BREAKING…ସନ୍ଦେଶଖାଲି ଆକ୍ରମଣ ମାମଲାରେ ଶାହଜାହାନ ଶେଖଙ୍କୁ ଗିରଫ କଲା ସିବିଆଇ

କୋଲକାତା: ସନ୍ଦେଶଖାଲି ଆକ୍ରମଣ ମାମଲାରେ ଶାହଜାହାନ ଶେଖଙ୍କୁ ଗିରଫ କଲା ସିବିଆଇ। ସନ୍ଦେଶଖାଲିରେ ଇଡି ଟିମ୍ ଉପରେ ହୋଇଥିବା ଆକ୍ରମଣ ମାମଲାରେ ସିବିଆଇ ବୁଧବାର ସନ୍ଧ୍ୟାରେ ଶାହାଜାହାଁ ଶେଖଙ୍କୁ ଗିରଫ କରିଥିଲା। ସିବିଆଇକୁ ହସ୍ତାନ୍ତର କରିବା ପୂର୍ବରୁ ଶାହାଜାହାନ ଶେଖଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା। ପଶ୍ଚିମବଙ୍ଗ ପୁଲିସ ଅପରାହ୍ନ ୪ଟା ୧୫ ସୁଦ୍ଧା ଶାହାଜାହାନ ଶେଖଙ୍କୁ ସିବିଆଇକୁ ହସ୍ତାନ୍ତର କରିବାକୁ କୋଲକାତା ହାଇକୋର୍ଟ ବୁଧବାର ନିର୍ଦ୍ଦେଶ ଦେଇଥିଲେ।

ମଙ୍ଗଳବାର କୋର୍ଟ ଏହି ମାମଲାର ତଦନ୍ତ ଭାର ସିବିଆଇକୁ ହସ୍ତାନ୍ତର କରିବା ସହ ଶାହାଜାହାନ ଶେଖଙ୍କୁ ସିବିଆଇକୁ ହସ୍ତାନ୍ତର କରିବାକୁ କହିଛନ୍ତି। ବୁଧବାର ଦିନ ସିବିଆଇ ବେଙ୍ଗଲ ପୋଲିସ ମୁଖ୍ୟାଳୟରେ ପହଞ୍ଚିଥିଲା, ଯେଉଁଠାରେ ପ୍ରକ୍ରିୟା ଶେଷ ହେବା ପରେ ଶାହାଜାହାନ ଶେଖଙ୍କୁ ସିବିଆଇକୁ ହସ୍ତାନ୍ତର କରାଯାଇଥିଲା। ଚଳିତ ବର୍ଷ ଜାନୁଆରି ୫ ତାରିଖରେ ସନ୍ଦେଶଖାଲିରେ ଇଡି ଟିମ୍ ଉପରେ ଆକ୍ରମଣ ହୋଇଥିଲା। ଏହି ମାମଲାର ମୁଖ୍ୟ ଅଭିଯୁକ୍ତ ହେଉଛନ୍ତି ଶାହଜାହାନ ଶେଖ୍ ।