(Video) ଟମାଟୋ ବଞ୍ଚାଇବାକୁ ରହିଛନ୍ତି Bodyguard: ମୂଲ୍ୟବାନ ବିଲାତି ପାଇଁ ଦୋକାନୀଙ୍କ ନିଆରା ପ୍ରୟାସ
ନୂଆଦିଲ୍ଲୀ: ଦିନକୁ ଦିନ ଟମାଟୋ ଦର ବୃଦ୍ଧି ପାଇବାରେ ଲାଗିଛି । ୧୫-୨୦ ଟଙ୍କାରେ ବିକ୍ରି ହେଉଥିବା ଟମାଟୋ ବର୍ତ୍ତମାନ ଅଧିକାଂଶ ସ୍ଥାନରେ ୧୩୦-୧୬୦ ଟଙ୍କାରେ ବିକ୍ରି ହେଉଥିବା ବେଳେ କିଛି ସ୍ଥାନରେ ଏହା ୨୦୦ ବି ଛୁଇଁଛି । ପନିପରିବାର ଏହି ମୂଲ୍ୟବୃଦ୍ଧି ଯୋଗୁଁ ସାଧାରଣ ଲୋକଙ୍କଠାରୁ ଆରମ୍ଭ ହୋଇ ବିକ୍ରେତା, ସମସ୍ତେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ତେଣୁ ଟମାଟୋ ମୂଲ୍ୟକୁ ନଜରରେ ରଖି ଜଣେ ଦୋକାନୀ ତାଙ୍କ ଦୋକାନରେ ଦୁଇ ଜଣ ବାଉନ୍ସର ରଖି ଦେଇଛନ୍ତି । କେବଳ ଟମାଟୋକୁ ରକ୍ଷା କରିବା ପାଇଁ ହିଁ ସ୍ୱତନ୍ତ୍ର ଭାବରେ ଏହି ଦୁଇ ବଡିଗାର୍ଡଙ୍କୁ ନିଯୁକ୍ତି କରିଛନ୍ତି ଦୋକାନୀ ।
ଟମାଟୋ ମୂଲ୍ୟ ଏତେ ବୃଦ୍ଧି ପାଇଛି ଯେ, ଏହାର ସୁରକ୍ଷା ପାଇଁ ବାଉନ୍ସର ମଧ୍ୟ ରଖିବା ପାଇଁ ବାଧ୍ୟ ହୋଇ ଯାଇଛନ୍ତି ବାରଣାସୀ ଏହି ପରିବା ଦୋକାନୀ । ମାର୍କେଟ ଭିତରେ ଏକ ଦୋକାନ ଭିତରେ ସେମାନଙ୍କୁ ଦେଖି ପରିବା କିଣିବାକୁ ଆସୁଥିବା ଗ୍ରାହକ ମଧ୍ୟ ଭୟରେ ପଡି ଯାଇଛନ୍ତି । ତେବେ ଦୋକାନୀଙ୍କୁ ଏ ନେଇ ପଚରା ଯିବାରୁ ସେ କହିଛନ୍ତି ଯେ, ଏବେ ଟମାଟୋ ଦର ଆକାଶଛୁଆଁ ହୋଇଗଲାଣି । ତେଣୁ ଟମାଟୋ କିଣିବା ପାଇଁ ଲୋକ ଯୁକ୍ତିତର୍କ କରୁଥିବା ବେଳେ ଏପରି ବିବାଦରୁ ବଞ୍ଚିବା ପାଇଁ ଦୁଇ ଜଣ ବାଉନ୍ସର ବା ବଡିଗାର୍ଡଙ୍କୁ ରଖାଯାଇଥିବା ସେ ପ୍ରକାଶ କରିଛନ୍ତି । ତେବେ ସମସ୍ତ ଟମାଟୋ ବିକ୍ରି ହେବା ପରେ ସେ ଉଭୟ ବାଉନ୍ସରଙ୍କୁ ଛାଡିଦେବେ ବୋଲି ସେ କହିଛନ୍ତି ।
VIDEO | A vegetable vendor in Varanasi, UP has hired bouncers to keep customers at bay when they come to buy tomatoes, whose price has increased massively over the past few days. "I have hired bouncers because the tomato price is too high. People are indulging in violence and… pic.twitter.com/qLpO86i9Ux
— Press Trust of India (@PTI_News) July 9, 2023
ସୂଚନା ଥାଉ କି, ଟମାଟୋ ତଥା ଅନ୍ୟାନ୍ୟ ପରିବା ଦରବୃଦ୍ଧିକୁ ନେଇ ସପା କାର୍ଯ୍ୟକର୍ତ୍ତା ଏପରି ଏକ ନିଆରା ବିରୋଧ ପ୍ରଦର୍ଶନ ଜାରି ରଖିଛନ୍ତି । ଦରବୃଦ୍ଧିକୁ ପ୍ରତିବାଦ କରିବା ପାଇଁ ନିଜ ଦୋକାନ ସାମନାରେ ବାଉନ୍ସରଙ୍କୁ ନିଯୁକ୍ତି କରିଛନ୍ତି । ଏହାବ୍ୟତୀତ ସେ ପୋଷ୍ଟରରେ ପ୍ରଥମେ ଟଙ୍କା, ପରେ ଟମାଟୋ ବୋଲି ଲେଖି ସେ ଲଗାଇ ଦେଇଛନ୍ତି । ପରିବାକୁ ଛୁଇଁବା ସହିତ ଏହାର ମୂଲଚାଲ୍ କଲେ ବାଉନ୍ସର ତାଙ୍କୁ ଅଟକାଇ ପାରିବେ । ଦାମରେ ବୃଦ୍ଧି ଯୋଗୁଁ ଚୋର ଏବେ ସୁନାଗହଣା ଛାଡି ଟମାଟୋ ଲୁଟିବା ଆରମ୍ଭ କରି ସାରିଲେଣି ।
