Breaking: ମତ ବଦଳାଇଲା ବିଜେଡି, ଓ୍ୱକଫ ବିଲକୁ ନେଇ ଦ୍ୱନ୍ଦ୍ୱରେ ବିଜୁ ଜନତା ଦଳ

ନୂଆଦିଲ୍ଲୀ: ଓ୍ୱକଫ ସଂଶୋଧନ ବିଲ୍, ବିରୋଧ କରିବନି ବିଜେଡି। ନିଜ ଆଭିମୁଖ୍ୟ ବଦଳାଇଲା ଭାରତୀୟ ଜନତା ପାର୍ଟି। ସାଂସଦ ସସ୍ମିତ ପାତ୍ରଙ୍କ ଏକ୍ସ ପୋଷ୍ଟ ପରେ ବଢ଼ିଲା ଦ୍ୱନ୍ଦ୍ୱ। ଗତକାଲି ଓ୍ୱକଫ ସଂଶୋଧନ ବିଲକୁ ବିରୋଧ କରୁଥିଲା ବିଜେଡି।

ହେଲେ ଆଜି ନିଜ ଆଭିମୁଖ୍ୟ ବଦଳାଇଲା ବିଜୁ ଜନତା ଦଳ। ରାଜ୍ୟସଭାରେ ଭୋଟିଂ ବିରୋଧ ନିଷ୍ପତ୍ତିରୁ ବିଜେଡି ଓହରିଥିବା ସୂଚନା। ବିରୋଧ ନ କରି ବିବେକ ଅନୁସାରେ ଭୋଟ୍ ଦେବାକୁ ବିଜେଡି ନିଷ୍ପତ୍ତି ନେଇଥିବା ନିଜ ସୋସିଆଲ ହ୍ୟାଣ୍ଡଲ ଏକ୍ସରେ ସୂଚନା ଦେଲେ ରାଜ୍ୟସଭା ସାଂସଦ ସସ୍ମିତ ପାତ୍ର।

ବିଜେଡି ପକ୍ଷରୁ ଏନେଇ କୌଣସି ହ୍ୱିପ୍ ଜାରି ହୋଇନି କହିଲେ ସସ୍ମିତ। ବିଜେଡି ସବୁବେଳେ ଧର୍ମନିରପେକ୍ଷତା ନୀତିକୁ ବଜାୟ ରଖିଛି। ସଂଖ୍ୟାଲଘୁ ସମ୍ପ୍ରଦାୟର ଭାବନାକୁ ଗଭୀର ସମ୍ମାନ କରୁ।

ତେଣୁ ଓ୍ୱକଫ ସଂଶୋଧନ ବିଲକୁ ବିରୋଧ ନ କରି ବିବେକ ଅନୁସାରେ ଭୋଟ୍ ଦେବାକୁ ନିଷ୍ପତ୍ତି ନେଇଛି ବିଜେଡି। ହେଲେ ସସ୍ମିତଙ୍କ ଏହି ଟ୍ୱିଟ ପରେ ବଢିଛି ଦ୍ୱନ୍ଦ୍ୱ। ଯାହା ଜଣା ପଡୁଛି ଓ୍ୱକଫ ବିଲକୁ ନେଇ ଦ୍ୱନ୍ଦ୍ୱରେ ରହିଛି ବିଜେଡି।