ମୁଖିଆଙ୍କୁ ଭୋଟ ଦେଲେନି ବୋଲି…: ଦଳିତଙ୍କୁ ଉଠ୍ ବସ କରିବା ସହିତ ଛେପ ଚଟେଇଲେ,ଦେଖନ୍ତୁ ଭାଇରାଲ ଭିଡିଓ
ନୂଆଦିଲ୍ଲୀ: ବିହାରର ଔରଙ୍ଗାବାଦ ଜିଲ୍ଲାରେ ପଞ୍ଚାୟତ ନିର୍ବାଚନ ପରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସ୍ୱାଧୀନତାର ୭୫ ବର୍ଷ ପରେ ମଧ୍ୟ ସବର୍ଣ୍ଣ ବ୍ୟକ୍ତି କିଭଳି ଦଳିତଙ୍କ ଉପରେ ଅତ୍ୟାଚାର କରୁଛନ୍ତି ତାର ଏକ ନମୂନା ଦେଖିବାକୁ ମିଳିଛି । ନିର୍ବାଚନରେ ପରାଜୟ ପରେ ଦଳିତ ବ୍ୟକ୍ତିଙ୍କୁ ଉଠ ବସ କରାଇବା ସହିତ ଛେପ ଚାଟିବାକୁ ବାଧ୍ୟ କରିଥିଲେ ।
ଏହି ବ୍ୟକ୍ତି ଜଣଙ୍କର ନାମ ବଲୱନ୍ତ ସିଂ । ବଲୱନ୍ତ ଗାଁ ମୁଖିଆ ପଦବୀ ପାଇଁ ଲଢୁଥିବା ବେଳେ ପରାଜିତ ହୋଇଥିଲେ । ନିଜର ପରାଜୟ ପାଇଁ ଦଳିତ ସମୁଦାୟକୁ ଦାୟୀ କରିବା ସହିତ ଦଣ୍ଡ ପ୍ରଦାନ କରିଥିଲେ । ତାଙ୍କୁ ଭୋଟୁ ଦେଇନଥିବା ଦୁଇ ଜଣ ବ୍ୟକ୍ତିଙ୍କୁ ମାଡ ମାରିବା ସହିତ ବସ ଉଠ କରିଥିଲେ । ଏହା ସହିତ ମାଟି ଉପରେ ଛେପ ପକାଇ ଏହାକୁ ଚାଟିବାକୁ କହିଥିଲେ । ଏପରିକି ଜଣେ ଦଳିତ ଯୁବକ ଏହାକୁ ଚାଟିଥିଲେ । ଏହି ଭିଡିଓକୁ ଅଗ୍ରାହ୍ୟ କରି ବଲୱନ୍ତ କହିଛନ୍ତି, ଏହି ଦୁଇ ଯୁବକ ଅଭଦ୍ରାମୀ କରୁଥିବାରୁ ତାଙ୍କୁ ଦଣ୍ଡ ଦେଇଥିଲେ । ପୁଲିସ ଅଧିକାରୀ କାନ୍ତେଶ କୁମାର ମିଶ୍ର କହିଛନ୍ତି ମାମଲାର ଯାଞ୍ଚ ଜାରି ରହିଛି ଏବଂ ଅଭିଯୁକ୍ତଙ୍କୁ ଗିରଫ କରାଯିବ । ଦେଖନ୍ତୁ ଭିଡିଓ..
बिहार के औरंगाबाद जिले के सिंघना गांव में मुखिया के चुनाव में वोट नहीं देने के कारण बलवंत सिंह ने दलित वोटरों से थूक चटवाया और कान पकड़ कर उठक-बैठक लगवाई! देश आज़ाद होने के 75 साल बाद भी सवर्ण अब भी दलितों को अपना गुलाम समझते है। और थूक चटवाकर दलितों को उनकी औकात दिखा रहे है! pic.twitter.com/ixU2WLDp3m
— Susheel shinde (@Shinde_Voice) December 13, 2021
