(video)ଜାମ୍ରେ ଫସି ରହି ପିଜା ଅର୍ଡର କଲେ ଯୁବକ, ପିଜା ଆସି ପହଞ୍ଚିଲା ପଛେ ଗାଡି ଗଡିିଲା ନାହିଁ
ବେଙ୍ଗାଲୁର: କର୍ଣ୍ଣାଟକ ରାଜଧାନୀ ବେଙ୍ଗାଲୁରରେ ଟ୍ରାଫିକ୍ ଜାମ୍ ସମସ୍ୟା ଦିନକୁ ଦିନ ବଢିବାରେ ଲାଗିଛି । କିଛି କିଲୋମିଟର ଯାତ୍ରା କରିବା ଲାଗି ଏଠାରେ ଲୋକଙ୍କୁ ବହୁତ ଅଧିକ ସମୟ ଲାଗି ଯାଉଛି । ସୋସିଆଲ ମିଡିଆରେ ୟୁଜର୍ସ ଏହାକୁ ନେଇ ଅଭିଯୋଗ ବି କରୁଛନ୍ତି । ତଥାପି ସମସ୍ୟାର କୌଣସି ସମାଧାନର ବାଟ ବାହାରିପାରୁ ନାହିଁ ।
ଗତ କିଛିଦିନ ତଳେ ବେଙ୍ଗାଲୁରରେ ଜବରଦସ୍ତ ଟ୍ରାଫିକ ଜାମ୍ ଦେଖିବାକୁ ମିଳିଥିଲା । ବେଙ୍ଗାଲୁରର ଆଉଟର ରିଙ୍ଗ ରୋଡ୍ରେ ବହୁ ସଂଖ୍ୟାରେ କାର୍ ଭିଡ ମଧ୍ୟରେ ଘଣ୍ଟା ଘଣ୍ଟା ଧରି ଫସି ରହିଥିଲା । ସ୍ଥିତି ନିୟନ୍ତ୍ରଣକୁ ଆସିବାକୁ ୫ ଘଣ୍ଟାରୁ ଅଧିକ ସମୟ ଲାଗିଥିଲା । ଏହି କ୍ରମରେ ବେଙ୍ଗାଲୁରରେ ଟ୍ରାଫିକ ଜାମ୍କୁ ନେଇ ସୋସିଆଲ ମିଡିଆ ସାଇଟ୍ ‘ଏକ୍ସ’ରେ ଏକ ଯୁବକଙ୍କ ପୋଷ୍ଟ ଭାଇରାଲ ହେବାରେ ଲାଗିଛି । ଏହି ଯୁବକ ଜଣକ ଜାମ୍ରେ ଫସି ରହି ପିଜ୍ଜା ଅର୍ଡର କରିଥିଲେ ଓ ଜାମ୍ ଏତେ ସମୟ ଲାଗି ରହିଥିଲା ଯେ, ପିଜା ଆସି ପହଞ୍ଚିଗଲା ପଛେ ଜାମ୍ ଭାଙ୍ଗିଲା ନାହିଁ ।
ଏକ୍ସ ୟୁଜର ଋଷିବତ୍ ଲେଖିଛନ୍ତି, ଯେତେବେଳେ ମୁଁ ଟ୍ରାଫିକ୍ ଜାମ୍ ଭିତରେ ଡୋମିନଜ୍ରୁ ପିଜା ଅର୍ଡର କରି ଦେଇଥିଲି । ଡେଲିଭରୀ ବୟ ବି ଲାଇଭ୍ ଲୋକେସନ ଜରିଆରେ ଆରାମରେ ଆମକୁ ଟ୍ରାକ କରି ପିଜା ପହଞ୍ଚାଇ ଦେଇଥିଲା । ତେବେ ଏହି ସମୟ ମଧ୍ୟରେ ଆମ ଗାଡି ମାତ୍ର କିଛି ହିଁ ମିଟର ଦୂରତା ଅତିକ୍ରମ କରିଥିଲା ।
When we decided to order from @dominos during the Bangalore choke. They were kind enough to track our live location (a few metres away from our random location added in the traffic) and deliver to us in the traffic jam. #Bengaluru #bengalurutraffic #bangaloretraffic pic.twitter.com/stnFDh2cHz
— Rishivaths (@rishivaths) September 27, 2023
‘ଏକ୍ସ’ରେ ଏହି ଭିଡିଓ ଏବେ ଦ୍ରୁତ ଗତିରେ ଭାଇରାଲ୍ ହେବାରେ ଲାଗିଛି । ଭିଡିଓରେ ପିଜା ଧରି ଡେଲିଭରୀ ବୟ ବି ବାଇକ୍ରେ ଆସୁଥିବାର ଦେଖାଯାଉଛି । ଗତକାଲି ମଧ୍ୟରାତ୍ରୀରେ କରାଯାଇଥିବା ଏହି ପୋଷ୍ଟକୁ ୫ ଲକ୍ଷରୁ ଅଧିକ ଲୋକ ଦେଖିସାରିଲେଣି । ଏହା ଉପରେ ୟୁଜର୍ସ ବିଭିନ୍ନ ପ୍ରକାର କମେଣ୍ଟ ମଧ୍ୟ ଦେବାରେ ଲାଗିଛନ୍ତି । ଜଣେ ୟୁଜର ଲେଖିଛନ୍ତି, ଆଗାମୀ ଥର ମୁଁ ଅର୍ବାନ କମ୍ପାନୀରୁ ମସାଜ ବି ବୁକ୍ କରିଦେବି ।
