(Video)ହେ ଭଗବାନ ଏ କି ଅଜବ! ବିନା ବରରେ ବିବାହ କଲେ ଶହ ଶହ କନ୍ୟା, ତେବେ କାହା ବେକରେ ଦେଲେ ବରଣମାଳା?
ନୂଆଦିଲ୍ଲୀ: ଉତ୍ତରପ୍ରଦେଶ ବାଲିଆରେ ଏପରି ଏକ ଗଣବିବାହ ଘଟଣା ସାମ୍ନାକୁ ଆସିଛି ଯାହା ବିଷୟରେ ଜାଣିଲେ ଆପଣଙ୍କ ମୁଣ୍ଡ ଘୁରିଯିବ । ଏଠାରେ ଜାନୁୟାରୀ ୨୫ ତାରିଖରେ ୫୬୮ଯୋଡିଙ୍କ ବିବାହ ହୋଇଛି । କିନ୍ତୁ ଏଥିରେ ବହୁ ସଂଖ୍ୟାରେ ଯୁବତୀଙ୍କୁ ବିନା ବରରେ ବିବାହ କରି ଦିଆଯାଇଛି । ଏହାର ଭିଡିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ଦେଖିବାକୁ ମିଳୁଛି କି କିଛି କନ୍ୟା ନିଜକୁ ହିଁ ବରଣମାଳା ପିନ୍ଧାଉଛନ୍ତି । ତେବେ ଏହି ମାମଲାରେ ଥାନାରେ ଏଫଆଇଆର ଦିଆଯିବା ସହ ଘଟଣାର ଯାଞ୍ଚ ଲାଗି ନିର୍ଦ୍ଦେଶ ଦିଆଯାଇଛି ।
କୁହାଯାଉଛି ମୁଖ୍ୟମନ୍ତ୍ରୀ ସାମୁହିକ ବିବାହ ଯୋଜନା ଜରିଆରେ ସରକାର ୫୧ ହଜାର ଟଙ୍କା ଦେଉଛନ୍ତି । ସବୁ ଜିଲ୍ଲାରେ ଏହାର ଆୟୋଜନ କରାଯାଉଛି । ଏହି କ୍ରମରେ ବାଲିଆ ଜିଲ୍ଲାରେ ୫୬୮ ଯୋଡାଙ୍କ ବିବାହ କରାଯାଇଥିଲା । କିନ୍ତୁ ଏଥିରେ ହୋଇଥିବା ଧୋକାଦାରୀ ଏବେ ସାମ୍ନାକୁ ଆସିବା ପରେ ସବୁଆଡେ ଘଟଣାକୁ ନେଇ ଚର୍ଚ୍ଚା ହେଉଛି । ଏଥିରେ ଶହ ଶହ ସଂଖ୍ୟାରେ କନ୍ୟାଙ୍କୁ ବିନା ବରରେ ବିବାହ କରିଦିଆଯାଇଛି । ବହୁ କନ୍ୟା ତ ନିଜ ହାତରେ ନିଜକୁ ବରମାଳା ପିନ୍ଧାଇଛନ୍ତି । ବୁର୍ଖାରେ ଆସିଥିବା ବହୁ ମୁସଲିମ୍ ଯୁବତୀ ମଧ୍ୟ ନିଜ ହାତରେ ନିଜକୁ ବରମାଳା ପିନ୍ଧାଇଥିଲେ ।
यूपी के बलिया से चौंकाने वाला मामला सामने आया है। यहां मुख्यमंत्री सामूहिक विवाह में अफसरों ने सैकड़ों दुल्हनों की बिना दूल्हे के ही शादी करा दी। जिन दुल्हनों को दूल्हे मिले वह भी फर्जी बताए जा रहे हैं। उन लोगों ने भी मुंह ढंककर शादी की।#ballia pic.twitter.com/I1lk54KgLU
— yogesh hindustani (@yogeshhindustan) January 30, 2024
ପଚାରିବା ପରେ ଜଣାପଡିଥିଲା କି ଏମାନଙ୍କ ମଧ୍ୟରୁ ବହୁ ଯୁବତୀ ବୁଲାବୁଲି କରିବାକୁ ଆସିଥିଲେ ଓ ସେମାନଙ୍କୁ ପଇସାର ଲୋଭ ଦେଖାଇ ଏପରି ନକଲି ଗଣ ବିବାହର ଆୟୋଜନ କରାଯାଇଥିଲା । ଯାହାଫଳରେ ଏହା ସରକାରୀ କାଗଜପତ୍ରରେ ଗଣତି ହୋଇଯିବ ଓ ସେମାନଙ୍କୁ ଟଙ୍କା ମିଳିଯିବ ।