ବିଜେପି ବିଧାୟକ ଆଶୁତୋଷ ଟଣ୍ଡନଙ୍କ ପରଲୋକ
ନୂଆଦିଲ୍ଲୀ: ଚଳିତ ମାସରେ ଦେଶର ୫ଟି ରାଜ୍ୟର ବିଧାନସଭା ନିର୍ବାଚନ ପାଇଁ ମତଦାନ ଗ୍ରହଣ କରାଯିବ । ତାହାକୁ ନେଇ ଦେଶର ନିର୍ବାଚନୀ ସ୍ଥିତି ସରଗରମ୍ ରହିଛି । ବିଶେଷ କରି ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡ଼ରେ କଂଗ୍ରେସ-ବିଜେପି ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ । ଏହା ମଧ୍ୟରେ ଗତ ୭ ତାରିଖରେ ମିଜୋରାମର ୪୦ଟି ଆସନ ଓ ଛତିଶଗଡ଼ର ୨୦ଟି ଆସନ ପାଇଁ ମତଦାନ ସମାପ୍ତ ହୋଇଛି ।
ତେବେ ଏହି ତିନୋଟି ରାଜ୍ୟରେ ବିଜୟ ହାସଲ କରିବା କେନ୍ଦ୍ରରେ କ୍ଷମତାସୀନ ବିଜେପି ସରକାର ପାଇଁ ବଡ଼ ସମ୍ମାନର ପ୍ରଶ୍ନ । କାରଣ ଗତ ୨୦୧୮ ବିଧାନସଭା ନିର୍ବାଚନରେ ଏହି ସମସ୍ତ ରାଜ୍ୟଗୁଡ଼ିକରେ କଂଗ୍ରେସ ସରକାର ଗଠନ କରିଥିଲା । ଗୋଟିଏ ପଟେ ବିଜେପି ନିର୍ବାଚନୀ ରଣନୀତି ନେଇ ବ୍ୟସ୍ତ ରହିଥିବା ବେଳେ ଏହା ମଧ୍ୟରେ ଆସିଛି ଏକ ବଡ଼ ଖବର । ଦଳର ଜଣେ ବରିଷ୍ଠ ନେତାଙ୍କର ପରଲୋକ ଘଟିଛି ।
ପୂର୍ବ-ଲକ୍ଷ୍ନୌର ବିଜେପି ବିଧାୟକ ତଥା ପୂର୍ବତନ ମନ୍ତ୍ରୀ ଆଶୁତୋଷ ଟଣ୍ଡନଙ୍କର ପରଲୋକ ଘଟିଛି । ଦୀର୍ଘ ଦିନ ଧରି ସେ ବିମାରଗ୍ରସ୍ତ ରହିଥିଲେ । ଶେଷରେ ଉତ୍ତରପ୍ରଦେଶର ମେଦାନ୍ତ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ସେ ଶେଷ ନିଃଶ୍ୱାସ ତ୍ୟାଗ କରିଥିବା ଜଣାପଡ଼ିଛି । ଯୋଗୀ ସରକାରଙ୍କ ପୂର୍ବ କାର୍ଯ୍ୟକାଳ ସମୟରେ ଆଶୁତୋଷ ସହର ବିକାଶ ମନ୍ତ୍ରୀ ରହିଥିଲେ । ଆଶୁତୋଷ ହେଉଛନ୍ତି ପୂର୍ବତନ ରାଜ୍ୟପାଳ ଓ ବରିଷ୍ଠ ବିଜେପି ନେତା ଲାଲଜୀ ଟଣ୍ଡନଙ୍କ ପୁତ୍ର । ଆଶୁତୋଷଙ୍କ ମୃତ୍ୟୁ ଖବର ଶୁଣିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସମେତ ବହୁ ରାଜନେତା ଶୋକବ୍ୟକ୍ତ କରିଛନ୍ତି ।
उत्तर प्रदेश के पूर्व मंत्री एवं लखनऊ पूर्व के विधायक, श्री आशुतोष टंडन उर्फ़ ‘गोपालजी’ के निधन से मुझे गहरा दुःख हुआ। उनका राजनीतिक जीवन लखनऊ वासियों की सेवा में समर्पित था।पार्टी को मज़बूती देने में भी उनकी महत्वपूर्ण भूमिका रही है।
लखनऊ और प्रदेश के विकास के लिए, उनके द्वारा…
— Rajnath Singh (@rajnathsingh) November 9, 2023
