ଆୟରଲାଣ୍ଡ ବିପକ୍ଷ ଟି-୨୦ ସିରିଜ ପାଇଁ ଦଳ ଘୋଷଣା କଲା BCCI: ଜଶପ୍ରୀତ ବୁମରାହ ଅଧିନାୟକ
ନୂଆଦିଲ୍ଲୀ: ୱେଷ୍ଟଇଣ୍ଡିଜ ପରେ ଆୟରଲାଣ୍ଡ ଗସ୍ତରେ ଯିବ ଭାରତୀୟ କ୍ରିକେଟ ଟିମ୍ । ତେବେ ଏହି ସିରିଜରେ ଭାରତ ପାଇଁ କମବ୍ୟାକ କରିବାକୁ ଯାଉଛନ୍ତି ଜଣେ ଷ୍ଟାର ଖେଳାଳି । ଟିମ ଇଣ୍ଡିଆର ୟର୍କର କିଙ୍ଗ ଜଶପ୍ରୀତ ବୁମରାହ ଦିର୍ଘ ଦିନରେ ପରେ ପୁଣିଥରେ ଭାରତୀୟ ଜର୍ସିରେ କମବ୍ୟାକ କରିବାକୁ ଯାଉଛନ୍ତି । ତେବେ ଏଥର ବୁମରାହଙ୍କୁ ଏକ ନୂଆ ଦାୟିତ୍ୱ ଦେଇଛି ଭାରତୀୟ କ୍ରିକେଟ ବୋର୍ଡ । ଆହତ ସମସ୍ୟାରୁ ସୁସ୍ଥ ହୋଇ ଟିମ ଇଣ୍ଡିଆକୁ ଫେରୁଥିବା ବୁମରାହ ଆୟରଲାଣ୍ଡ ଗସ୍ତରେ ଭାରତର ନେତୃତ୍ୱଭାର ସମ୍ଭାଳିବେ ।
ଆୟରଲାଣ୍ଡ ବିପକ୍ଷ ସିରିଜ ପାଇଁ ଟିମ ଇଣ୍ଡିଆର ନିୟମିତ ଅଧିନାୟକ ରୋହିତଶର୍ମାଙ୍କ ସହିତ ଟି-୨୦ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ବିଶ୍ରାମ ଦିଆଯାଇଛି । ତେଣୁ ବୁମରାହଙ୍କ ନେତୃତ୍ୱରେ ଆୟରଲାଣ୍ଡ ବିପକ୍ଷରେ ଟି-୨୦ ସିରିଜ ଖେଳିବ ମେନ୍ ଇନ୍ ବ୍ଲୁ । ବୁମରାହଙ୍କ ପରେ ଷ୍ଟାର ଓପନର ଋତୁରାଜ ଗାଏକ୍ୱାଡ ଦଳର ଉପଅଧିନାୟକ ଭାବରେ ଦାୟିତ୍ୱ ପାଇଛନ୍ତି । ତେବେ ଏହି ସିରିଜ ପାଇଁ ଅନେକ ନୂଆ ଏବଂ ଯୁବ ଖେଳାଳିଙ୍କୁ ସୁଯୋଗ ଦେଇଛି ବିସିସିଆଇ । ଆଇପିଏଲ-୨୦୨୩ରେ ଦମଦାର ପ୍ରଦର୍ଶନ କରିଥିବା କିଛି ଯୁବ ପ୍ରତିଭାଙ୍କୁ ଆୟରଲାଣ୍ଡ ଗସ୍ତରେ ସୁଯୋଗ ମିଳିବ ।
ସୂଚନା ଅନୁସାରେ, ଗତବର୍ଷ ସେପ୍ଟେମ୍ବରରେ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜରେ ଆହତ ହୋଇ ଟିମ ଇଣ୍ଡିଆରୁ ବାଦ୍ ପଡ଼ିଛନ୍ତି ବୁମରାହ । ଏହାପରେ ପିଠି ସର୍ଜରୀ କରି ସେ ପ୍ରାୟ ୧୦ ମାସ ଦଳରୁ ବାହାରେ ରହିଥିଲେ । ଏହି ସମୟ ମଧ୍ୟରେ ନେସନାଲ କ୍ରିକେଟ ଏକାଡେମୀରେ ଅଭ୍ୟାସ କରୁଥିବା ବେଳେ ବର୍ତ୍ତମାନ ପୁଣିଥରେ ଦଳକୁ କମବ୍ୟାକ କରିବା ପାଇଁ ସେ ପ୍ରସ୍ତୁତ ହୋଇ ସାରିଛନ୍ତି । ତେବେ ଆୟରଲାଣ୍ଡ ବିପକ୍ଷ ୩ ମ୍ୟାଚ ବିଶିଷ୍ଟ ଟି-୨୦ ସିରିଜରେ ବୁମରାହଙ୍କୁ ଅଧିନାୟକ ଦାୟିତ୍ୱ ପ୍ରଦାନ କରିଛି ବିସିସିଆଇ । ଆସନ୍ତା ଅଗଷ୍ଟ ୧୮ ତାରିଖର ଆରମ୍ଭ ହେବାକୁ ଯାଉଥିବା ଏହି ଟି-୨୦ ସିରିଜର ଦ୍ୱିତୀୟ ମ୍ୟାଚ ୨୦ ଏବଂ ୨୩ ତାରିଖରେ ତୃତୀୟ ତଥା ଶେଷ ମ୍ୟାଚ ଖେଳାଯିବ ।
NEWS 🚨- @Jaspritbumrah93 to lead #TeamIndia for Ireland T20Is.
Team – Jasprit Bumrah (Capt), Ruturaj Gaikwad (vc), Yashasvi Jaiswal, Tilak Varma, Rinku Singh, Sanju Samson (wk), Jitesh Sharma (wk), Shivam Dube, W Sundar, Shahbaz Ahmed, Ravi Bishnoi, Prasidh Krishna, Arshdeep…
— BCCI (@BCCI) July 31, 2023
ଆୟରଲାଣ୍ଡ ବିପକ୍ଷରେ ଟି-୨୦ ଦଳ: ଜଶପ୍ରୀତ ବୁମରାହ(ଅଧିନାୟକ), ଋତୁରାଜ ଗାଏକ୍ୱାଡ(ଉପଅଧିନାୟକ), ଯଶସ୍ୱୀ ଜଏସ୍ୱାଲ, ତିଲକ ବର୍ମା, ରିଙ୍କୁ ସିଂ, ସଞ୍ଜୁ ସାମସନ, ଜିତେଶ ଶର୍ମା, ଶିବମ ଦଚବେ, ୱାଶିଂଟନ ସୁନ୍ଦର, ଶେହବାଜ ଅହମଦ, ରବି ବିଷ୍ଣୋଇ, ପ୍ରସିଦ୍ଧ କ୍ରୀଷ୍ଣା, ଅର୍ଶଦୀପ ସିଂହ, ମୁକେଶ କୁମାର, ଆଭେଶ ଖାନ୍
