BSNL ଆଣିଲା ଦମଦାର ପ୍ଲାନ, 6 ମାସିଆ ପ୍ଲାନର ଭାଲିଡିଟିର ଦାମ୍ ମାତ୍ର…
ଦେଶର ଏକମାତ୍ର ସରକାରୀ କମ୍ପାନୀ BSNL ଶସ୍ତା ରିଚାର୍ଜ ଯୋଜନା ପାଇଁ ପ୍ରସିଦ୍ଧ । କମ୍ପାନୀ ଏହାର 900 ଟଙ୍କାରୁ କମ୍ ପ୍ଲାନରେ 6 ମାସର ବୈଧତା, ଡାଟା ଏବଂ କଲିଂ ଭଳି ମହାନ ସୁବିଧା ପ୍ରଦାନ କରୁଛି ।
ନୂଆଦିଲ୍ଲୀ: ମହଙ୍ଗା ରିଚାର୍ଜ ଯୋଗୁଁ ମୋବାଇଲ୍ ବ୍ୟବହାରକାରୀଙ୍କ ପକେଟ ଉପରେ ବୋଝ ବଢ଼ିବାରେ ଲାଗିଛି । ଟ୍ରାଇର ନିର୍ଦ୍ଦେଶ ପରେ, ଘରୋଇ ଟେଲିକମ୍ କମ୍ପାନୀଗୁଡ଼ିକ ଭଏସ୍ ଏବଂ ଏସଏମଏସ୍ ପ୍ଲାନର ଦାମ୍ ବଢାଇ ଦେଇଛନ୍ତି । ଏହାରି ଭିତରେ BSNL ଏକ ଶସ୍ତା ପ୍ଲାନ ରୋଲଆଉଟ କରିଛି । 900 ଟଙ୍କାରୁ କମ୍ ଦାମରେ 6 ମାସର ଭାଲିଡିଟି ଦେଉଛି କମ୍ପାନୀ ।
BSNLର 897 ଟଙ୍କିଆ ପ୍ଲାନ- ଯଦି ଆପଣ ଦୀର୍ଘ ବୈଧତା, କଲିଂ, ଡାଟା ଏବଂ SMS ସୁବିଧା ପ୍ରଦାନ କରୁଥିବା ପ୍ଲାନ ଖୋଜୁଛନ୍ତି ତେବେ BSNLର 897 ଟଙ୍କାର ରିଚାର୍ଜ ଆପଣଙ୍କ ପାଇଁ ଉପଯୋଗୀ ହୋଇପାରେ । 897 ଟଙ୍କାରେ BSNL 180 ଦିନର ଭାଲିଡିଟି ପ୍ରଦାନ କରୁଛି ।
ଏହା ସହିତ, ଉପଭୋକ୍ତାମାନେ ସମଗ୍ର ବୈଧତା ସମୟରେ ସାରା ଦେଶରେ ମାଗଣା କଲିଙ୍ଗର ସୁବିଧା ପାଇପାରିବେ । ସେହିପରି ପ୍ରତିଦିନ 100 ଟି SMS ମଧ୍ୟ ପାଇବେ । ଅନ୍ୟପଟେ ସରକାରୀ କମ୍ପାନୀ 90GB ଡାଟା ମଧ୍ୟ ପ୍ରଦାନ କରୁଛି, ଯାହାକୁ 180 ଦିନ ପାଇଁ ବ୍ୟବହାର କରାଯାଇପାରିବ ।
ଶସ୍ତା ପ୍ଲାନରେ ଲମ୍ବା ଭାଲିଡିଟି ଦେଉଛି BSNL- BSNL ଏହାର ଅନ୍ୟ ଏକ ଶସ୍ତା ପ୍ଲାନରେ ମଧ୍ୟ ଦୀର୍ଘ ବୈଧତା ପ୍ରଦାନ କରୁଛି, କିନ୍ତୁ ଏହା ସହିତ ଅନ୍ୟାନ୍ୟ ସୁବିଧା ସୀମିତ । BSNLର 797 ଟଙ୍କାର ରିଚାର୍ଜ ପ୍ଲାନର ବୈଧତା 300 ଦିନ ଅଟେ ।
ଏଥିରେ, ଉପଭୋକ୍ତାମାନଙ୍କୁ ପୂର୍ଣ୍ଣ 10 ମାସର ବୈଧତା ମିଳିଥାଏ । ତଥାପି, ଅସୀମିତ କଲିଂର ସୁବିଧା କେବଳ 60 ଦିନ ପାଇଁ ଉପଲବ୍ଧ ହେବ । ସେହିପରି, ଡାଟା ଏବଂ SMS ର ସୁବିଧା ମଧ୍ୟ ପ୍ରଥମ 60 ଦିନ ପାଇଁ ରହିବ ।
ଏହି ରିଚାର୍ଜ କରିବା ଦ୍ୱାରା, ଆପଣ ପ୍ରଥମ 60 ଦିନ ପାଇଁ ପ୍ରତିଦିନ 100 ଟି SMS ପଠାଇ ପାରିବେ ଏବଂ ପ୍ରତିଦିନ 2GB ଡାଟା ପାଇପାରିବେ । ଦୈନିକ ସୀମା ପୂରଣ ହେବା ପରେ, ସ୍ପିଡ 40Kbps କୁ ହ୍ରାସ ପାଇବ ।