BSNLର ଦମଦାର ଅଫର, ଏତିକି ଟଙ୍କାରେ ମିଳିବ 600GB ଡାଟା!
ନୂଆଦିଲ୍ଲୀ: ବର୍ତ୍ତମାନ ଭାରତରେ ଜାରି ରହିଛି ଉତ୍ସବର ମାହୋଲ । ଏହାରି ଭିତରେ ଅନେକ ଟେଲିକମ୍ କମ୍ପାନୀ ଗ୍ରାହକମାନଙ୍କୁ ନୂଆନୂଆ ଅଫର ପ୍ରଦାନ କରୁଛନ୍ତି । ଦିୱାଲୀ ଅବସରରେ ଭାରତର ସରକାରୀ ଟେଲିକମ୍ କମ୍ପାନୀ ବିଏସ୍ଏନ୍ଏଲ୍ ଏହାର ଉପଭୋକ୍ତାମାନଙ୍କୁ ଏକ ବିଶେଷ ଉପହାର ଦେଇଛି । ଗୋଟିଏ ପଟେ ଭାରତର ଅନେକ ବେସରକାରୀ ଟେଲିକମ୍ କମ୍ପାନୀ ଯଥା ଜିଓ, ଏୟାରଟେଲ କ୍ରମାଗତ ଭାବରେ ସେମାନଙ୍କ ରିଚାର୍ଜ ଯୋଜନାର ମୂଲ୍ୟ ବୃଦ୍ଧି କରୁଛନ୍ତି, ଅନ୍ୟପଟେ BSNL ଏହାର ଅନେକ ରିଚାର୍ଜ ଯୋଜନାର ମୂଲ୍ୟ ହ୍ରାସ କରିବାରେ ଲାଗିଛି ।
ବିଏସ୍ଏନ୍ଏଲ୍ ଗତ କିଛି ମାସ ମଧ୍ୟରେ ଏହାର ଅନେକ ପ୍ରିପେଡ୍ ପ୍ଲାନର ମୂଲ୍ୟ ହ୍ରାସ କରିଛି ଏବଂ ବର୍ତ୍ତମାନ କମ୍ପାନୀ ଏହାର ଅନ୍ୟ ଏକ ଯୋଜନାର ମୂଲ୍ୟ 100 ଟଙ୍କା ହ୍ରାସ କରିଥିବା ନେଇ ଏକ ରିପୋର୍ଟରୁ ଜଣାପଡିଛି । BSNL ଏହାର 1999 ଯୋଜନାର ମୂଲ୍ୟ 100 ଟଙ୍କା ହ୍ରାସ କରିଛି । ବର୍ତ୍ତମାନ BSNL ବ୍ୟବହାରକାରୀଙ୍କୁ ଏହି ପ୍ଲାନ ପାଇଁ କେବଳ 1899 ଟଙ୍କା ଖର୍ଚ୍ଚ କରିବାକୁ ପଡିବ ଷ କମ୍ପାନୀ ଏହି ନୂତନ ମୂଲ୍ୟକୁ ଏହାର ଅଫିସିଆଲ୍ ୱେବସାଇଟରେ ତାଲିକାଭୁକ୍ତ କରିଛି।
ତେବେ, BSNL ର ଏହି ବିଶେଷ ଅଫର କେବଳ କିଛି ଦିନ ପାଇଁ ଉପଲବ୍ଧ ହେବା ନେଇ କୁହାଯାଇଛି । କାରଣ ଏହା କମ୍ପାନୀର ଦୀପାବଳି ଅଫର ହୋଇଥିବା କାରଣରୁ ଏହା ଅଧିକ ଦିନ ପର୍ଯ୍ୟନ୍ତ କାର୍ଯ୍ୟକାରୀ ହୋଇପାରିବ ନାହିଁ । କମ୍ପାନୀ ଏହି ଅଫର 28 ଅକ୍ଟୋବରରୁ ଆରମ୍ଭ କରିଛି ଏବଂ ଏହା 7 ନଭେମ୍ବର ପର୍ଯ୍ୟନ୍ତ ଚାଲିବ । ଏହାର ଅର୍ଥ ହେଉଛି ଯେ ନଭେମ୍ବର 7 ପର୍ଯ୍ୟନ୍ତ, ଉପଭୋକ୍ତାମାନେ 1999 ର ପ୍ରିପେଡ୍ ଯୋଜନା 1899 ଟଙ୍କା କିଣି ପାରିବେ ।
ଏହା BSNL ର ବାର୍ଷିକ ପ୍ଲାନର ବୈଝଧତା 365 ଦିନ ରହିବ । ସେହି ଅନୁଯାୟୀ, ଏହି ଯୋଜନା ପାଇଁ ଉପଭୋକ୍ତାମାନଙ୍କୁ ମାସକୁ ମାତ୍ର 158.25 ଟଙ୍କା ଖର୍ଚ୍ଚ କରିବାକୁ ପଡିବ । ଉପଭୋକ୍ତାମାନେ ମୋଟ 600 GB ଡାଟା ପାଇପାରିବେ । ଏହା ବ୍ୟତୀତ, ଏହି ଯୋଜନା ସହିତ ଉପଭୋକ୍ତାମାନେ ଅସୀମିତ ଭଏସ୍ କଲିଂ, ପ୍ରତିଦିନ 100 SMS ସୁବିଧା ମଧ୍ୟ ପାଇବେ ।
