ଦୀପାବଳି ପୂର୍ବରୁ କେନ୍ଦ୍ର ସରକାରଙ୍କ ବଡ ନିଷ୍ପତ୍ତି, ଡାଲି ସମେତ ଏହି ଜିନିଷଗୁଡ଼ିକର କମିଲା ମୂଲ୍ୟ
ନୂଆଦିଲ୍ଲୀ: ଖାଦ୍ୟ ସାମଗ୍ରୀର ମୂଲ୍ୟବୃଦ୍ଧିକୁ ସ୍ଥିର ରଖିବା ଲାଗି ଭାରତ ସରକାର ନିରନ୍ତର ଅନୁଧ୍ୟାନ ସହିତ ବିଭିନ୍ନ ନୀତିଗତ ପଦକ୍ଷେପ ଗ୍ରହଣ କରୁଛନ୍ତି। କେନ୍ଦ୍ର ସରକାର ଲଗାତାର ଭାବେ ଆମଦାନୀକାରୀ, ଗବେଷଣା ଏଜେନ୍ସି, ବ୍ୟବସାୟିକ ସଂଗଠନ ଆଦି ସହ ଆଲୋଚନା ଜରିଆରେ ଅତ୍ୟାବଶ୍ୟକ ଖାଦ୍ୟ ସାମଗ୍ରୀର ଉତ୍ପାଦନ, ଆମଦାନୀ, ରପ୍ତାନି ଏବଂ ଉପଲବ୍ଧତା ଉପରେ ଦୃଷ୍ଟି ରଖି ଆସିଛନ୍ତି। ଗୁରୁବାର ଦିନ ନୂଆଦିଲ୍ଲୀ ଠାରେ ଗଣମାଧ୍ୟମକୁ ସମ୍ବୋଧିତ କରି କେନ୍ଦ୍ର ଉପଭୋକ୍ତା ବ୍ୟାପାର ବିଭାଗ ସଚିବ ଶ୍ରୀ ରୋହିତ କୁମାର ସିଂ ଏହା କହିଛନ୍ତି।
ଏହା ସହିତ ଦୀପାବଳି ପୂର୍ବରୁ ସରକାର ସାଧାରଣ ଜନତାଙ୍କୁ ଏକ ବଡ ଉପହାର ଦେଇଛନ୍ତି। ଗ୍ରାହକଙ୍କୁ ଶସ୍ତା ଖାଦ୍ୟ ଯୋଗାଇବା ପାଇଁ ସରକାର ବର୍ତ୍ତମାନ ଏକ ଜବରଦସ୍ତ ଘୋଷଣା କରିଛନ୍ତି। ସୁଲଭ ମୂଲ୍ୟରେ ଡାଲି ଏବଂ ପିଆଜ ଯୋଗାଇବାକୁ ସରକାର ଘୋଷଣା କରିଛନ୍ତି। ଦିୱାଲୀ ଉପରେ ଖାଦ୍ୟ ସାମଗ୍ରୀର ମୂଲ୍ୟକୁ ନିୟନ୍ତ୍ରଣରେ ରଖିବା ପାଇଁ ସମସ୍ତ ଉଦ୍ୟମ କରାଯାଉଛି ବୋଲି ଗ୍ରାହକ ମନ୍ତ୍ରଣାଳୟ ଗୁରୁବାର କହିଛନ୍ତି।
