HDFC ବ୍ୟାଙ୍କର ଗ୍ରାହକମାନଙ୍କ ପାଇଁ ବଡ଼ ଖବର: ମେ ୨୫ ରେ ଏତିକି ସମୟ ପାଇଁ କରିପାରିବେନି ନେଟ ଏବଂ ମୋବାଇଲ୍ ବ୍ୟାଙ୍କିଙ୍ଗ୍, ୟୁପିଆଇ ସର୍ଭିସ୍ ମଧ୍ୟ ଠପ୍
ନୂଆଦିଲ୍ଲୀ : ପ୍ରାଇଭେଟ୍ ସେକ୍ଟରର ସବୁଠାରୁ ବଡ଼ ଋଣ ପ୍ରଦାନକାରୀ ଏଚଡିଏଫସି ବ୍ୟାଙ୍କର ଗ୍ରାହକମାନେ ଶନିବାର (ମେ ୨୫) ରେ କିଛି ସମସ୍ୟାର ସମ୍ମୁଖୀନ ହୋଇପାରନ୍ତି । ବାସ୍ତବରେ ବ୍ୟାଙ୍କ ଏହାର ଗ୍ରାହକମାନଙ୍କୁ କହିଛି ଯେ, ଏହାର ନେଟ୍ ବ୍ୟାଙ୍କିଙ୍ଗ୍ ଏବଂ ମୋବାଇଲ୍ ବ୍ୟାଙ୍କିଙ୍ଗ୍ ମେ ୨୫ ରେ କିଛି ସମୟ କାମ କରିବ ନାହିଁ ।
ଏଚଡିଏଫସି ବ୍ୟାଙ୍କ ଗ୍ରାହକଙ୍କୁ ଏସଏମଏସ ପଠାଇ ଏହି ସୂଚନା ଦେଇଛି ।
ଏହି ଅନୁଯାୟୀ, ‘ଅନୁସୂଚିତ ରକ୍ଷଣାବେକ୍ଷଣ: ଏଚଡିଏଫସି ବ୍ୟାଙ୍କର ନେଟବ୍ୟାଙ୍କିଂ ଏବଂ ମୋବାଇଲ୍ ବ୍ୟାଙ୍କିଙ୍ଗ୍ ଆପ୍ ଉପରେ କିଛି କାରବାର ମେ ୨୫ ତାରିଖ ସକାଳ ୩:୩୦ ରୁ ୬:୩୦ ପର୍ଯ୍ୟନ୍ତ ଉପଲବ୍ଧ ହେବ ନାହିଁ ।’
ଏଥି ସହିତ ବ୍ୟାଙ୍କର ୱେବସାଇଟରେ କୁହାଯାଇଛି ଯେ, ‘ଆକାଉଣ୍ଟ, ଜମା, ଫଣ୍ଡ ଟ୍ରାନ୍ସଫର (ଏନଇଏଫଟି, ଆଇଏମପିଏସ, ଆରଟିଜିଏସ ଏବଂ ବ୍ୟାଙ୍କ ଟ୍ରାନ୍ସଫର ମଧ୍ୟରେ), ଅନଲାଇନ୍ ପେମେଣ୍ଟ ଏବଂ ଅନ୍ୟାନ୍ୟ କାରବାର ମଇ ୨୫ ସକାଳ ୩:୩୦ ରୁ ୬:୩୦ ପର୍ଯ୍ୟନ୍ତ ଉପଲବ୍ଧ ହେବ ନାହିଁ । ଏହି ଅବଧି ମଧ୍ୟରେ, ଗ୍ରାହକମାନେ ୟୁପିଆଇ ମାଧ୍ୟମରେ ମଧ୍ୟ ଦେୟ ଦେବାକୁ ସମର୍ଥ ହେବେ ନାହିଁ ।’
ଏହାପୂର୍ବରୁ ମେ ୨୨ ରେ ମଇ ୨୫ବ୍ୟାଙ୍କ ଗ୍ରାହକଙ୍କୁ କହିଥିଲା ଯେ ଧାର୍ଯ୍ୟ ରକ୍ଷଣାବେକ୍ଷଣ ଯୋଗୁଁ କାର୍ଡ ସେବା ପ୍ରଭାବିତ ହେବ । ଏଥିରେ ଏଟିଏମରୁ ନଗଦ କାରବାର, ପ୍ରି-ପେଡ୍ କାର୍ଡ ଏବଂ କ୍ରେଡିଟ୍ କାର୍ଡ ସେବା ଅନ୍ତର୍ଭୁକ୍ତ ଥିଲା । ଆହୁରି ମଧ୍ୟ, ଷ୍ଟୋର ସପିଂ, ଅନ୍ଲାଇନ୍ କାରବାର, ପ୍ରିପେଡ୍ କାର୍ଡ ପୁନଃ ଲୋଡିଂ ମଧ୍ୟ ଉପଲବ୍ଧ ନଥିଲା ।