‘ମୁଁ ଜାଣେ ସେ ବିଜେପି ବିଧାୟକ’: ମୁକୁଲ ବିଜେପିରେ ଥିବା କହିବା ପରେ ଏପରି ପ୍ରତିକ୍ରିୟା ଦେଲେ ମମତା ବାନାର୍ଜୀ
ନୁଆଦିଲ୍ଲୀ: ଲୋକସଭା ନିର୍ବାଚନ ପୁର୍ବରୁ ଅନେକ ରାଜ୍ୟରେ ନେତାମାନଙ୍କର ଦଳ ବଦଳ ପର୍ବ ଆରମ୍ଭ ହୋଇସାରିଲାଣି । ବର୍ତ୍ତମାନ କର୍ଣ୍ଣାଟକ ନିର୍ବାଚନ ପୁର୍ବରୁ ଅନେକ ବିଜେପି ନେତା କଂଗ୍ରେସକୁ ଡିଆଁ ମାରୁଛନ୍ତି । ଏବେ ଖବର ଆସିଛି ଯେ, ତୃଣମୂଳ କଂଗ୍ରେସର ବରିଷ୍ଠ ନେତା ମୂକୁଲ ରାୟ ପୁଣିଥରେ ବିଜେପି କୁ ଫେରୁଛନ୍ତି । ଏହି ଖବର ମଧ୍ୟରେ ବିଜେପି ବରିଷ୍ଠ ନେତା ଅମିତ ଶାହାଙ୍କୁ ଦେଖା କରିବାକୁ ଇଚ୍ଛା ପ୍ରକାଶ କରିଛନ୍ତି ମୁକୁଲ ରାୟ । ତେବେ ମୁକୁଲ ରାୟଙ୍କ ଉପରେ ତୃଣମୁଳ କଂଗ୍ରେସ ମୁଖ୍ୟ ମମତା ବାନାର୍ଜିଙ୍କ ବୟାନ ଆସିଛି ।
ମମତା କହିଛନ୍ତି ଯେ, ମୁଁ ଜାଣିଛି ଯେ, ମୁକୁଲ ରାୟ ବିଜେପି ବିଧାୟକ ଅଟନ୍ତି । ମଙ୍ଗଳବାର ମୁକୁଲ ରାୟ ଏକ ଟିଭି ଚ୍ୟାନେଲକୁ ଏକ ସାକ୍ଷାତକାର ଦେଇ କହିଥିଲେ ଯେ, ସେ ମୁଁ ବିଜେପି ବିଧାୟକ ଥିଲି, ଏବେ ମଧ୍ୟ ଅଛି । ମୁଁ ବିଜେପିରେ ରହିବାକୁ ଚାହୁଁଛି । ପାର୍ଟ ପକ୍ଷରୁ ବିଜେପିରେ ରହିବାକୁ ପ୍ରସ୍ତୁତ ଅଛି ଏବଂ ମୁଁ ଏବେ ଅମିତ ଶାହା ଏବଂ ଜେପି ନଡ୍ଡାଙ୍କୁ ଭେଟିବାକୁ ଚାହୁଁଛି ।
#WATCH | "There is no question of resigning from TMC, I am not even a part of it… I have already resigned from TMC," says TMC MLA Mukul Roy pic.twitter.com/xNA2S46GOc
— ANI (@ANI) April 19, 2023
ତେବେ ତୃଣମୁଳ କଂଗ୍ରେସରୁ ଇସ୍ତଫା ଦେବା ପ୍ରଶ୍ନରେ ମୁକୁଲ କହିଛନ୍ତି ଯେ, ସେ ଟିଏମସିରୁ ଇସ୍ତଫା ଦେବାର ପ୍ରଶ୍ନ ଉଠୁନି କାରଣ ମୁଁ ଟିଏମ୍ସିର ସଦସ୍ୟ ନୁହେଁ । ମୁଁ ପୁର୍ବରୁ ଟିଏମ୍ସିରୁ ଇସ୍ତଫା ଦେଇ ସାରିଛି । ମୁଁ ସର୍ବଦା ବିଜେପି ସହିତ ଥିଲି । ଯଦି ବିଜେପି ମୋତେ କାର୍ଯ୍ୟ କରିବାକୁ ସୁଯୋଗ ଦେବ ତେବେ ମୁଁ ସବୁବେଳେ ତାଙ୍କ ସହିତ ରହିବି ।
ବିଜେପିରେ ଯୋଗଦେବାକୁ ଇଚ୍ଛା ପ୍ରକାଶ କରି ମୁକୁଲ ରୟଙ୍କ ଉପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ସଭାପତି ମମତା ବାନାର୍ଜୀ କହିଛନ୍ତି ଯେ କେହି ଦିଲ୍ଲୀ ଯିବାକୁ ଚାହୁଁଛନ୍ତି କି ନାହିଁ, ଏହା ସେହି ବ୍ୟକ୍ତିଙ୍କ ଅଧିକାର । କିନ୍ତୁ ମୁଁ ଶୁଣିଛି ଯେ ତାଙ୍କ ପୁଅ ଅଭିଯୋଗ କରିଛନ୍ତି ଯେ ତାଙ୍କ ପିତା (ମୁକୁଲ ରୟ) ଅପହରଣ ହୋଇଛନ୍ତି । ଏହି ପରିପ୍ରେକ୍ଷୀରେ ଏକ ଏଫ୍ଆଇଆର୍ ପଞ୍ଜିକୃତ ହୋଇଛି । ମୁଁ ଭାବୁଛି ବିଜେପି କିପରି ବ୍ୟବହାର କରୁଛି ଆପଣ ନିଶ୍ଚୟ ଜାଣିଥିବେ । ଏହା ଶୀତ ମମତା କହିଛନ୍ତି ଯେ ମୁଁ ଜାଣେ ମୁକୁଲ ରୟ ଜଣେ ବିଜେପି ବିଧାୟକ । ସେମାନଙ୍କୁ ଧମକ ଦିଆଯାଇପାରେ । ଏହା ବହୁତ ଛୋଟ କଥା ।