ରାଜଧାନୀର ଏକାଧିକ ସ୍କୁଲକୁ ବୋମା ଧମକ: ଇ-ମେଲ ପଠାଇଥିବା ଛାତ୍ର ଅଟକ

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଅପରାଧ ମାମଲା ବୃଦ୍ଧି ପାଉଛି । ଯେଉଁଥିରେ ଏବେ ସାମିଲ ହେଉଛନ୍ତି ନାବାଳକ ଏବଂ ପାଠ ପଢୁଆ ଛାତ୍ର । ଏଭଳି ଏକ ସଙ୍ଗୀନ ମାମଲା ଏବେ ସାମନାକୁ ଆସିଛି ।

ସ୍କୁଲରେ ବୋମା ଧମକ: ଦିଲ୍ଲୀର ଏକାଧିକ ସ୍କୁଲକୁ ବୋମାରେ ଉଡ଼ାଇ ଦେବା ପାଇଁ ମିଳିଛି ଧମକ । ଇ-ମେଲ୍ ଜରିଆରେ ଜଣେ ଦ୍ୱାଦଶ ଶ୍ରେଣୀର ଛାତ୍ର ଏଭଳି ଧମକ ଦେଇଛନ୍ତି ବୋଲି ସୂଚନା ମିଳିଛି ।

ଅଟକ ରଖିଛି ପୋଲିସ: ସ୍କୁଲକୁ ବୋମାରେ ଉଡ଼ାଇ ଦେବାକୁ ଧମକ ଦେଇ ଫସିଛନ୍ତି ଜଣେ ଦ୍ୱାଦଶ ଶ୍ରେଣୀର ଛାତ୍ର । ଦିଲ୍ଲୀ ପୋଲିସ ନାବାଳକଙ୍କୁ ଚିହ୍ନଟ କରିବା ସହ ଅଟକ ରଖିଥିବା ଜଣାଯାଇଛି । ଛାତ୍ର ଜଣକ ଇ-ମେଲ ଜରିଆରେ ବିଭିନ୍ନ ସ୍କୁଲକୁ ବୋମାରେ ଉଡ଼ାଇ ଦେବା ପାଇଁ ଧମକ ଦେଇଥିବା ସୂଚନା ମିଳିଛି ।