୍ରହ କରିଥିଲେ ।
Dear Fans,
I’m sharing some news with you today. I have decided to resign as captain of the Pakistan men’s cricket team, effective as of my notification to the PCB and Team Management last month.
It’s been an honour to lead this team, but it’s time for me to step down and focus…
— Babar Azam (@babarazam258) October 1, 2024
