ଏପ୍ରିଲ୍ ପହିଲାରୁ ଏକାଠି କାମ କରିବେ ବିଏସ୍ଏନ୍ଏଲ୍ ଏବଂ ବିବିଏନ୍ଏଲ୍, ୨.୫ ଲକ୍ଷ ଗ୍ରାମୀଣ ପଞ୍ଚାୟତରେ ଉପଲବ୍ଧ ହେବ ଫାଇବର ଅପ୍ଟିକ୍ ସେବା
ନୂଆଦିଲ୍ଲୀ: ଭାରତ ସରକାର ବ୍ରଡବ୍ରାଣ୍ଡ କର୍ପୋରେସନ୍ ଲିଃ (ବିବିଏନ୍ଏଲ୍) କ୍ଷତିଗ୍ରସ୍ତ ରାଷ୍ଟ୍ରାୟତ ଟେଲକମ୍ କମ୍ପାନୀ ଭାରତ ସରକାର ସଞ୍ଚାର ନିଗମ ଲିମିଟେଡ (ବିଏସଏନ୍ଏଲ୍) ସହିତ ମିଶ୍ରଣ ପାଇଁ ପ୍ରସ୍ତୁତ ହେଉଛି । ବିଏସଏନ୍ଏଲ୍ ଚେୟାରମେନ୍ ତଥା ପରିଚାଳନା ନିର୍ଦ୍ଦେଶକ ପି.କେ ପୁରୱାର ଏନେଇ ସୂଚନା ଦେଇଛନ୍ତି ।
ଉଭୟ କମ୍ପାନୀ ଏପ୍ରିଲ ୧ରୁ ଏକାଠି କାମ କରିବେ ବୋଲି ନିଷ୍ପତ୍ତି ନେଇଛନ୍ତି । ଜୁନ୍ ୨୦୨୨ ସୁଦ୍ଧା ବିଏସଏନ୍ଏଲ୍ ଏବଂ ବିବିଏନ୍ଏଲ୍ର ମିଶ୍ରଣ କାର୍ଯ୍ୟ ଶେଷ କରିବାକୁ ଭାରତ ସରକାର ଯୋଜନା କରିଛନ୍ତି । ଏହି ମିଶ୍ରଣ ପରେ ଦେଶରେ ୫.୬୭ ଲକ୍ଷ କିଲୋମିଟର ଅପ୍ଟିକାଲ ଫାଇବରର ନିୟନ୍ତ୍ରଣ ବିଏସ୍ଏନ୍ଏଲ୍ ହାତରେ ରହିବ । ସେହିପରି ୨.୫ ଲକ୍ଷ ଗ୍ରାମୀଣ ପଞ୍ଚାୟତରେ ଫାଇବର ରଖିବାର ଦାୟିତ୍ୱ ବିବିଏନ୍ଏଲ୍କୁ ଦିଆଯାଇଛି । ଗ୍ରାହକଙ୍କୁ ଫାଇବର ଟୁ ହୋମ୍ ସେବା ଦେବା ପାଇଁ ଏହି ଦୁଇ ପ୍ରମୁଖ କମ୍ପାନୀର ମିଶ୍ରଣ ଘଟିବାକୁ ଯାଉଛି ।