ଉପଭୋକ୍ତା ବ୍ୟାପାର ମନ୍ତ୍ରଣାଳୟ ଦେଇଥିବା ସୂଚନା ଅନୁଯାୟୀ ଏକ ବଡ ପଦକ୍ଷେପ ନେଇ ସରକାର ଖୁବ୍ କମ୍ ମୂଲ୍ୟରେ ରାଜ୍ୟକୁ ଡାଲି ଯୋଗାଇବାକୁ ଘୋଷଣା କରିଛନ୍ତି। କେନ୍ଦ୍ର ସରକାର ଡାଲିର ମୂଲ୍ୟ 8 ଟଙ୍କା ହ୍ରାସ କରିଛନ୍ତି ଏବଂ ସମାନ ମୂଲ୍ୟରେ ରାଜ୍ୟକୁ ଡାଲି ଯୋଗାଉଛନ୍ତି, ଯାହାଫଳରେ ଶସ୍ତା ଖାଦ୍ୟ ଶସ୍ୟ ଗ୍ରାହକଙ୍କ ନିକଟରେ ପହଞ୍ଚିପାରିବ। ଏବଂ ଉତ୍ସବରେ ବୃଦ୍ଧି ପାଉଥିବା ମୁଦ୍ରାସ୍ଫୀତିରୁ ଜନସାଧାରଣ ଆରାମ ପାଇପାରିବେ। ଏହା ବ୍ୟତୀତ ଏକ ବଡ ପଦକ୍ଷେପ ନେଇ ସରକାର ପିଆଜର ମୂଲ୍ୟ ହ୍ରାସ କରିଛନ୍ତି। ଗ୍ରାହକ ମନ୍ତ୍ରାଳୟ ଅନୁଯାୟୀ, ବଜାରରେ ପିଆଜ ଅଭାବକୁ ଏଡ଼ାଇବା ପାଇଁ ସରକାର ପର୍ବପର୍ବାଣୀରେ ବଫର ଷ୍ଟକରୁ ପିଆଜ ଯୋଗାଉଛନ୍ତି।
ଅତ୍ୟାବଶ୍ୟକ ସାମଗ୍ରୀର ଉତ୍ପାଦନ, ଆମଦାନୀ, ରପ୍ତାନି ଏବଂ ଉପଲବ୍ଧତା ଉପରେ କେନ୍ଦ୍ର ସରକାର ତୀକ୍ଷ୍ଣ ଦୃଷ୍ଟି ରଖି ଆସିଛନ୍ତି। ଆମଦାନୀ କରାଯାଇଥିବା ୧.୦୦ ଲକ୍ଷ ଟନ ହରଡ଼ ଏବଂ ୫୦,୦୦୦ ଟନ ବିରି ସଂଗ୍ରହ ଆରମ୍ଭ କରିଛନ୍ତି କେନ୍ଦ୍ର ସରକାର ୩୧.୦୩.୨୦୨୩ ପର୍ଯ୍ୟନ୍ତ ହରଡ଼ ଏବଂ ବିରି ଆମଦାନୀକୁ ‘ମୁକ୍ତ ବର୍ଗ’ରେ ରଖାଯାଇଛି। ମସୁର ଉପରେ ମୂଳ ଆମଦାନୀ ଶୁଳ୍କକୁ ୨୭ ଜୁଲାଇ ୨୦୨୧ ପରଠାରୁ ଶୂନ୍ୟସ୍ତରକୁ ଖସାଇ ଦିଆଯାଇଛି । ଅନ୍ୟପଟେ ୧୩ ଫେବୃଆରୀ ୨୦୨୨ ଠାରୁ ୩୦ ସେପ୍ଟେମ୍ବର ୨୦୨୨ ପର୍ଯ୍ୟନ୍ତ ଲାଗୁ ହୋଇଥିବା ଶୂନ୍ୟ କୃଷି ଭିତ୍ତିଭୂମି ଓ ବିକାଶ ସେସକୁ ମଧ୍ୟ ୩୧ ମାର୍ଚ୍ଚ ୨୦୨୩ ପର୍ଯ୍ୟନ୍ତ ବୃଦ୍ଧି କରାଯାଇଛି । ରବି ଋତୁ ୨୦୨୨ ଅମଳ ଅବଧି ସମୟରେ କେନ୍ଦ୍ର ସରକାର ୨.୫୦ ଲକ୍ଷ ମେଟ୍ରିକ ଟନ ପିଆଜ ଗଚ୍ଛିତ ରଖିବା ଲାଗି ବଫର ଷ୍ଟକ ପ୍ରସ୍ତୁତ କରିଛନ୍ତି ।
